Популарни Библиски стихови од Luc 17

Сподели

Nó ó Yésʉs á lɛ́ɛ e né ó: «Gbɔlwaa sí. Bʉŋláa. Búʼó yô, yɨ́ tiʼ gô.»

Nyé sá syóm ɨ́ páʼ gô nzɔʼ nzaangbá ɨ́ móhó ngwár nó, jɔʼ yɨ́yɛ̂h nyé ngá báʼǎ lɛ́ɛ e go ó: “Mɨ́ túmǒ koo e misyóm myâm! Mɨ́ dwirǎ léme” yɨ́, pɛʼɛɛ bíbaa bí ébébe gô laá nyé tɨ̂ʼ bí.»

Nyʉ́ʉ́ mʉ̂r ɨ́ sɔ́má yɔ́ɔ́, jɔʼ nyé á bee ó, nyɨ́ tiʼe yɨ́, nye ntɔ̂ʼ bwóolo ntúʼó, lɨ́ egúmlǒ Nzyɛ̌m le etyêl kʉ́kʉ́. Nó nyé á nze kúrwo sí, píʼe mpóm ɨ́ bibwǎh ɨ́ mpǒm mé Yésʉs, lɨ́ edwe nyé nzyǒo. Mʉr waá á be ó mʉr Samarî.

Gwá di gá le ocwóó. Mɨ́ɔɔ́ gǒ sá ébébe nó, dwéʼ nyé mebě. Nyé túmó koo le ebébe lé, le edwirǎ léme nɛ́ɛ: pɛʼɛɛ̌ baa ébébe gô láá nyé yɨ́.

Yésʉs ntɔ̂ʼ lɛ́ɛ ó: «Bʉr kám bɨ́bɛ̂h, bé á bě sí tiʼe, yé abe nó? Á bʉ́ʉ́ bʉ̂r ebǔ bɨ́ɛ, bé mû wó ɛ́?

Tî Yésʉs ntɔ̂ʼ yala ó: «Búʼó yɨ́n, yé damá twâʼwo mpʉ dîh é nyʉ́ó, yé bé yé ó mpǎŋ búʼó nó, bɨ̌n bé e nkul elɛ́ɛ e lɨ́ yɨ̂ʼ ó: “Duhaa wâ, go e tó tyɛ̂b ɨ́ mâŋ,” yé ntémé ntɔ̂ʼ sâ bɨ́n mejóʼo.»

Mʉr ósáa ékamle e twiʼ yé nyá, ódímle yê. Waá dí ekam édímlě twiʼ yé nyá, nyɨ́haá ó ngá baʼle yê.

Nó ó Yésʉs á nze lɛ́ɛ le ompʉ́n bé ó: «Yé óbe ɨ́ jɔʼ yɨ́yɛ̂h ó e mebɔ̌ʼ mé óbɨma bʉ̂r ɨ́ miléme ó, bé sâʼ ebébe má. Nkoó, nye ó e mʉr ngá gbâ bʉ́ʉ́ bʉ̂r mebɔ̌ʼ maá nyá! Yé á gwa mbɨa ɨ́ páʼ wé ó, bé tyéelaa nye nkoʼ ɨ́ twíí, ntɔ̂ʼ guhɔɔ nyé ɨ́ mâŋ, laa ó, nye gbâʼ ebɔ̌ʼ ɨ́ nzɨ̌ ngá bɨma mʉ̂r ngwár ɨ́ bwán bâm lɨ́.

Mpʉ bísɔ̂ʼ byé á syɛ́ɛ ɨ́ jɔʼ mé Nóe yɨ́, jwɨʼ gwár e gwár yaá ntémé ó ngá syɛ́ɛ ɨ́ jɔʼ Mwân mé Mʉr ónze yɨ́. Bʉr bé á si de mede le menyoʼ, ɨ́ de de de. Bé á si bâ bʉbá, ɨ́ bâ bâ bâ. Tyenɔɔ mísile ɨ́ mebâ, tó pyâl ɨ́ dʉ́ó Nóe á nî ɨ́ byɛ̂l tʉ́ŋlʉ̌ yɨ́. Mpɨɨ̌ nɨ́nɨ́ɨ́ ntɔ̂ʼ mamle, jʉ̂ bɨ́bɛ̂h.