Популарни Библиски стихови од Марко 12

Сподели

А Исус му одговори: „Прва од сите заповеди е: ‚Чуј Израиле! Господ, Бог наш, е еден Господ. Затоа, возљуби Го Господа, твојот Бог, со сето свое срце и со сета своја душа, и со сиот свој разум, и со сета своја сила!‘ Ова е првата заповед. А втората е слична на неа: ‚Возљуби го својот ближен како себеси!‘ Друга за­по­вед, поголема од овие, нема.“

А Исус, откако ги повика уче­ни­ци­те Свои, им рече: „Вистина ви велам де­ка оваа сиромашна вдовица даде повеќе од сите, што пуштија во ризницата; зашто сите пуштија од својот ви­шок, а таа од својата сиромаштија даде сѐ што имаше, целиот свој имот.“

Па седна Исус спроти ризницата и гледаше како народот пушта пари во неа. Мнозина богати пуштаа многу. И кога дојде една бедна вдовица, пушти две лепти, што изнесува еден кодрант.

и дека, да Го љубиш со сето срце, и со сиот разум, и со сета своја душа, и со сета сила, и да го љубиш ближниот свој како себеси е повеќе од сите сепаленици и жртви.“

Тогаш Исус им одговори и рече: „Подајте го царевото на царот, а Бож­јото на Бога!“ И тие Му се восхитуваа.