Популарни Библиски стихови од Maak 14

Сподели

Qama kooliŋ jero, “Aba Amana, gii iwoi moŋ mende meŋ bimbiŋgoŋkejaŋ. Kawaajoŋ siimbobolowaa qambia koi mono nuamba. Nuanagati, ii noo siimbaa so qaagoto, mono geeŋgaa uusiiŋga otaaŋ koloowa.”

Uunananoŋ gbili laligowombaa siiŋa momakejonto, selenananoŋ loolooria kolooja. Kawaajoŋ aŋgobatonoŋ kamaaŋ uŋuwabotiwaajoŋ mono qama kooliŋ uugbiligbili laligowu.”

Niinoŋ qaa hoŋa moŋ kokaeŋ iŋijowe mobu: Oligaa Buŋa koi kantri kanoŋ me kanoŋ jeŋ seigi kembaati, iikanoŋ emba koi kanoŋ iwoi ama nonji, iikawaa bujuya ii kaaŋgadeeŋ jegi seiro iwaajoŋ romoŋgoŋ laligowuya.” Kiaŋ.

Kaeŋ ama kokaeŋ iŋijoro, “Noo uunanoŋ mono konduŋkonduŋ koma waajiwaajoŋ ama wosobiri mobe komukomuyawo ama nonja. Oŋonoŋ mono kokanoŋ rama niwo gbili laligowoŋa.”

Nene neŋ rama Jiisasnoŋ bered meŋ kotuegoŋ motoŋ oŋoma kokaeŋ jero, “Koi neenaa busuna. Ii mono meŋ newu.”

Kaeŋ jeŋ wain qambi meŋ daŋgiseŋ jeŋ oŋono kuuyanoŋ qambi iikanoŋga negi. Negi kokaeŋ iŋijoro, “Koi neenaa sana. Koi Anutunoŋ ejemba yoŋowo soomoŋgo areŋ ano kotiiwaatiwaajoŋ sana maagi ejemba mamaga hamo qeŋ oŋombaa.

Uma Jiisasnoŋ kokaeŋ iŋijoro, “Gejatootoo eja moŋnoŋ qaa moŋ kokaeŋ oorota eja, ‘Niinoŋ galeŋgia qewe lama tuuŋanoŋ deembuya.’ Iikawaa so oŋonoŋ kuuya uugia boliro nomesaoŋ boratiwuya.

Mono waagi kemboŋ. Mobu! Memelolo meŋ nombaati, iinoŋ mono kosere koi kaja.” Kiaŋ.

Ijoro Jiisasnoŋ jero, “Niinoŋ qaa hoŋa moŋ kokaeŋ gijowe moba: Kurunoŋ indiŋ woi mende qaro giinoŋ kete gomantiiŋanoŋ qakooma nona indiŋ karooŋ koloowaa.”