Популарни Библиски стихови од Luku 23

Сподели

‑Yusu 'mʋ 'ʋ tugbɛ 'yie nɩ, ‑ɛ ‑bɩ kɛ‑ ɛ pɩ: «Na 'Baɩ o, dɛ 'kuku ‑bʋ, ʋ ni, ‑hru 'a ‑tɩ ‑mɔ, ‑kɔtɩ ‑tɛblɩ ‑bʋ, ʋ ni, ʋ 'yɩ꞊ɩ ‑yi.» 'Sɛyo ‑mɔ ‑bɩ, ʋ pʋ 'wla, ‑Yusu a 'hʋɩlɛpʋ‑tɛblɩ a ‑tɩ, ʋ 'mʋ꞊ʋ yi, ‑tɛ ʋ di 'a ꞊gɩgla nu.

‑Ɛ ‑bɩ kɛ‑ ‑Yusu pɩ 'kɩ꞊ɩ yɩ, ɛ wɛn: «'N yɩ ‑mʋ 'nɩ ‑lee ‑nɩ, ‑ɛ mɔ, kɩkɛ ‑bʋ, ‑kɔ 'mʋ 'hʋɛn‑, 'kɩ ‑a di kɛ 'lɩ 'na 'Baɩ Nyɩsʋa a ꞊haan'dɩɔ* 'kwli nɩ.»

‑Tɛ ɛ ‑wɛ 'kɩ ‑tɩ a 'mʋ, 'a hɩhla ‑mɔ, ‑ɛ ‑bɩ kɛ‑ ɛ pɩ ‑Yusu yɩ, ɛ wɛn: «‑Yusu o, 'na ‑tɩ 'nɩ 'hruo 'lɩ ‑mʋ ‑mɔ, ti ‑mʋ' ‑kɔ 'yri ‑di di de, 'kɩ 'lɩ ‑na 'klɩ a kɩnɩnɩɩ 'kwli, ꞊mʋ ‑tonyibli win kɩ ‑kɔɔ ‑nɩ pɛpɛ.»

‑Ɛ ‑bɩ ‑Yusu 'gbo nɩ, ɛ wɛn: «'Na 'Baɩ, ‑mɔ 'n pʋ 'lɩ 'na ‑hihiu ‑jɩ'.» ‑Tɛ ɛ ‑yrɛ 'kɩ, ‑ɛ ‑bɩ ɛ mla ‑hʋnhlʋn.

'Kɩ ʋ nyre 'kɩ 'ʋ ‑tuo ‑mʋ' kɩ, ‑ɛ kɔ 'nyrɛ ‑mɔ 'Lukla. ‑Tɛ ʋ nyre 'ʋ, ‑ɛ ‑bɩ 'sɛyo kɔɔ 'ʋ ‑Yusu tugbɛ 'yie. 'Kɩ 'ʋ ‑tuo nɩ ‑do a 'mʋ kɩ, 'kɩ ʋ kɔɔ 'ʋ 'crɛkɔnyibli nɩ 'hʋɛn a 'mʋ 'waa ‑nɛ ti 'yie, nyiblo nɩ ‑do, 'kɩ 'lɩ ‑Yusu a diidɛkɩbɩa kɩ, ‑do ‑bɩ, 'kɩ 'lɩ 'a kamlakɩbɩa kɩ.

Muu 'ʋ 'yrʋ bʋ nyra bʋ a ti 'yie, ‑ɛ ‑bɩ halɔ ka ‑tʋtʋ a pɛpɛ kɩ. Halɔ a 'mʋ, ɛ nɩ 'ʋ ‑nɩnɩ, 'ɛ yɛ 'yrʋ‑hiilɛ a ti kɩ. Ti nɩ ‑do a 'mʋ 'yri, 'kɩ 'lɩ Nyɩsʋa a 'kagbaʋ ‑mʋ' bʋ, ‑ɛ nɩ 'lɩ Jrusrɛdɩɔ 'kwli, danʋ gbagbʋ ‑mʋ', ‑ɛ 'bɛ 'kayu a 'mʋ ꞊tɩɔ, 'ɛ ‑ki wlɔn pɛpɛ.

Romakʋɛ a 'sɛyo a nyiblo gbagbʋ ‑mʋ', ‑ɛ nɩ 'ʋ, ‑tɛ ɛ 'ye ‑tɛblɩ a pɛpɛ a 'mʋ, ‑ɛ mu 'lu ‑mɔ, ‑ɛ ‑bɩ ɛ ‑tʋa Nyɩsʋa a 'nyrɛlɛpʋpʋʋ, 'tɩ‑ 'ɛ pɩ win, ɛ wɛn: «Ɛ mɔ ꞊han‑tɩ ꞊nɩɔ, nyiblo ‑bʋ, ɛ 'yɩ dɛ ‑hʋan ꞊dʋ ‑nu.»