Популарни Библиски стихови од Изреки 3

Сподели

Надевај се на Господ од сѐ срце и не се потпирај врз твојот разум. По сите свои патишта размислувај за Него, и Тој ќе ти ги покаже твоите патеки.

Не сметај се за мудрец; имај страв од Господ и бегај од злото

Давај Му принос на Господ од имотот твој и од првините на плодо­вите од твоите придобивки, и твоите житници ќе се исполнат до врвот, а твоите преси ќе се прелеваат од вино.

Милоста и вистината да не бидат скудни во тебе: обеси ги на вратот свој, напиши ги врз плочите на срцето свое

Не занемарувај ја, синко, казната од Господ, и да не ти е тешко од Него­вото укорување; зашто кого Господ го сака, него и го кара, како и таткото синот свој што го љуби.

Синко, не заборавај ја поуката моја и срцето твое да ги чува за­поведите мои; зашто тие ќе ти придадат долги дни, години на живот и мир.

Блажен е човекот, кој се здобил со мудрост, и човек, што спечалил ра­зум; подобро е да ја добиеме неа, откол­ку ризници со сребро и злато; таа е поскапа и од скапоцените ка­мења; и сѐ што ти е мило, не може да се спореди со неа.

Не откажувај да му направиш добро на оној, кој има потреба, кога раката твоја има сила да му помогне.

Господ со мудрост ја основа земјата, со разум ги утврди небесата