Популарни Библиски стихови од Luc 14

Сподели

«Mʉr ónze kwá nyǎm le edi mpʉ́n wǎm ó, nyé osí pǎ kpɛl mê, laǎ mpʉ nyé dí ekpɛl sɔ́ŋ wé le nyɔ̌ŋ wé, mʉmá wé, le bwán bé, bɨ́ɔɔ́ bé le okɛ́l bé, le twiʼ yé nye mʉr tɨ̂ʼ yɨ́.

Mʉ̂r bé akpɛl énkɛ́ɛ̌ kolôs yé, dû mé nó, nye ákóʼó di mpʉ́n wǎm.

Ebě, mʉr dí enkɛ́ɛ nyʉ̂l nyá, ósulɔɔ sí. Mʉr waá dí ejɔr nyʉ̂l nyé nyá, óbɨ́nɔɔ kʉ́.»

Jwɨʼ gwár yaá, ɨ́ sɔ́má yɨ́n bɨ̌n óbɛ̂h, kâr mʉ̂r dí e nkul edi mpʉ́n wǎm, nyé bé abene bísá bíbyɛ̂h nó.»

«Wáa mʉ̂r dí enyɛl nkân tólóm mbɛ̌r, nye l'apǎ láǎ bím mɔnɨ́ nyé óbɛ̌m dímle tɨ̂ʼ yɨ́, le egʉ́ǎ nkʉ̂ mɔnɨ́ yé, yé ójala e syɛ́ɛ́ súmó yaá yɨ́yɛ̂h? Nkûl gwíí nyé, nkan lîʼ ɨ́ ntúbúm nó, bʉr o ngá bee nkân e nkan bá, bé ópipya nyé tɨ̂. Bé ólɛ́ɛ ó: “Mʉr nyâʼ á si nyɛl sumó. Nó nyé akǎ be e nkul eswâhle.”

Sáʼ njɨ ó, ɨ́ jɔʼ gó mû lɨ́ etyêl nzɔ́ɔ yɨ́, báŋláá míndyêbndyéb, bʉr o dí e bidyɛ̂m bá, bʉr o dí etɨ́a bá, ti e baántím. Gó sá nó wá, go óbi métyɛʼ me mpóm, ebě, bé abe e nkul ebwóolo gó embɨa lô. Embɨa laá, lé óbwóolɔɔ gó ó, ɨ́ móhó ótîtyěl o bʉ̂r, bé ópah wɨ́.»

«Ekpa, lé ó sá dí ɨ́ mbɨa yɨ́. Sâ gwár, ékpa, lé óbe, akǎ jómo nó, yé ngá báʼǎ sâ ó, lé bíʼee ejómo lé? Ekpa laá, lé akǎ be e nyɔm, damá jóʼo ó, lɨ́ esʉŋɔɔ ɨ́ bibwǎh, damá jóʼo ó, lɨ́ emyahɔɔ lɨ́ ekunuu. Lé ójaá sʉŋɔɔ ó, njɨ̌ kʉ̌l. Mʉr dí e megwǎl mé éjóʼo nyá, nye jóʼaa náǎ.»