Популарни Библиски стихови од LUKAS 10

Сподели

Do ie ke ri mu ta toi! Alla ke mu pewie ri Ya ne kuaha mita nara ke mu ta jhalli pekehenynyi debhoho nga kerakarai, nga nara ta pepada hari-hari lua rui nga kedi ihi-muhu ihi-lawa, jhe do dho bhule hahhi lai he ta pehedui mu.

Ta bhale ke ri Muri, ”Marta, Marta! Do keba'a-kepapi au, jhe do dho ketanna au ne penge nadhe nga nanidhe; tapulara ne do rihi paralu ne, tituwata hahhi we, jhe ri Maria do alla ke pepidhe ne do woie ne, do adho ke do ta aggo ri ti no.”

Ta bhale ke ri ddau do naanne, ” ’Ddhei we au nga Deo Muri au nga hewue nge danni-ade au nga hari-hari uku nga penge au,’ jhe ’Hajha ddhei we au penaja nga ddau ihi-anga, mina mii ne ddhei au nga ngi'u au miha.’ ”

”Do dhai ae ke ne ihi-habha do ta ghattu,” ne ane No pa ro, ”tapulara ne mone ghattu do hudi we. Rowi do mina harre ke, ami we pa mone maa ne mita ie no ta pepu mone ghattu ta ma ghattu ne maa no do ihi dhe.

Pa pedakka lipedhiri do naanne pepedakka ri likebhali do mina hedhe, ”Ngati telora do tallu ddau do na harre, do nami ke, pedutu nga lii au do jadhi ta ddau nga ddau ihi-anga penaja nga ddau do hedui do naanne?” Ta bhale ke ri guru-aigama do naanne, ”Ddau do ruba dhara nga ddau do naanne.” Ta lii ke Yesus pa no, ”Nah, ki do mina harre ma, kako we au jhe la tao ri au mina harre lema!”

Nah, pekaddhi we! Ne pepu mu ri Ya mii naki'i jhawa he la telora ngaka addu.