Популарни Библиски стихови од ИЗЛЕЗ 2

Сподели

Бог го чу нивното викање за помош и се сети за Својот Завет со Авраама, Исака и Јакова. И Бог погледна на Израелците, и се зазеде за нив.

По долго време почина египетскиот цар. Израелците уште стенкаа во ропство. Викаа, и нивниот повик за помош, среде ропството, се издигна до Бога.

Кога детето порасте, таа го доведе при фараоновата ќерка, која го посини. Му го даде името Мојсеј, „зашто го извадив - рече - од вода.“

„Земи го детево - ѝ рече фараоновата ќерка - и одгледај ми го, а јас ќе те платам.“

Фараоновата ќерка слезе до Реката да се капи, додека нејзините слугинки шетаа по брегот на Реката. Таа ја забележа кошницата во трските, па ја испрати слугинката да ја донесе.

Еден ден, кога Мојсеј веќе беше порастен, дојде меѓу своите браќа и ги виде нивните маки. Тогаш забележа како еден Египетец бие еден Евреин - негов брат. Се заврте ваму-таму и откако виде дека нема никој, го уби Египетецот и го закопа во песокот.