Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Yesu Mbele ya Pilato</div><div class="r">(Mat 27:1-2, 11-14; Mak 15:1-5; Yoh 18:28-38)</div><div class="p"> 1Wandu woose wa kyisanzionyi wakago&#7775;oka wakam&#7769;uo ko Pilato. 2Wakawooka imshitakyi, wechigamba, &#8220;Lulewona ichu e&#7769;etsa wandu wa&#7769;u, na iima wandu walatae kodi ko Kaisari, echigamba kye oe amonyi nyi Kristo, mangyi.&#8221; 3Pilato kammbesa, echigamba, &#8220;Iyoe nyi oe mangyi o Wayuda?&#8221; Kagaluo, kammbia, &#8220;Iyoe nogamba.&#8221; 4Pilato kawia wang'anyi wa makohanyi na wuingyi wo wandu, &#8220;Ngyiwonyi kyindo kyiwicho ko mndu-chu-pfo.&#8221; 5Nawo wakaengye&#7775;a mnu, wechigamba, &#8220;Nekye&#7769;etsa wandu elosha urukyenyi lo Uyuda loose wookyia Galyilaya m&#7775;asa kunu.&#8221;</div><div class="s">I&#7769;oo lya Yesu ko Herode</div><div class="p"> 6Kyiyeri Pilato aleicho isho nalewesa kokooya nyi-we mndu o Galyilaya. 7Na kyiyeri alemanya kye nakyeri wuchilyinyi wo Herode, nalem&#7769;ika ko Herode, kyipfa maa oe nawekyeri Yerusalemu mfiri iya.</div><div class="p"> 8Na kyiyeri Herode alewona Yesu nalechihiyo mnu, cha kyipfa nawekundi immbona wookyia mfiri ifoi, kyipfa awemwicho mbonyi tsakye, kalanga iwona kyi&#7775;ingyishio kyilewuto nyi oe. 9Kammbesa shindo shifoi, oe alamgaluo kyindo kyoose. 10Wang'anyi wa makohanyi na walosha wa mawawaso wakago&#7775;oka wakamshitakyi ko pfinya mnu. 11Kyasia Herode kammina, hamwi na asikari wakye, kamtaluo, na im&#7775;ika nguwo ngyicha, numa kammbiyi&#7775;a na ko Pilato. 12Kyasia mfiri ulya ulya Herode na Pilato wakai&#7769;ikyiana iwa&#7769;a umbuya, cha kyipfa ipfo mawookyionyi wawesuanyi.</div><div class="s">Ianduyo Iwoogo</div><div class="r">(Mat 27:15-26; Mak 15:6-15; Yoh 18:39&#8211;19:16)</div><div class="p"> 13Na Pilato kasanzia handu hamwi na wang'anyi wa makohanyi, wasongoru wa wandu, na wandu, 14kawawia, &#8220;Mndu-chu momuende na koko mochigamba kye nai&#7769;etsa wandu; na inyi ngaa&#7769;anyia mbonyi tsakye mbele yanyu, indi ngawona &#7769;eko lyoose kokye ko shindo shilya shamuenenga imshitakyi-pfo. 15Maa Herode, cha kyipfa nammbiyi&#7775;a na ko&#7769;u. Kyasia kuwo&#7769;e kyindo kyoose awutie kyemwenenga ianduyo ipfa-pfo. 16Koikyo ngyigamba nakapo, numa ya iho ngyimlekyie nayende.&#8221; [ 17Kyipfa kyilemkooya iwapfunguya mpfungo umwi kyiyeri kya mfiri ung'anyi.] 18Wakakalagatsa woose, wechigamba, &#8220;Mmbaage ichu, ulupfunguye Baraba.&#8221; 19Na oe nyi mndu alewiko kyipfungonyi kyipfa kya wu&#7775;iingyi wulecha m&#7775;inyi, na wuwaagi. 20Kyasia Pilato nale&#7769;e&#7769;a nawo lya kawi, kyipfa kya chandu awekundi ipfunguo Yesu. 21Kyaindi wakakalagatsa, wechigamba, &#8220;Mkapie msalabenyi! Mkapie msalabenyi!&#8221; 22Kawawia lya ka&#7775;aa&#7775;u, &#8220;Kyipfa kya kyikyi? Ichu nawuta wuwicho wuha? Ngawona nawo&#7769;e kyindo kyechimwenenga ipfa-pfo. Kyasia ngamumkapa ngyemlekyia.