Популарни Библиски стихови од Јован 19

Сподели

А кога вкуси Исус оцет, рече: »Се сврши!« И кога ја наведна главата, го предаде духот.

По ова, знаејќи Исус дека е сѐ свршено, за да се исполни Писмото, рече: »Жеден сум.«

А Исус, штом ја виде мајка Си, и ученикот, кого го љубеше, како стои, ѝ рече на мајка Си: »Жено, ете ти син!« Потоа му рече на ученикот: »Ете ти мајка!« И од тој час ученикот ја зеде при себе.

А кога дојдоа до Исуса и Го видоа дека беше веќе умрен, не Му ги прекршија колената; но еден од војниците со копје Му ги прободе ребрата, и наеднаш истече крв и вода.

Оти ова стана, за да се исполни Писмото: »Коска Негова нема да се прекрши.« И друго Писмо пак вели: »Ќе погледнат на Оној, Кого Го прободоа.«

И носејќи го Својот крст, Он излезе на местото, што се вика Лобно, а по еврејски Голгота

И војниците, кога сплетоа венец од трње, Му го кладоа на главата и Му облекоа багреница