If you have would like a copy of this version please contact info@davaraudiobibles.org

Punu Old Testament

<div class="version vid3415 iso6393puu" data-vid="3415" data-iso6393="puu">
 <div class="book bkGEN">
 <div class="chapter ch8" data-usfm="GEN.8">
 <div class="label">8</div><div class="p"> 1Nsambi asamalibana Noe na bibulu biotsu na bimitsi biotsu abimaba nandi o dikumbi dimamba; Nsambi amavotsisa punga va butamba na mamba mamabanda usiegama. 2Bileka abimaba o tsi butamba bimadibama na julu wandi; mfula jisamamuenoga. 3Te na kama na magumaranu mabilumbu mamba mamasiegamanga te na mamakamuga. 4Mu yilumbu yimugumi na yisambuali mu tsungi jimusambuali dikumbi dimamba dimayegakama va julu mukongu uArarat 5Mamba mamasiegama te na tsungi jimugumi. Mu yilumbu yitega yitsungi eni julu tsimikongu tsimabanda ulabana.</div><div class="p"> 6Magumana mabilumbu binovioga Noe amadibula fenetera jidikumbi dimamba. 7Amapalisa kavanga agumawendanga nogabuganga mu mbari mamba mbe masakakamuga. 8Mua temu jinovioga amapalisa dibembi wandi uyelaba pa mamba mamasiegama. 9Tumba dibembi disamadila mbura ubetama kabogu dimagabuga o dikumbi dimamba mu mbari butamba buotsu bumaba yika mamba na mamba. Kabogu Noe amapalisa dikaka ubonga dibembi na amadikotisa o dikumbi dimamba. 10Amaviva te na yisambuali yibilumbu mbana amamuepalisa dibembi. 11Ava tsisiga dibembi dimagabuga ombu gandi na dugaji dumuoliva adu dimadokula, adumaba va mukuba andi. Mbana Noe amajaba yiri mamba mamasiegama. 12Amamueviva te na yisambuali yibilumbu; amamuepalisa dibembi. Tumba disamamuegabuga ombu gandi.</div><div class="p"> 13Yiiumbu yitega yiyitima yikama yisiamunu na yimosi, mamba mamakamuga tindi ukamuga. Noe amadibula muansa dikumbi; amagengila yiari na yiari na amalaba butamba bumagumuga. 14Yilumbu yimagumabeji na yisambuati yitsungi jimubeji butamba bumagumuga.</div><div class="p"> 15Mbana Nsambi amaruma Noe rie: 16Palanu na mugatsi agu na baana bagu bababaaia na bagatsi bogu. 17Palisa bibulu biotsu bimunongu na munongu abivu nagu: ne batsoli ne biruitsi ne bilandila biotsu, biburisini na bifuni te na biubasa butamba de. 18Kabogu Noe amapala na baana bandi bababaala na mugatsi andi na bagatsi babaana bandi bababaala. 19Na bibulu biotsu na bilandila biotsu na batsoli botsu na biotsu abivu va butamba bimunongu na munongu bimapalila o dikumbi dimamba.</div><div class="p"> 20Noe amarungila Fumu yinyensulu yipagu. Amabonga yibulu yilioma mu kadi munongu na tsoli jilioma jikadi munongu abi amavagulila Fumu pagu jiunyensa va yinyensulu yipagu. 21Fumu anogulu mbunga jiboti, amatasa rie: Ngomueloga butamba mu diambu dimutu mu mbari matasa mandi magaa maboti ubanda va bungebi buandi; na ngomuebokisa biotsu abivu monyu nana nyibanobokisila.</div><div class="q1"> 22Ava butamba bukivu,</div><div class="q1">bovaranga na botsonsiganga</div><div class="q1">vobanganga yiotsi na yiusila</div><div class="q1">vobanganga mfula na mangala</div><div class="q1">vobanganga nyangu na mukolu</div><div class="q1">biotsu bina bigovioga te na mutubu.</div>
 </div>
 </div>
</div>

La sainte Bible en langue Yipunu © Alliance Biblique du Cameroun, 1992.

Nsambi asamalibana Noe na bibulu biotsu na bimitsi biotsu abimaba nandi o dikumbi dimamba; Nsambi amavotsisa punga va butamba na mamba mamabanda usiegama. Bileka abimaba o tsi butamba bimadibama na julu wandi; mfula jisamamuenoga. Te na kama na magumaranu mabilumbu mamba mamasiegamanga te na mamakamuga. Mu yilumbu yimugumi na yisambuali mu tsungi jimusambuali dikumbi dimamba dimayegakama va julu mukongu uArarat Mamba mamasiegama te na tsungi jimugumi. Mu yilumbu yitega yitsungi eni julu tsimikongu tsimabanda ulabana.
Magumana mabilumbu binovioga Noe amadibula fenetera jidikumbi dimamba. Amapalisa kavanga agumawendanga nogabuganga mu mbari mamba mbe masakakamuga. Mua temu jinovioga amapalisa dibembi wandi uyelaba pa mamba mamasiegama. Tumba dibembi disamadila mbura ubetama kabogu dimagabuga o dikumbi dimamba mu mbari butamba buotsu bumaba yika mamba na mamba. Kabogu Noe amapalisa dikaka ubonga dibembi na amadikotisa o dikumbi dimamba. Amaviva te na yisambuali yibilumbu mbana amamuepalisa dibembi. Ava tsisiga dibembi dimagabuga ombu gandi na dugaji dumuoliva adu dimadokula, adumaba va mukuba andi. Mbana Noe amajaba yiri mamba mamasiegama. Amamueviva te na yisambuali yibilumbu; amamuepalisa dibembi. Tumba disamamuegabuga ombu gandi.
Yiiumbu yitega yiyitima yikama yisiamunu na yimosi, mamba mamakamuga tindi ukamuga. Noe amadibula muansa dikumbi; amagengila yiari na yiari na amalaba butamba bumagumuga. Yilumbu yimagumabeji na yisambuati yitsungi jimubeji butamba bumagumuga.
Mbana Nsambi amaruma Noe rie: Palanu na mugatsi agu na baana bagu bababaaia na bagatsi bogu. Palisa bibulu biotsu bimunongu na munongu abivu nagu: ne batsoli ne biruitsi ne bilandila biotsu, biburisini na bifuni te na biubasa butamba de. Kabogu Noe amapala na baana bandi bababaala na mugatsi andi na bagatsi babaana bandi bababaala. Na bibulu biotsu na bilandila biotsu na batsoli botsu na biotsu abivu va butamba bimunongu na munongu bimapalila o dikumbi dimamba.
Noe amarungila Fumu yinyensulu yipagu. Amabonga yibulu yilioma mu kadi munongu na tsoli jilioma jikadi munongu abi amavagulila Fumu pagu jiunyensa va yinyensulu yipagu. Fumu anogulu mbunga jiboti, amatasa rie: Ngomueloga butamba mu diambu dimutu mu mbari matasa mandi magaa maboti ubanda va bungebi buandi; na ngomuebokisa biotsu abivu monyu nana nyibanobokisila.
Ava butamba bukivu,
bovaranga na botsonsiganga
vobanganga yiotsi na yiusila
vobanganga mfula na mangala
vobanganga nyangu na mukolu
biotsu bina bigovioga te na mutubu.

Слушни за Dibandu 8