Популарни Библиски стихови од Еремија 23

Сподели

Може ли човек да се сокрие на мес­то тајно, каде што Јас не би го видел? – вели Господ. Зар не ги исполнувам Јас небото и земјата – вели Господ.

Еве, доаѓа времето, вели Господ, и ќе му издигнам на Давид фиданка, и ќе се зацари Цар, Кој ќе постапува мудро и ќе суди праведно на земјата. Во дните Негови Јуда ќе се спаси, и Израел ќе живее безопасно; и еве, – Неговото име со кое ќе Го именуваат е „Господ – Нашата правда!“

Тешко им на пастирите, што ги погубуваат и растураат овците на Моето стадо, вели Господ.

И ќе го соберам остатокот од Моето стадо, од сите земји каде што ги бев изгонил, и ќе ги вратам во трлата нив­ни, па ќе се плодат и ќе се размножу­ваат. И ќе поставам над нив пастири, што ќе ги пасат, и тие нема веќе да се пла­шат, ниту ќе треперат и нема да се гу­бат, вели Господ.

Така вели Господ Саваот: немојте да ги слушате зборовите на пророците, кои ви пророкуваат – тие ве лажат, кажуваат измислени работи од срцето свое, а не она што доаѓа од устата Гос­подова.