Revised Quechua Cuzco Bible © Peruvian Bible Society, 2004. Quechua, Cuzco New Testament Drama ℗ 2007 Hosanna

Quechua, Cuzco - 2004 Edition (NT) Drama

<div class="version vid2391 iso6393quz" data-vid="2391" data-iso6393="quz">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s1">Jesuspa Nicodemowan rimasqan</div><div class="p"> 1Huk runan karqan fariseokunamanta Nicodemo sutiyoq, jud&#237;o runakunaq umallin.</div><div class="p"> 2Paymi Jesusman tutalla rispa nirqan:</div><div class="p">&#8211;Yachachikuq, yachaykun yachachinaykipaq Diospa kachamusqasuykita. Manan pipas ruwasqayki milagrokunataqa ruwayta atinmanchu manachus Dios paywan kanman chayqa, nispa.</div><div class="p"> 3Jesustaq payta nirqan:</div><div class="p">&#8211;Cheqaqtapunin niyki, pipas Diospa qhapaqsuyunpi kananpaqqa wakmantan nacenan, nispa.</div><div class="p"> 4Nicodemotaq kutichirqan:</div><div class="p">&#8211;&#191;Imaynataq runari machu&#241;a kashaspa wakmanta nacenman? Icha, &#191;mamanpa wiksanman kutiykuspachu wakmanta nacemunman? nispa.</div><div class="p"> 5Jesustaq nirqan:</div><div class="p">&#8211;Cheqaqtapunin niyki, pipas Diospa qhapaqsuyunpi kananpaqqa unumantawan Diospa Espiritunmantawanmi nacenan. 6Runamanta naceqqa runallan, Espiritumanta naceqpas espiritun. 7Ama musphaychu: &#8220;Wakmantan nacenaykichispuni&#8221; nisqaymantaqa. 8Wayraqa may munasqanmantan wayramun, suenasqallantan uyarinki, manataqmi yachankichu maymanta hamusqantapas, maymanchus risqantapas, chay hinallataqmi Espiritumanta pipas naceqqa, nispa.</div><div class="p"> 9Nicodemotaq payta tapurqan: &#8211;&#191;Imaynataq kayri kanman? nispa.</div><div class="p"> 10Chaymi Jesusqa kutichirqan:</div><div class="p">&#8211;&#191;Israel runakunata yachachiq kashaspachu qanqa chayta mana yachanki? 11Cheqaqtapunin niyki, ima yachasqaykutan rimayku, ima rikusqaykutataqmi willaykupas, willasqaykutataqmi mana chaskinkichischu. 12Kay pacha kaqkunamanta qankunaman nishaqtiy mana i&#241;inkichischu chayqa, &#191;imaynatataq i&#241;iwaqchis hanaq pacha kaqkunamanta niykichisman chayqa?</div><div class="p"> 13Manan pipas hanaq pachamanqa wicharqanchu, aswanpas hanaq pachamanta uraykamuq Runaq Churillanmi. 14Imaynan Moisesqa ch'inneqpi broncemanta mach'aqwayta warkurqan, chay hinallataqmi Runaq Churinpas warkusqa kanqa, 15pipas paypi i&#241;iqqa wi&#241;ay kawsayniyoq kananpaq.</div><div class="s1">Diospa runakunata munakusqan</div><div class="p"> 16Diosqa anchatapunin runakunata munakurqan, chaymi sapan Churinta kachamurqan, pipas paypi i&#241;iqqa ama wa&#241;unanpaq, aswanpas wi&#241;ay kawsayniyoq kananpaq. 17Diosqa kay pachaman Churinta kachamurqan, manan runakunata huchachananpaqchu, aswanmi runakunata qespichinanpaq.</div><div class="p"> 18Diospa Churinpi i&#241;iqqa manan huchachasqachu, paypi mana i&#241;iqmi ichaqa huchachasqa&#241;a, Diospa sapan Churinpi mana i&#241;isqanrayku. 19Kaykunamantan Diosqa huchachanqa: K'anchaymi kay pachaman hamurqan, runakunataq laqhayaqta aswanta munakurqanku k'anchaymantaqa, ruwasqanku mana allin kasqanrayku. 20Pipas mana allinkaqta ruwaqqa k'anchaytan cheqnikun, manataq k'anchayman hamunchu, ruwasqankuna mana sut'inchasqa kananpaq. 21Cheqaqkaqta ruwaqmi ichaqa k'anchayman hamun, ahinapin ruwasqankunata k'anchay sut'inchanqa Diospa yanapasqan kasqanta yachakunanpaq, nispa.</div><div class="s1">Juanpa Cristota hatunchasqan</div><div class="p"> 22Chay qhepatan Jesusqa yachachisqankunapiwan Judea ladoman rirqan, chaypi paykunawan qhepakuspataq runakunata bautizarqan. 23Juanpas bautizallarqantaqmi Salim qaylla Enonpi, askha unu chaypi kasqanrayku. Runakunan rispa bautizachikurqanku. 24Juanqa manaraqmi carcelpi wisq'asqachu karqan.</div><div class="p"> 25Juanpa wakin yachachisqankunataq ch'uyanchakuymanta judiomasinku runawan tapunakurqanku. 26Juanman rispataq nirqanku:</div><div class="p">&#8211;Yachachikuq, Jord&#225;n mayu inti lloqsimuy ladopin huk runa qanwan karqan, paymantan qanqa willawarqankiku, kunanqa paymi bautizashan, llapallataqmi payman rishanku, nispa.</div><div class="p"> 27Hinan Juanqa nirqan:</div><div class="p">&#8211;Manan runaqa imatapas chaskiyta atinmanchu Dios payman mana qoqtinqa. 28Qankuna kikiykichismi uyariwarqankichis: Manan &#241;oqachu Cristoqa kani nisqayta, aswanpas paypa &#241;awpaqenta Diospa kachamusqallanmi kani, nispa. 29Casarakuypiqa noviollan noviayoqqa, novioq amigontaq paypa rimasqanta uyarispa anchatapuni q'ochukun, chay hinan &#241;oqapas anchatapuni q'ochukushani. 30Payqa aswan-aswan reqsisqan kanan, &#241;oqataqmi pisi reqsisqalla&#241;a kanay, nispa.</div><div class="s1">Hanaq pachamanta hamuq</div><div class="p"> 31Hanaq pachamanta hamuqqa lliwpa qollananmi, kay pachamanta kaqqa kay pachallamantan, kay pacha kaqkunallamantataq rimanpas. Hanaq pachamanta hamuqmi ichaqa lliwpa qollanan. 32Payqa imachus rikusqantan uyarisqantan willakun, manataqmi pipas willakusqantaqa chaskinchu. 33Willakusqanta chaskiqmi ichaqa, Diospa nisqanta cheqaqpaq hap'in. 34Diospa kachamusqanqa Diospa siminkunatan riman, Diosqa Espiritunta mana mich'akuspan payman qon. 35Yayaqa Churintan munakun, chaymi lliwta qorqan pay kamachikunanpaq. 36Churipi i&#241;iqqa wi&#241;ay kawsayniyoqmi, Churipi mana i&#241;iyta munaqmi ichaqa chay kawsayman mana haykunqachu, aswanmi Diospa phi&#241;akuynin paypaqqa kaqlla kashan, nispa.</div>
 </div>
 </div>
</div>

