Популарни Библиски стихови од Yohana 6

Сподели

Pǝlǝa Yesu bangŋa ama: “Mǝ nda girlina mala yilǝmu. Ɓwa mǝnana kat yiu abanam ngga pà nǝ̀ ok nzala ɗǝm ɗang, sǝ ɓwa mǝnana kat pàɓamuri abanam ngga pà nǝ̀ ok mǝsamur ɗang ko bǝti.

Bangŋo mala Ɓakuli na pākiyi yilǝmu ka; ɓariki mala ɓwapǝndǝa pa nǝ̀ pà yilǝmu ɗang. Acau mǝnana ǝn bangga wun ngga a mala bangŋo na andǝ yilǝmu.

Sǝ wu kǝa wu pak turo ace girlina mǝnana kǝ kiɗiki ka ɗang; wu pak turo ace girlina mǝnana nǝ̀ pà wun yilǝmu mǝnana málá male pà kàm raka. Mǝnia ka nda girlina mǝnana Muna mala Ɓwa nǝ̀ pà wun ngga, acemǝnana Tarrû, yì Ɓakuli ka, tsǝngŋǝna bui ama earǝna nǝi.”

Gir mǝnana Tárram earkiyice ka, nda mǝnana ama ɓwa mana kat sǝn Muni sǝ paɓamuri abani ka, ɓǝ̀ kum yilǝmu mǝnana málá male pà kàm raka, sǝ mim gbal ka mǝ nǝ loasǝi nǝ yilǝmu a masǝlǝata apwari.”

Yesu earia wia ama, “Gir mǝnana Ɓakuli earkiyice ama ɓǝ̀ wu pak ka, nda mǝnana ama, wu pa ɓamur wun aban ɓwa mǝnana turi ka.”

Ɓwa mǝnana kat Tárram pam ngga nǝ̀ yiu abanam, sǝ ɓwa mǝnana kat yiu abanam ngga pà mǝ nǝ ɓínǝì ɗang.

Shiman Bitǝrus eari wi ama, “Mǝtala sǝm, aban yan sǝ sǝm nǝ̀ ká le? A nda mǝnana nǝ cau mala pà yilǝmu mǝnana pà nǝ̀ mal raka.

Mǝ nda girlina mala yilǝmu mǝnana sulǝ nǝ kuli ka. Ɓwa mǝnana kat li mǝnia yì girlina ka nǝ̀ dumnǝ yilǝmu mǝnana málá male pà kàm raka. Sǝ mǝnia yì girlina ka nyam nggūrǝam na, mǝnana mǝ nǝ pa ace mǝnana ɓǝ̀ ɓanza kum yilǝmu ka.”

Kǝɓwa pà nǝ̀ yiu abanam, mǝnana ɓǝ̀ Tárram mana turam ngga nǝ̀ nunni a rǝam raka. Sǝ mim ngga mǝ nǝ loasǝi nǝ yilǝmu a masǝlǝata apwari.

Girlina mǝ'mǝsǝcau nì mǝnana Ɓakuli pākiyi ka nda Ɓwa mǝnana sulǝ nǝ kuli sǝ kǝ pe ɓanza yilǝmu ka.”

“Mǝ nda girlina mala yilǝmu.

Yesu pǝlǝa twal akuro-nɗǝmo, pakki Ɓakuli yàwá, sǝ gaki aɓwana mǝno à dumnǝdo ka. Anggo sǝ pang nǝ anji. Yia mǝno kat ka à lili girlina kárǝìa. Anzǝm mǝnana à ɗǝmnggina kat ka, pǝlǝa Yesu ne alaggana male ama, “Wu ramnggi acili girlina mǝnana à ué ka ace mǝnana kǝgir ɓǝ̀ kǝa kìɗìkì ɗang.”

Anzǝm mǝnana à samsǝna, à bwalǝna kǝla mel tārú ko ine ka, kara à sǝn Yesu aban gya amúr mùr, kǝ yiu nǝ ban waru, sǝ yia ka ɓangciu pakkia wia kǝ̀rkǝ́r. Sǝ Yesu banggia wia ama, “Mǝ nda, ɓǝ̀ ɓangciu ɓǝ̀ kǝa pakka wun ɗang.”