Популарни Библиски стихови од YOHANES 6

Сподели

”Ya ke ne Roti do wie muri mada ne,” ane Yesus langngu ro, ”Ddau do dakka ma nga Ya, i'a dho ke no menganga wari ri lohe la lodho do nami-mii ne. Jhe ne ddau do parahajha pa Ya, i'a dho ke no hae koko wari lohe la lodho do nami-mii ne.

Henga Deo ke ne do ta wie muri mada pa ddau raiwawa. Lua rui nga kedi ddau raiwawa bhule dho nga guna nga-nga. Lipedai-lipedai do pale ri dhe pa mu, lipedai-lipedai Henga Deo, jhe lipedai-lipedai do wie muri mada.

Jhagga we tu ta nara bhara nga'a do dho i'a wwau ne jhe do nara ta wie ne muri mada do petu nga do peloro ne. Ne bhara nga'a do naanne do ta wie ri Ana Ddau Raiwawa pa mu, rowi do alle ke No pe dhe ri Deo Ama.”

Tarra-tarra na dhe ke ne lua ddhei Ama, mita hari-hari ne do ngadde Ana jhe parahajha pa No, do nga muri mada do petu nga do peloro ne ke no, jhe do ta pemuri bhale wari pa Lodho Pedakka Rahi Raiwawa.”

Ta bhale ke ri Yesus, ”Nadhe ke ne do ddhei Deo ngati mu: parahajha we pa No do pepue ri Deo ne.”

Hari-hari ddau do wie ri Ama pa Ya do ta dakka ma nga Ya. Nadu we ne do dakka ma nga Ya, nyakka dho ri Ya.

Ta bhale ke ri Simon Petrus, ”Muri, ta kako nga nadu ri jhi? Wata lipalinga lipedai Muri we ne do wie muri mada do petu nga do peloro ne.

Ya ke ne Roti do puru ngati era do mmau do megala ne – Roti do wie muri mada ne. Ddau do nga'e ne Roti do nadhe do ta muri mada ke lohe la lodho do nami-mii ne. Ne roti do ta wie ri Ya ne, tu lua muri mada ddau-raiwawa do pa danni raiwawa, wala dho ke ngati kebhue-kedalli Ya.”

Bhule dho heddau he do nara ta dakka ma nga Ya, kiadho ro do aggu ri Ama do pepue Ya ne; jhe nadu do dakka ma nga Ya, do ta pekaddhi ro pa Lodho Pedakka Rahi Raiwawa.

Moko ta lii ke Yesus pa ro, ”Parahajha we mu: Adho Musa, tapulara Ama Ya ke ne do wie mu ne Roti do petu petarra ne ngati era do mmau do megala ne nga wie muri mada pa ddau-raiwawa do pa danni raiwawa do nadhe.”

Ya ke ne Roti do wie muri mada ne.

Ta aggu ke ri Yesus ne roti do na harre, jhe peha'e No kolo lii ie-ae pa Deo. Ta alla pemina harre, ta pebhagi-bhagi ke ri No ne roti do na harre pa ddau lowe he. Ta alla penaanne ta pebhagi-bhagi ke ri No ri ne nadu'u he pa ddau lowe he. Moko ta nga'a ke ro tade gaha-tade bhenya. Ta alla le ro penga'a tade bhahhu, ta lii ke Yesus pa ana hekola No he, ”La pekupu ko ri mu ne do hiha ngati do nga'a ri ro he, mita do dho hora-ila-wue.”

Ta jjhau ro ne pekaddhi, era ke ta lammi kiadho ta anna kilo he, ta ngadde ke Yesus ri ro do narru pa dhida ei ne ju la nga kowa ro ne. Dhai meda'u ro. Tapulara ta lii ke Yesus pa ro, ”Bhole meda'u, Ya ma nadhe!”