Revised Quechua Cuzco Bible © Peruvian Bible Society, 2004.

Huk runan karqan fariseokunamanta Nicodemo sutiyoq, judío runakunaq umallin.
Paymi Jesusman tutalla rispa nirqan:
–Yachachikuq, yachaykun yachachinaykipaq Diospa kachamusqasuykita. Manan pipas ruwasqayki milagrokunataqa ruwayta atinmanchu manachus Dios paywan kanman chayqa, nispa.
Jesustaq payta nirqan:
–Cheqaqtapunin niyki, pipas Diospa qhapaqsuyunpi kananpaqqa wakmantan nacenan, nispa.
Nicodemotaq kutichirqan:
–¿Imaynataq runari machuña kashaspa wakmanta nacenman? Icha, ¿mamanpa wiksanman kutiykuspachu wakmanta nacemunman? nispa.
Jesustaq nirqan:
–Cheqaqtapunin niyki, pipas Diospa qhapaqsuyunpi kananpaqqa unumantawan Diospa Espiritunmantawanmi nacenan. Runamanta naceqqa runallan, Espiritumanta naceqpas espiritun. Ama musphaychu: “Wakmantan nacenaykichispuni” nisqaymantaqa. Wayraqa may munasqanmantan wayramun, suenasqallantan uyarinki, manataqmi yachankichu maymanta hamusqantapas, maymanchus risqantapas, chay hinallataqmi Espiritumanta pipas naceqqa, nispa.
Nicodemotaq payta tapurqan: –¿Imaynataq kayri kanman? nispa.
Chaymi Jesusqa kutichirqan:
–¿Israel runakunata yachachiq kashaspachu qanqa chayta mana yachanki? Cheqaqtapunin niyki, ima yachasqaykutan rimayku, ima rikusqaykutataqmi willaykupas, willasqaykutataqmi mana chaskinkichischu. Kay pacha kaqkunamanta qankunaman nishaqtiy mana iñinkichischu chayqa, ¿imaynatataq iñiwaqchis hanaq pacha kaqkunamanta niykichisman chayqa?
Manan pipas hanaq pachamanqa wicharqanchu, aswanpas hanaq pachamanta uraykamuq Runaq Churillanmi. Imaynan Moisesqa ch'inneqpi broncemanta mach'aqwayta warkurqan, chay hinallataqmi Runaq Churinpas warkusqa kanqa, pipas paypi iñiqqa wiñay kawsayniyoq kananpaq.

