Популарни Библиски стихови од Повторени закони 8

Сподели

Но да Го помниш Господа, твојот Бог, зашто Тој ти даде сила за да се здобиеш со богатство, за да го исполни, како денес, Својот завет, кој со заклетва го беше потврдил на твоите предци.

Тој те смируваше, те мачеше со глад и те хранеше со мана, што ти не ја знаеше, а не ја знаеја ни твоите предци, за да ти покаже дека човекот не живее само од леб, туку од секој збор што излегува од устата Господова

И помни го целиот пат, по кој те водеше Господ, твојот Бог, по пустината еве веќе четириесет години, за да те искуша и да дознае што е во срцето твое, дали ги почитуваш заповедите Негови, или, пак, не.

и за да не кажеш во срцето свое: „Мојата сила и цврстината на мојата рака го здобија ова богатство.“

Гледај да не Го заборавиш Господа, твојот Бог, не почитувајќи ги запо­ве­дите Негови, законите Негови и наредбите Негови, што денес ти ги кажувам.

И знај во срцето свое дека Господ, твојот Бог, те поучува како што таткото го поучува синот свој.

И кога ќе јадеш и ќе се наситуваш, благословувај Го Господа, твојот Бог, за добрата земја, што ти ја даде.

Затоа почитувај ги заповедите на Господ, твојот Бог, оди по патиштата Негови и плаши се од Него.

те хранеше во пустината со мана, која татковците твои не ја знаеја, за да те смири и да те искуша, па да ти направи потоа добро

Кога ќе јадеш и ќе бидеш сит, и ќе изградиш убави куќи и ќе се вселиш во нив, кога ќе ти се намножи крупниот и ситниот добиток, и кога се збогатиш со многу сребро и злато, и од сѐ ќе имаш во изобилие, гледај, да не се возгордее срцето твое, та да заборавиш на Господ, твојот Бог, Кој те изведе од египетската земја, од домот на ропството

Зашто Господ, твојот Бог, те води во добра земја; во земја каде што има извори и езера, а од планините и доли­ните, течат потоци; во земја на пченица, јачмен, лозја, смокви и калинки; во земја, каде што има маслиново масло и мед; во земја, каде што ќе го јадеш лебот свој без недостаток и од ништо нема да имаш потреба, во земја, каде што камењата се железо, а од планините ќе ко­паш бакар.

Сите заповеди, што денес ви ги кажувам, настојувајте да ги исполнувате, за да бидете живи и да се на­множите, и да влезете и да ја наследите земјата, која Господ со заклетва им ја вети на вашите предци.

облеката твоја не изветве на тебе, и ногата твоја не отече, еве веќе чети­риесет години.

Кој те преведе преку големата и страшна пустина, каде што има отровни змии и скорпии, и суви места, во кои нема вода; Кој ти извади вода од гра­нитна карпа