Популарни Библиски стихови од Yʉánɛs 12

Сподели

Mʉ̂r bé lɨ́ egwɨ̂m éséa e me nó, nye dúʼoo sɔ̂ʼ njɨ me. Nó, gúmó mé dí yɨ́, gúmo yaá ó syɛ̂l mesâ wǎm ntémé ngá di yɨ́. Waá nyɨnyɛ̂h ngá séa e me nyá, Sɔ́ŋ wǎm ódwe nyé kûm.»

Mʉr nyɨnyɛ̂h dí ekpɛ̌l twiʼ yé nyá, ódímle yê. Mʉr dí ebeně twiʼ yé ɨ́ sí yɨ̂ʼ nyá, óbaʼle yê. Nye ódi ó, njʉ̌m dǐ e njʉ̌m dǐ.

Mě lɛ́ɛ́ bɨ́n lɨ́ otyeetye ó, bumó, yé ódidi gwár ó, jɔʼ yé dína apǎ swahɔɔ ɨ́ bibwǎh yɨ́. Bumó sí swahɔɔ ɨ́ bibwǎh, pâh nɛ́ɛ: yé ógúmo mpúmó menkû menkû.

Mɛm á nze ɨ́ sí yɨ̂ʼ ó, me pánaa myɛ́n, ó mʉr nyɨnyɛ̂h dí edyêʼ koo e me nyá, nkʉ̂ duho lɨ́ edúrʉ́ʉ́, tô pyâl ɨ́ myɛ́n.

Mʉ̂r sí jóʼǒ lɛ́ʼlá wâm, abâʼle wé nɛ́ɛ: nye mû ó e lɔ̌b. Sâ gwár, ntʉ mé ótíʼe nyé wǎ, ebě, me á nze ó, me ntáa nzě tiʼ bʉ̂r, abe lɨ́ enzě tíʼe mílɔ̌b.

Maria nzě nʉǎ ntaʼ múló mé lɔbína, yé á be ɨ́ bwaʼ tâŋ yɨ́. Yé á be ó sɛ́á e mpǎŋ “nard.” Nye nzě lœ̌m Yésʉs yǎ ɨ́ mekʉ̌. Píe tɨ̂, nzě tin mé e mpuo nyé. Mbɛ̌r wɨ́wɛ̂h nzě lóno ɨ́ menumó mé lɔbína.

bê nzě nʉa mébó mé élén, nzě tóŋɔɔ, tó bɔmɔɔ e né, le elɛ́ɔɔ ó: “Mɨná dwêʼ gá Nzyɛ̌m kûm. Mɨná gúmlaa gá waá dí enze e díé mé Dâ, mʉr dí njwɨ́ɨ kúl bʉ̂r o b'Ɨ́zraɛ̂l nyá.”

Yésʉs, nye e bé ó: «Ɨ́ báánâ, jɔʼ Mwân mé Mʉr jálá le enʉa kûm nyé yɨ́, yé mû ó sí pyâl.