Популарни Библиски стихови од JOHANNES 10

Сподели

Anggo panangko, na giot manangko sajo do i muda ro, mamatehon dohot manyegohon. Tapi anggo Au muda ro, anso marhangoluan do halahi – i ma hangoluan na marlobi-lobi.”

“Au do parmahan na denggan. Rade do mate anggo parmahan na denggan manghopkop biri-birina.

Ditangihon biri-biringKu do sorangKu. Hutanda do halahi jana diihutkon halahi do Au.

Hulehen do di halahi hangoluan na so ra mantak. Bagi na bia pe nada mate halahi, jana nada tarrampas sanga ise pe halahi sian parmahanionKu.

Au do pintu i. Sanga ise na masuk sian Au, dapotan haluaan; dapotan jampalan ma i muda masuk sanga karuar.’

Au do parmahan na denggan. Hutanda do angka biri-biringKu jana ditanda halahi do Au

Gumodangan dope Damang na mangalehen halahi di Au sian sasudena. Jana nada tarrampas sanga ise pe halahi sian parmahanion ni Damang. Sada do Au dohot Damang.”

songon Damang na mananda Au jana Au mananda Damang. Jana Hulehen do hosangKu humopkop biri-biringKi.

Nada tarbaen sanga ise pe mangarampas hosangKu sian Au. Na rade hian do Au mangalehen hosangKi. Guru di Au do mangalehen i jana marguru di Au do muse laho manjagitsa mangulahi. Jana i ma na nisuruhon ni Debata sibaenonKu.”

Didok Jesus ma mangulahi, “Tutu do na Hudokkon tu hamu: ‘Au do pintu di biri-biri i.

Anggo parkarejo na mangomo, nada parmahan i, jana nada ia nampuna angka biri-biri i. Muda diida ia sorigala, marlojong ma ia manadingkon angka biri-biri i, lopus disoroi sorigala i angka biri-biri i jana marsitondong dalanna be.

“Tutu situtu do na Hudok on tu hamu: Sanga ise na masuk tu bara ni biri-biri i nada sian pintu, sipanangko do i jana panyamun.