Популарни Библиски стихови од Lúkɑ́shi 24

Сподели

Pʉʉ jí ŋɡɔ ŋ ɡɛ ńtɔ́ ńtúu yúu mi Tɑ̌ɑ mɔ kɑ kɑꞋnɛ nɛɡɑ́ mbɔ̌ pʉʉ. Pʉʉ kɛ ńzẅíꞋlɛ pɔ tʉ́sɔŋ tɛ ŋ́kúu ŋkɑ́ yi mɛtʉʉ-Sɛ́ ɡʉ ɛ́fú tʉ́nɛ́pú ńcúŋ ŋ́kúu nǔu pʉʉ.

A kɑ́ pɛ́t zɑ́Ꞌnɛ pɔ́, ɑ zẅíimɛ nǔu nɛvú. Pʉʉ zɛɛ ŋ́kẅíitɛ nu yi ɑ kɑ pɔ́ ńcú mbɔ̌ pʉʉ ŋkɑ́ yi pʉʉ pɛ́pɔ́p kɑ pɛ́tnɛ Ŋɡɑlilɛɛ.

Pɔ́Ꞌ mík mɔ́p ɡɔ́ɔ ŋ́kɛ́ ńdɛ́ɛnɛ pɔ́p lii wɛ́, ɑ ɡɔ́ɔ ḿbɛ́. Pɔ́p shɔtnɛ ńcú tsɛtsɛt pɔ́p ŋɡɔ: «Yɔ lɔk ḿbɔ́ yúu mi ɛ́ lɑ́Ꞌnɛ ŋ́ɡɛ lɑ́ sẅiŋɛ yɛ́ kúutɛ wǔu ŋkɑ́ yi pɛkŋɛ lɑ́Ꞌnɛ ḿbɔ́ sɛ̂ndúŋ ɑ pɔ́ ŋ́kyɛ́Ꞌtɛ nu-Sɛ́ ɛ́sẅíi wǔu lɑ́!»

Ńcú ŋɡɔ: «Ɛ́ tsɛt ŋwɑꞋnɛ-Sɛ́ ḿbɔ́ ŋɡɔ: Nzɑ́Ꞌŋkʉ ɡẅɛɛ nɛ lɑ́Ꞌ ńjʉ́ɔ ŋɡʉ̈ɔ́Ꞌ, ḿpfú, lɑ́ Sɛ́ pɛn ńzẅíi wɛ́ nǔu nɛvú nǔu mbɑ́ɑtɛ lɛ́Ꞌ pɛ́tɑ́t. Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Ŋ́ɡʉ tɛ ŋ́kúu zúꞋu, ńjʉ́ɔ, mbɔ pɛ́ kɑ fú ntsu-nɛshi, ńtsʉ́ʉ mɑ́mɑ́ ŋɡɔꞋ yí ɛ́ ḿbɔ́nɛ zúꞋu. Pɔ́p jɛ́Ꞌ ŋ́kúu tsɛtú, ŋ́kɛ́ ḿbɔɔ pfú-Tsɑpʉɔ Yɛ́su jʉ́ɔ.