Diosqa anchatapunin runakunata munakurqan, chaymi sapan Churinta kachamurqan, pipas paypi iñiqqa ama wañunanpaq, aswanpas wiñay kawsayniyoq kananpaq. Diosqa kay pachaman Churinta kachamurqan, manan runakunata huchachananpaqchu, aswanmi runakunata qespichinanpaq.
Diospa Churinpi iñiqqa manan huchachasqachu, paypi mana iñiqmi ichaqa huchachasqaña, Diospa sapan Churinpi mana iñisqanrayku. Kaykunamantan Diosqa huchachanqa: K'anchaymi kay pachaman hamurqan, runakunataq laqhayaqta aswanta munakurqanku k'anchaymantaqa, ruwasqanku mana allin kasqanrayku. Pipas mana allinkaqta ruwaqqa k'anchaytan cheqnikun, manataq k'anchayman hamunchu, ruwasqankuna mana sut'inchasqa kananpaq. Cheqaqkaqta ruwaqmi ichaqa k'anchayman hamun, ahinapin ruwasqankunata k'anchay sut'inchanqa Diospa yanapasqan kasqanta yachakunanpaq, nispa.

Chay qhepatan Jesusqa yachachisqankunapiwan Judea ladoman rirqan, chaypi paykunawan qhepakuspataq runakunata bautizarqan. Juanpas bautizallarqantaqmi Salim qaylla Enonpi, askha unu chaypi kasqanrayku. Runakunan rispa bautizachikurqanku. Juanqa manaraqmi carcelpi wisq'asqachu karqan.
Juanpa wakin yachachisqankunataq ch'uyanchakuymanta judiomasinku runawan tapunakurqanku. Juanman rispataq nirqanku:
–Yachachikuq, Jordán mayu inti lloqsimuy ladopin huk runa qanwan karqan, paymantan qanqa willawarqankiku, kunanqa paymi bautizashan, llapallataqmi payman rishanku, nispa.
Hinan Juanqa nirqan:
–Manan runaqa imatapas chaskiyta atinmanchu Dios payman mana qoqtinqa. Qankuna kikiykichismi uyariwarqankichis: Manan ñoqachu Cristoqa kani nisqayta, aswanpas paypa ñawpaqenta Diospa kachamusqallanmi kani, nispa. Casarakuypiqa noviollan noviayoqqa, novioq amigontaq paypa rimasqanta uyarispa anchatapuni q'ochukun, chay hinan ñoqapas anchatapuni q'ochukushani. Payqa aswan-aswan reqsisqan kanan, ñoqataqmi pisi reqsisqallaña kanay, nispa.

Hanaq pachamanta hamuqqa lliwpa qollananmi, kay pachamanta kaqqa kay pachallamantan, kay pacha kaqkunallamantataq rimanpas. Hanaq pachamanta hamuqmi ichaqa lliwpa qollanan. Payqa imachus rikusqantan uyarisqantan willakun, manataqmi pipas willakusqantaqa chaskinchu. Willakusqanta chaskiqmi ichaqa, Diospa nisqanta cheqaqpaq hap'in. Diospa kachamusqanqa Diospa siminkunatan riman, Diosqa Espiritunta mana mich'akuspan payman qon. Yayaqa Churintan munakun, chaymi lliwta qorqan pay kamachikunanpaq. Churipi iñiqqa wiñay kawsayniyoqmi, Churipi mana iñiyta munaqmi ichaqa chay kawsayman mana haykunqachu, aswanmi Diospa phiñakuynin paypaqqa kaqlla kashan, nispa.

Слушни за JUAN 3