Популарни Библиски стихови од Luc 12

Сподели

Bɨ̌n ntémé, diʼee gá ɨ́ cǎr. Mwân mé Mʉr ámû jaá pyâl bɨ́n metwɨrâ, lɨ́ ewala bɨ́n ngá be, abóno nyé lɨ́.»

Tááráá ésáa gá ó, bɨ̌n níʼee ɨ́ Mpóʼo mé Nzyɛ̌m. Byaá byúú bɨ́n ká jɨ̌ nɨ̌, Nzyɛ̌m ólóŋlo bɨ́n byǎ.

Nye ó: «Gwá di gá le ocwóó. Syɛ́hláá gá nzɔ́ɔ́ bísâ, mimbi mímyɛ̂h, ebě, twiʼ mʉ̂r, yé aduho ɨ́ bisá mʉ̂r waá dí e byé bí, byé damá buo.»

Komaa gá okúm le ogbaa wɨ́n gʉ̂, ebě, gúmó ókúm wɨ́n dí yɨ́, tɨ̂ʼ ntémé ó milémé mín ngá be yɨ́.»

Nzé ɨ́ sɔ́má yɨ́n dí e nkul ekɛl élû egwár ɨ́ melú mé twiʼ yé ɨ́ lɔ̌b bá nyé dí esisyɛl ɨ́ léme yɨ́?

Yésʉs, nye le ompʉ́n bé ó: «Mě lɛ́ɛ́ bɨ́n ó: asyɛl gá bá ɨ́ lɔ̌b twiʼ, lɨ́ eyêʼwǒ sá bɨ́n ngá de yɨ́. Asyɛl gá bá ɨ́ lɔ̌b ményʉ́l mɨ́n, lɨ́ eyêʼwǒ kán bɨ́n ngá bwâr wɨ́.

Nzyɛ̌m ntémé, nyɨ́ gʉ́a mpúo nyɨnyɛ̂h dí bɨ̌n ɨ́ milʉ̂ nyɨ́ tâŋ. Ayɨ́ kǎ jóʼo gá bʉ́á. Bɨ̌n bê le odimé, laa báátɔlɔɔ ɨ́ buo buo.»

«Bɨ̌n bʉr o dí mâ daa e bínteme byâm bá, ayɨ́ kpɛ́ɛ gá sɔ̂ʼ. Sɔ́ŋ wɨ́n, nye lɨ́ ebee émbɨa lɨ́ eníŋle bɨ́n ɨ́ Mpóʼo nyé.

Paá bee gá bikpáŋ bî: byé abe mémpeʼ, akpɛm méde. Byé abe e mentɔ́ɔ, abe e menkuna. Tó kœb ó, Sɔ́ŋ wɨ́n ó dí edwe byé mede. Mʉr, nye ɨ́ buo ódimé, laa bínʉ̌n.

Ayɨ́ dudû gá njɨ mede le menyoʼ bɨ́n ngá de má. Ayɨ́ yêʼwo gá bisɨ́ǎ byaá.

Nzyɛ̌m pǎ nyɛɛ́ toŋlo ménzɔ̌m nó, á dwɛʼra e bɨ̌n! Menzɔ̌m ntémé, adi. Mûh, mé lɨ́ epâh pemé e pemé. Ɨ́ mɛ́n, mé akǎ be. Mé mû ó lɨ́ eguhɔɔ ɨ́ duró. Nzyɛ̌m ókʉ́ bôr bɨ́n mikán, bʉr o dí abûʼla bá!

Sá yɨ́yɛ̂h dí lɨ́ esǒ yɨ́, yé ógwíha. Sá yɨ́yɛ̂h dí solá yɨ́, yé ógʉ́ŋɔɔ.