Популарни Библиски стихови од Yʉánɛs 10

Сподели

Ndíblʉ̌ nzé ó, lɨ́ enzě díbe, le ejʉ̂, le egbah. Mɛm á nze ó, bʉr bíʼee twiʼ. Bé bíʼee yé ɨ́ buo buo.

«Me ó mbɔʼlʉ binteme mpâ. Mbɔʼlʉ binteme mpâ, nye lɨ́ edwě twiʼ yé ɨ́ dilá bínteme byé.

Binteme byâm, byé lɨ́ ejóʼo twíí nyǎm. Me lɨ́ egʉ́a byê. Bíɛ ntémé, byé lɨ́ edû mê.

Me lɨ́ edwe byé twǐʼ njʉ̌m dǐ. Byé ákóʼó dîm ɨ́ nkɔb bʉr. Kâr mʉ̂r ngá pɛʼ mé byǎ ɨ́ mebô.

Me ó ebê. Mʉr nyɨnyɛ̂h dí enî ɨ́ me nyá, ótiʼe. Nye óninî, báʼǎ tô kʉ̌l. Nye ókœb méde mé.

Mɛm, me ó mbɔʼlʉ binteme mpâ. Mpʉ Sɔ́ŋ wǎm dí egʉ́a mé yɨ́, me lɨ́ egʉ́a nyê. Nó ntémé ó mé dí egʉ́a bínteme byâm, binteme byâm ntémé gʉ́a mé yɨ́. Mě dwé twiʼ yâm ó, lɨ́ esú é bínteme byâm.

Sɔ́ŋ wǎm, mʉr á dwe me byǎ nyá, nyě e nkul, laa bʉ̂r bɨ́bɛ̂h. Nó ó, mʉr, nyé abe e nkul edɛ̂ʼ sɔ̂ʼ ɨ́ mbó wé. Bɨ̌h e nɔ́ɔ́, bé ó sâ gwár.»

Mɛm, me ó mbɔʼlʉ binteme mpâ. Mpʉ Sɔ́ŋ wǎm dí egʉ́a mé yɨ́, me lɨ́ egʉ́a nyê. Nó ntémé ó mé dí egʉ́a bínteme byâm, binteme byâm ntémé gʉ́a mé yɨ́. Mě dwé twiʼ yâm ó, lɨ́ esú é bínteme byâm.

Mʉr ákóʼó nʉa mé twiʼ. Mɛm mʉr tɨ̂ʼ ó dí edwě twiʼ yâm lɨ́ edû gwɨ́má yâm. Mě e nkul edwe yê. Me ntémé, mě e nkul ebáʼǎ nʉa yé edwán. Yé ó sá Sɔ́ŋ wǎm á dwe me nkul jwɨ́ɨ ó, me sâʼ yɨ́.»

Jɔʼ yaá ó Yésʉs á nze baʼa lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, me ó ebé é nkál binteme.

Mʉr dí eséa ɨ́ lɔ̌b mɔnɨ́ nyá, nyé abě mbi mbɔ̂ʼlʉ binteme waá. Binteme nyé dí ebaʼle bí, byé abe byaá byé. Nyé sí bee tír menyan nɛ́ɛ: nye lɨ́ elíʼe bínteme, kpɛ́ɛ, mbi dí ó, tír waá, nyě e nkul emɛ̂r byúú bínteme, gbah byúú yɨ́.

«Mě lɛ́ɛ́ bɨ́n lɨ́ otyeetye ó, waá nyɨnyɛ̂h dí anî lɨ́ ebé é nkál binteme, tó ntaǎ kôʼ ɨ́ páʼ swîh nyá, nye ó ndíblʉ̌, nkʉ̂ nzilngǎn.