Популарни Библиски стихови од Luka 8

Сподели

Na tsilya tsa terinyi ngyicha nyi walya wekyeicho na iambilyia Ṙeṙo lyilya lya Ruwa mrimenyi kowo na kui iindia wekyelyiaṙanyia na ilyiwaṙa, numa wekyekumbia ndunda wechikarishia.”

Na tsileoloka mshenyi, nyi walya waleicho na kyiiṙi kya iyenda wakailamo nyi wulembi wo masaa, na ichihiyo lya wuyana, walakumbie ndunda ngyicha.

Na walya wa iṟaṟenyi nyi walya wekyeicho na iambilyia Ṙeṙo-lyo lya Ruwa kui sia; nawo wawoṙe mri-pfo. Wekyeiṙikyia kyiyeri kyifuhi, na kyiyeri kya iyesho wekyewuya na numa.

Kawawia, “Lyookwi iiṙikyia lyanyu?” Wakaowuo, wakatandiṟi, wechigamba wo wenyi ko wenyi, “Ichu nyi wui aṙeṙia shiwiṟi na mṟinga, nasho shikamwaṙanyia?”

Walya wa kufuhi na njia nyi walya wekyeicho, numa Satana nekyecha karakuo Ṙeṙo lyilya lya Ruwa mrimenyi kowo, walacheiṙikyia na ikyia.

Cha kyipfa kuwoṙe kyindo kyikyishikyie maa kyikuṟiikyie kyilechimanyika-pfo.

Mka ulya ammbone kye echiiṙima ikuṟiika-pfo, kacha eṙeṙema, kaoloka mbele yakye, kamwongoya mbele ya wandu woose, kyimaṙuma kya impaaya, na chandu alewekyiṟo cha ilyi. Kammbia, “Mana, iiṙikyia lyapfo lyakukyiṟa. Yenda na ufoṟo.”

Wakayenda kokye wakamwamtsa, wechigamba, “Mndumii, ung'anyi, Mndumii ung'anyi, luisia.” Kaamka, kaṙeṙia kyiwiṟi na mṟinga ulya o nduwa shikatsia sau, kukowaṙa itsia lying'anyi.