Популарни Библиски стихови од MATIU 6

Сподели

Kɛɛ Ngewɔ Mahayɛi gɔkɔlila kɛɛ ngi liima hindei wielei i wu liihɛlɛ i lewe hinda gbi ma; na wiengaa Ngewɔ a hani wekei jisia gbi velɔ wu wɛ.

Faale wu lii aa hɛlɛ sina va; sina a walɔ a ndiihɛlɛ gboto kungɔ ta yekpe va. Sabu gbii na wu sina liihɛlɛisia wu haayeisia maahu.

“Faale ngi nde wu ma, wu lii aa hɛlɛ mɛhɛɛ kɛɛ kpɔlehanii na va wu gbengɔ fa aako ndɛvui i lo wu hokpala, ɔɔ kulei wu luwuisia va. Ndɛvui leweni mɛhɛɛ ma, tawao numu gbuhɛi leweni kulei ma!

Kɛɛ bi yaa hɛɛma, wuaa bi lomui hu, bi pɛlei gbɔwu, bi hɛɛ bi Kɛkɛ na ma numu ɛɛ ngi lɔ tawao bi Kɛkɛ na a ndɔwuma hindei hulɔ, a bi mawaalɔ.

A Ngewɔ vɛli hɔɔ hii: ‘Mu Kɛkɛ bia bi Ngelegoohu bagɔma i yɛ bi biyei ma. Bi mahayɛi i wa, Bi liima hindei i wie dunyei hu, kia i wiema la Ngelegoohu.

Mɛhɛɛi na ba fe mu wɛ folo gbi yeehaayei ve

Manu mu ma mu nyamuisia va, Kia mua bɛɛ ma manu nasia ma ta hinda nyamu wie a mue

Baa li a mue kɔlɛya hu, bi mu mabawo Seitana yeya.’ Ajifa bi woo lɔ a mahayɛi kɛɛ kpayei kɛɛ tɔwɔi, kunafɔ. Amiina.

“Wu manungaa nungaa wekeisia ma nyamui nasia va ti pienga a wue, wu Kɛkɛ na i Ngelegoohu ta bɛɛ a manulɔ wu ma.

Ŋɔningɛisia gbe lɛ ti ngelei ma; tɛɛ tuhani hii ta tewe ta tɛ kpuwungaa laa; na hu gbi wu Kɛkɛ na i Ngelegoohu a ti gɔlɔ! Wuii leweni poloŋ ŋɔningaa ma?

“Waa kpatɛ lɛma wua yekpe va dunyɛi ji hu, mia gilingaa kɛɛ kaayei ta nyani tawao humablaa ta wili na ti huma. Kɛɛ a kpatɛi lɛma Ngelegoohu, mia gilingaa kɛɛ kaaye tɛɛ nyani tawao humablaa tɛɛ wili na ta huma. Gbamaile mia bi gbatei a yɛ na, na lɔ bi lii bɛɛ a yɛ na.

“Numu gbi ɛɛ gu aa yɛ a nduwɔkɛ fele ti luwɔ; na wiengaa, a lololɔ a yeengila, i lo a yeepekei ɔɔ a gololɔ yeengila wɛ, i lɛɛ yeepekei hu. Wɛɛ gu wa yenge Ngewɔ wɛ kɛɛ kpatɛi a leenga.

Ngewɔ mia a kpitiisia mayili kpitii nasia ta yɛ na haa kɛɛ sina kɛ ti ti mɔnga. Ɛɛ gbewe ngi ma wu mayiliva i lewe kpitii ma? Wu layii a Ngewɔ gulongɔe kpa!

Kɛɛ bi yaa hani vema fɛɛlimɔ wɛ, pie ndɔwuma aako bi liimamɔ bɛɛ aa hugɔɔ. Bi bi hinda wandɛisia wiengaa ndɔwuma, bi Kɛkɛ na a ndɔwuma hindeisia hulɔ a bi mawaalɔ.

“A wu mahugbe waa wu hinda yekpeisia wie faha yama aako nungaa ti tɔ gbɔɔ wu piema. Wu hindei jisia wiengaa fahii yama wɛɛ mawaa gbi majɔɔ a wu Kɛkɛ na i Ngelegoohu.

“Wu ya sui houma waa wua yekpe mamamau kia bayablɛisia ta pie. Ta tia yekpe gbualɔ ndɔgbɔ aako nungaa gbi ti tɔ kɛ tia sui hu. Ngi hugɛ a wue, a tɔnya, ti wilanga a ti pawɛi kpɛlɛɛ majɔɔlaa. Kɛɛ bia bi ya sui houma, bi yama wua, bi ngulɔi jia wuhu bi bi wui hugbua; aako nungaa wekeisia taa gu a kɔɔla kɛ bia sui hu kɛlee bi Kɛkɛ na ngi lɔwungɔ; tawao bi Kɛkɛ na a ndɔwuma hindeisia hulɔ, a bi mawaalɔ.