&#8221; 23Kyaindi waka&#7769;e&#7769;a na pfinya wakundi nawoogo. Ma&#7775;ui gawo gakawinga. 24Pilato kaanduo kye kyilya wakundi kyi&#7775;undikye. 25Kapfunguo ulya awempfungye kyipfa kya wu&#7775;iingyi na wuwaagi, ulya wawemkundi, kawuta Yesu wammbutie chandu wawekundi.</div><div class="s">Ikapio Msalabenyi</div><div class="r">(Mat 27:32-44; Mak 15:21-32; Yoh 19:17-27)</div><div class="p"> 26Na kyiyeri wawem&#7769;uo walekarisana mndu umwi ekyelago Simion Mkyirene, alekoawuka &#7769;emenyi, wakam&#7769;ika msalaba, nau&#7769;uo numa ya Yesu.</div><div class="p"> 27Wuingyi wung'anyi wo wandu wukomwosha, na waka wawekapa-kapa shipoota na ikapa &#7775;anyi kyipfa kyakye. 28Yesu kawaindukyia, echigamba, &#8220;Nyoe waka wa Yerusalemu, maa mulangyilyilyie inyi, indi lyilyienyi mrima yanyu na wana wanyu. 29Cha kyipfa mfiri iicha, wechigamba, &#8216;Nanga walawo&#7769;e wana na waumba, na mawee galekyeonza.&#8217; 30Nyi lyo-ndu wewooka iwia mafumvu, &#8216;Luolokyienyi&#8217;, na shifumvu &#8216;Lushikyienyi.&#8217; 31Cha kyipfa kokooya wawutia ikyi&#7769;i lyiwishi shindo-shi, kyechiwa ku&#7769;a ikyi&#7769;inyi lyiumu?&#8221;</div><div class="p"> 32Waka&#7769;oo na wandu wengyi wawi, wandu wanyama&#7775;ie, wawoogo hamwi na oe. 33Na lyilya waleshika handu hekyelago, &#8220;Ipo&#7775;ong'u,&#8221; nyi ho-ndu walemkapia msalabenyi, oe na walya wengyi wawi, umwi ura lo kulyoe, na umwi ura lo kumoso. 34Yesu kagamba, &#8220;Awu, uwahoo&#7775;ie, kyipfa waichi kyindo waiwuta-pfo.&#8221; Wakagawana nguwo tsakye, wechikapa ku&#7775;u kuha. 35Wandu wakago&#7775;oka wechiambuya. Wasongoru walya nawo wawemtaluo, wegamba, &#8220;Nalekyi&#7775;a wengyi; nakukyi&#7775;e amonyi, kokooya oe nyi Kristo o Ruwa, msambu&#7775;e okye.&#8221; 36Asikari walya wakawemtaluo, wechiyenda kokye na imwendie kyindo kyekyetarang'ia, 37wechigamba, &#8220;Kokooya iyoe nyi mangyi o Wayuda, kukyi&#7775;e kumonyi.&#8221; 38Na wuye yakye hawewo&#7769;e kyi&#7775;eio: &#8220;ICHU NYI OE MANGYI O WAYUDA.&#8221;</div><div class="p"> 39Na umwi o wanyama&#7775;i walya wawewamanyikye msalabenyi nalemlahia, echigamba, &#8220;Ngyesa iyoe chi Kristo-pfoe? Kyi&#7775;a mrima opfo na soe.&#8221; 40Kyaindi ulya o kawi kamgaluo, kam&#7769;e&#7769;ia, echigamba, &#8220;Iyoe uowuye maa Ruwa, na iyoe nukyeri kyii&#7769;i kya ianduyo-lyo ilyo? 41Nakyo nyi sungusinyi ko&#7769;u soe, cha kyipfa luambilyia wori wuwa&#7775;i mawuto ga&#7769;u; indi ichu alewuta kyindo kyoose kyiwicho-pfo.&#8221; 42Numa kagamba, &#8220;Hoi Yesu, ungyikumbuo ilyi ochii&#7769;a na Wumangyinyi wopfo.&#8221; 43Yesu kammbia, &#8220;Ny'kyaloi, ngakuwia, inu ku&#7769;i nochikaa hamwi na inyi paradiso heonyonya mlungana.&#8221;</div><div class="s">Ipfa lya Yesu</div><div class="r">(Mat 27:45-56; Mak 15:33-41; Yoh 19:28-30)</div><div class="p"> 44Kuwekyeri cha saa tsi&#7775;andaa&#7775;u, kukowa&#7769;a meema urukyenyi koose m&#7775;asa saa kyenda. 