Популарни Библиски стихови од Yohanes 1

Сподели

Ampo' pano di ingkänna tau ang mantahimbo nabea nei' kakuasaang anna malai mendahi änä'-änä'na Puang Alataala, dianto ingkänna tau ang mampetahpa' pano.

Uhu-uhuna naonge dake' dipadahi inde lino, inang ahang Bahtakara. Yato Bahtakara sibaha Puang Alataala anna yato Bahtakara dianto Puang Alataala.

Yato ballo mesilo yaling di kamalillingang, anna inde kamalillingang dai mala umpi'dei pesilona yato ballo.

Yato Bahtakara menghupataung anna tohhoi yaling di alla'-alla'ta, lambi' mala taita kamatandeanna, dianto kamatandeang ang nabea Ambeta Puang Alataala pano di Änä' samboana. Ungngolai yato Änä' lambi' mala tasa'ding pa'kalemunna sibaha katahpa'anna Puang Alataala.

Ingkänna-ingkänna siamo napadahi asang Puang Alataala ungngolai Bahtakara. Dai aha moi poro la mesa ang dahi ke dai ungngolai yato Bahtakara. Yaling yato di Bahtakara aha katuhoang anna yato katuhoang dianto ballo ang umballoi ingkänna hupatau.

Tahpana marondonna Yohanes ungngita Puang Yesus sule napellambi'i. Ya' ma'karang Yohanes naoatee, ”Itaia', Dianto indoo Änä'na Puang Alataala napasihapang Änä' Domba ang la napake umpa'dai dosanna to lino.

Mentamang inde di lino anna inde lino inang dipadahi ungngolai inde Bahtakara, ampo' moinnakato noa dai sika nainsang naoate menna Yato setonganna. Sule umpellambi'i bohtona toboe', ampo' dai natahimbo sola bohtona.

Yato ballo ang setonganna, ang la umballoi ingkänna to lino, mentamang inde di lino.

Yato Atohang napainsangngiingkea'ne' Nabi Musa, ampo' pa'kalemunna anna katahpa'anna Puang Alataala tatahimboa' nei' ungngolai Puang Yesus, To Dilanti' la Mepasalama'.