Популарни Библиски стихови од Luka 6

Сподели

Simbeny vandu simbo, na yeni muvesimbwa. Ni kyeeso kisha kyikee kisirye, kikee kisisikye, kikee kya mwangara nkyo vashemuletyaa efo maakony. Nyeli kyeeso musheesaa nakyo nkyo musheesyoo yeni mwiviiryo.

Na nndu yeto nsha, efo findony fyakwe fisha asurumyi efo nriminy mmbo avaa mweende-fo ekyo kisha. Na nndu yeto nravi efo findony fyakwe fya uravi asurumyi nriminy kaveva mweende-fo ekyo kiravi. Mashika efyo fikee efo nriminy mfyo kana karera.

Indi veny vekunda vakiduva vany, veny vetanya vandu fya usha na ivaakuya mulavereyaa kindo mutawaa. Llyo isina lyany lyisheng'anaa muveva na vana va eto akee uuwe ya findo fyoose. Kimmba we ava indo mwiisimba naakwa ni yewo valatiri kyaanu na yewo varavi.

Naasa veny veelyilya vandu, shaasa na Nde eto waany akee mwiilillya.

Nta mulakuvike veerumbwa kya vandu mukooye ekyo kyany kyarumbuwa indo. Nta mulave veutya vandu uvingo mukooye yuutyo uvingo yeni. Veny vereeya vandu siye tany, neeni mukooye ireeywa siye.

Indi kindo shamuvia yeni mwiifo musharanyaa, Kundeny vakiduva vany. Yewo vamusua vatanyiny fya usha. Yewo vamudenga vakundyeny mbora. Yewo vamwiinyala vaterevyeny efo kwa Iruva.

Shaasa mukundye vamutannyi yeni, neeni kevevatanyiny indo-da.

Na nndu kakukapa woi lwa yuundu lyimwi, kyevemmberetye na yelyo lyingyi. Na nndu kakusoka soori yafo ya yeerya, na yeyo kuree nyamii-u nta kulamwiimi. Wo nndu akutereva kindo nniinge. Na nndu kakusoka efyo fyafo nreeye.

Mashika nkwiifo nri nsha uvikaa ndunda shikasha-fo. Nta nkwiifoo nri nkasha uvikaa ndunda shisha-fo.

Mashika wo nri mmbo umanyika na ndunda tavayo. Mashika ndunda ta marwaa nshi efo nrweny tayaywa-fo, nta ndunda ta nsabibu ntidowaa efo miingeny-fo.