OT text: A tekst disi kmoto fu: Wortu fu Gado © Surinaams Bijbelgenootschap 2016  OT Audio: ℗ 2021 Hosanna NT Text: Sranan Tongo © 2002 Stichting Surinaams Bijbelgenootschap www.surinamebiblesociety.org/ NT Audio: ℗ 2007 Hosanna

Sranan Tongo - SURBS (Bible) Drama

<div class="version vid674 iso6393srn" data-vid="674" data-iso6393="srn">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s">No krutu trawan</div><div class="r">Lukas 6:37-38,41-42</div><div class="p"> 1&#8220;No krutu trawan, dan trawan no o krutu yu. 2Bika tapu a srefi fasi fa yu e krutu trawan, den o krutu yu baka. &#200;n a srefi marki san yu e teki fu krutu trawan, den o teki fu krutu yu baka. #Mrk 4:24</div><div class="p"> 3Fa yu kan si a fini pisi udu ini a ai fu yu brada, ma yu no e si tak' wan postu de ini yu eigi ai? 4Fa yu kan taigi yu brada taki: &#8216;Kon meki mi puru a fini pisi udu ini yu ai,&#8217; aladi yu abi wan postu na ini yu eigi ai? 5Yu hoigriman! Puru a postu ini yu eigi ai fosi, dan yu o man si krin fu kan puru a fini pisi udu ini a ai fu yu brada.</div><div class="p"> 6No gi dagu den santa sani fu Gado, bika den o drai kon priti yu. &#200;n no trowe parelkrara gi agu, bika na trapu nomo den o trapu den nanga den futu.&#8221;</div><div class="s">Begi, suku, naki</div><div class="r">Lukas 11:9-13</div><div class="p"> 7&#8220;Begi, dan yu sa kisi. Suku, dan yu sa feni. Naki, dan doro sa opo gi yu. 8Bika a sma di e begi, e kisi. A sma di e suku, e feni. &#200;n a sma di e naki, doro e opo gi en. 9Suma sa gi en pikin wan ston, efu a pikin aksi en wan brede? 10Noso wan sneki efu a aksi en wan fisi? 11Efu yu leki sondusma, sabi fa fu gi yu pikin bun sani, fa fu yu P'pa na heimel dan? A sa gi moro bun sani na den sma di e aksi En fu dati. 12Yu mus libi nanga trawan soleki fa yu wani tak' den mus libi nanga yu. Bika na dati Moses nanga den profeiti ben leri unu.&#8221; #Luk 6:31</div><div class="s">Den tu pasi</div><div class="p"> 13&#8220;Yu musu psa ini a smara doro. Bika a doro fu hel bigi &#232;n a pasi fu en bradi. Furu sma e waka na en tapu. 14Ma a doro pikin di e tyari yu go na a t&#234;go libi, &#232;n a pasi fu en smara. Wantu sma nomo e feni a pasi dati.&#8221;</div><div class="s">Fa fu sabi suma de fu Gado</div><div class="p"> 15&#8220;Yu mus luku bun nanga den sma di e du leki den na profeiti. Te den e kon na yu den e meki leki skapu, ma na inisei den de leki krasi tigri. 16Ma yu kan sabi den na a fasi fa den e libi. Bika wan prasarabon no e gi droifi, &#232;n wan makabon no e gi figa. 17Wan bon di gesontu e gi bun froktu, ma wan bon di no gesontu no man gi bun froktu. 18Wan bon di gesontu no man gi froktu di no bun, &#232;n wan bon di no gesontu, no man gi bun froktu. 19Ibri bon di no e gi bun froktu, den o kapu puru fringi go ini a faya. #Mat 3:10; Luk 3:9 20Na so yu sa sabi den sma dati, na a fasi fa den e libi.&#8221; #Mat 12:33</div><div class="s">Gado sabi den sma di e du En wani</div><div class="p"> 21&#8220;A no ala sma di e kari Mi: &#8216;Masra, Masra,&#8217; sa kon na mindri den sma di Gado e tiri. Ma soso den sma di e du a wani fu Mi P'pa di de na heimel. 22Tapu a dei di Gado o leisi strafu gi libisma, furu sma o taigi Mi taki: &#8216;Masra, Masra, a no ini Yu nen wi ben gi sma Yu boskopu? A no ini Yu nen wi ben yagi takruyeye puru na tapu sma? A no ini Yu nen, wi ben du furu bigi sani?&#8217; 23Ma Mi sa taigi den na ala sma fesi taki: Kmoto na Mi fesi, un takru-ati sma. Noiti Mi ben sabi unu!&#8221; #Ps 6:9</div><div class="s">Den tu fundamenti</div><div class="r">Lukas 6:47-49</div><div class="p"> 24Yesus taigi den sma taki: &#8220;Ibri sma di yere san Mi taki, &#232;n di e du so, sa de leki wan koniman di bow en oso tapu tranga gron. 25Alen fadon, frudu kon, winti wai naki na a oso skin, ma a oso no fadon bika a ben bow tapu tranga gron. 26Ma ala sma di yere Mi, ma den no e du san Mi taki, de leki wan donman di bow en oso tapu santi. 27Di alen fadon, frudu kon, &#232;n a winti wai naki na a oso skin, a oso fadon broko pis'pisi, &#232;n noti fu en no tan.&#8221;</div><div class="p"> 28Di Yesus kba taki ala den sani disi, a bigi grupu sma no ben sabi san fu taki fu a leri fu En. #Mrk 1:22; Luk 4:32 29Bika A no ben gi leri leki fa den sabiman fu Gado w&#232;t ben e du, ma A ben du en leki a sma di kon nanga a leri.</div>
 </div>
 </div>
</div>

