Популарни Библиски стихови од Yohanes 12

Сподели

Tau ang pemala mendahi suoangku pahallu natindo' si'da-si'daä' anna malai sibaha loloang di umba-umba kuonge. Tau ang noa yatoo la napa'käyyängngi Ambeku.

Menna ang ungkahimanangngi katuhoanna lambi' ungkahaoi kamadahhaang la bilang nakapa'daiete' yato katuhoanna; ampo' menna ang dai ungkahimanangngi katuhoanna yaling inde di lino, ya' la ullambi'ete' nei' katuhoang ang lambi' sapano-panona.

Kutula'ingkoa' setonganna ponna ke dai dilämmä' naung di tampo sallisa' batu pinamula sihapang ungngolai kamateang, ya' la tontong loloetee' sallisa'. Ampo' ponna ke puhang ungngolai kamateang, ya' la tuhtuang membea'etee'.

Tamamä' inde di lino sihapang kamabayaang anna malai tau ang mampetahpa'ä' dai la tuho yaling di kamalillingang.

Pano di tau ang ungnghingngi pepaturungku ampo' dai naaku napembabeing, tau yatoo la ditahungkung, ampo' tadia Kodi' ang la mantahungkung. Aka' kasuleangku tama di lino, dä' la untahungkung to lino, ampo' sika la kupasalama'.

Pihsananna suleng ta Maria ullumba Puang Yesus umbaha umbai setangnga lite' minnä-minnä' ang bomammi' si'da-si'da, disanga ‘narwastu.’ Inde minnä-minnä' dai aha bängki'na anna masu'li' allinna. Natolloiming bihti'na Puang Yesus, mane napahsii beluhä'na. Lambi' inde huäng dasang bomammi' si'da-si'da napobua' yato minnä'-minnä'.

Ya' para-parang sika ungngala palapa mahäti', ang la naampa' naung di lalang tandana napakeangka', anna do natammuii sibaha kakahsiang, lella' siang sika koha naoatee, ”Pudii sanganna Puang Alataala! La dibehe Inde ang nasuo sule, dianto Tomarayanna to Israel!”

Mentimba'mi Puang Yesus pano diii naoaintee, ”Lambi'mi tempona dipalanda' kamatandeanna Änä' to Lino.