“No krutu trawan, dan trawan no o krutu yu. Bika tapu a srefi fasi fa yu e krutu trawan, den o krutu yu baka. Èn a srefi marki san yu e teki fu krutu trawan, den o teki fu krutu yu baka.
Fa yu kan si a fini pisi udu ini a ai fu yu brada, ma yu no e si tak' wan postu de ini yu eigi ai? Fa yu kan taigi yu brada taki: ‘Kon meki mi puru a fini pisi udu ini yu ai,’ aladi yu abi wan postu na ini yu eigi ai? Yu hoigriman! Puru a postu ini yu eigi ai fosi, dan yu o man si krin fu kan puru a fini pisi udu ini a ai fu yu brada.
No gi dagu den santa sani fu Gado, bika den o drai kon priti yu. Èn no trowe parelkrara gi agu, bika na trapu nomo den o trapu den nanga den futu.”


“Begi, dan yu sa kisi. Suku, dan yu sa feni. Naki, dan doro sa opo gi yu. Bika a sma di e begi, e kisi. A sma di e suku, e feni. Èn a sma di e naki, doro e opo gi en. Suma sa gi en pikin wan ston, efu a pikin aksi en wan brede? Noso wan sneki efu a aksi en wan fisi? Efu yu leki sondusma, sabi fa fu gi yu pikin bun sani, fa fu yu P'pa na heimel dan? A sa gi moro bun sani na den sma di e aksi En fu dati. Yu mus libi nanga trawan soleki fa yu wani tak' den mus libi nanga yu. Bika na dati Moses nanga den profeiti ben leri unu.”

“Yu musu psa ini a smara doro. Bika a doro fu hel bigi èn a pasi fu en bradi. Furu sma e waka na en tapu. Ma a doro pikin di e tyari yu go na a têgo libi, èn a pasi fu en smara. Wantu sma nomo e feni a pasi dati.”

“Yu mus luku bun nanga den sma di e du leki den na profeiti. Te den e kon na yu den e meki leki skapu, ma na inisei den de leki krasi tigri. Ma yu kan sabi den na a fasi fa den e libi. Bika wan prasarabon no e gi droifi, èn wan makabon no e gi figa. Wan bon di gesontu e gi bun froktu, ma wan bon di no gesontu no man gi bun froktu. Wan bon di gesontu no man gi froktu di no bun, èn wan bon di no gesontu, no man gi bun froktu. Ibri bon di no e gi bun froktu, den o kapu puru fringi go ini a faya. Na so yu sa sabi den sma dati, na a fasi fa den e libi.”

“A no ala sma di e kari Mi: ‘Masra, Masra,’ sa kon na mindri den sma di Gado e tiri. Ma soso den sma di e du a wani fu Mi P'pa di de na heimel. Tapu a dei di Gado o leisi strafu gi libisma, furu sma o taigi Mi taki: ‘Masra, Masra, a no ini Yu nen wi ben gi sma Yu boskopu? A no ini Yu nen wi ben yagi takruyeye puru na tapu sma? A no ini Yu nen, wi ben du furu bigi sani?’ Ma Mi sa taigi den na ala sma fesi taki: Kmoto na Mi fesi, un takru-ati sma. Noiti Mi ben sabi unu!”


Yesus taigi den sma taki: “Ibri sma di yere san Mi taki, èn di e du so, sa de leki wan koniman di bow en oso tapu tranga gron. Alen fadon, frudu kon, winti wai naki na a oso skin, ma a oso no fadon bika a ben bow tapu tranga gron. Ma ala sma di yere Mi, ma den no e du san Mi taki, de leki wan donman di bow en oso tapu santi. Di alen fadon, frudu kon, èn a winti wai naki na a oso skin, a oso fadon broko pis'pisi, èn noti fu en no tan.”
Di Yesus kba taki ala den sani disi, a bigi grupu sma no ben sabi san fu taki fu a leri fu En. Bika A no ben gi leri leki fa den sabiman fu Gado wèt ben e du, ma A ben du en leki a sma di kon nanga a leri.

Слушни за Mateus 7