45Ngyeela ya mnengye&#7775;i ikatitia; isulyia lyeshingyia hekalunyi lyikaranduka makyi&#7769;i-gawi. 46Yesu kakuilenga na &#7775;ui lying'anyi, kagamba, &#8220;Hoi Awu, mawokonyi gapfo ngawika mrima oko.&#8221; 47Amgambe ku&#7769;o nalelekyia moo. Kyiyeri mchilyi ulya alewona shindo shilewutika, naleana Ruwa, echigamba, &#8220;Loi mndu-chu nawekyeri msumganyi.&#8221; 48Na wandu wa kyisanzionyi kyoose walekowakuumbia iambuya shindo-sho, wammbone kyindo kyilewutika, wakayenda kowo wechikapa-kapa shipoota. 49Na woose wawemwichi, na waka walya waleoshana na oe iwuka Galyilaya, wakago&#7775;oka kuleshi weambuya shindo-sho.</div><div class="s">I&#7775;iko lya Yesu</div><div class="r">(Mat 27:57-61; Mak 15:42-47; Yoh 19:38-42)</div><div class="p"> 50Kukocha mndu umwi, ekyelago Yosefu, awekyeri nyi mndu o mengye ya Wayuda, mndu mcha, awo&#7769;e wusumganyi. 51(Maa alei&#7769;ikyiana na kyilya walewuta-pfo), na oe nyi mndu o Arimataya, m&#7775;i umwi o Wayuda, lyingyi-se naweiwe&#7769;elyia Wumangyi wo Ruwa. 52Mndu-cho naleyenda ko Pilato, kakunda naenengo mmbiu o Yesu. 53Kasotsa mmbiu-cho iwuka msalabenyi, kaua&#7775;ahia sanda, kauwika kyilomenyi kyiwekyipache i&#7775;a&#7775;enyi, nakyo kyilawende&#7775;iko mndu-pfo. 54Na mfiri ulya uwekyeri mfiri o iku&#7775;eye&#7775;a, na mfiri o onyonya ukowooka iafukyia. 55Na waka walya walecha na oe iwuka Galyilaya waleosha, wakawona kyilome, na chandu mmbiu okye uwemmbikyie. 56Wakawuya waka&#7775;eye&#7775;a mafu&#7769;a gekyepfaama necha. Na mfiri o onyonya walechihiyo chandu kyiwekyigambe.</div>
 </div>
 </div>
</div>

New Testament in Kivunjo © Bible Society of Tanzania, 1999.

Wandu woose wa kyisanzionyi wakagoṟoka wakamṙuo ko Pilato. Wakawooka imshitakyi, wechigamba, “Lulewona ichu eṙetsa wandu waṙu, na iima wandu walatae kodi ko Kaisari, echigamba kye oe amonyi nyi Kristo, mangyi.” Pilato kammbesa, echigamba, “Iyoe nyi oe mangyi o Wayuda?” Kagaluo, kammbia, “Iyoe nogamba.” Pilato kawia wang'anyi wa makohanyi na wuingyi wo wandu, “Ngyiwonyi kyindo kyiwicho ko mndu-chu-pfo.” Nawo wakaengyeṟa mnu, wechigamba, “Nekyeṙetsa wandu elosha urukyenyi lo Uyuda loose wookyia Galyilaya mṟasa kunu.”

Kyiyeri Pilato aleicho isho nalewesa kokooya nyi-we mndu o Galyilaya. Na kyiyeri alemanya kye nakyeri wuchilyinyi wo Herode, nalemṙika ko Herode, kyipfa maa oe nawekyeri Yerusalemu mfiri iya.
Na kyiyeri Herode alewona Yesu nalechihiyo mnu, cha kyipfa nawekundi immbona wookyia mfiri ifoi, kyipfa awemwicho mbonyi tsakye, kalanga iwona kyiṟingyishio kyilewuto nyi oe. Kammbesa shindo shifoi, oe alamgaluo kyindo kyoose. Wang'anyi wa makohanyi na walosha wa mawawaso wakagoṟoka wakamshitakyi ko pfinya mnu. Kyasia Herode kammina, hamwi na asikari wakye, kamtaluo, na imṟika nguwo ngyicha, numa kammbiyiṟa na ko Pilato. Kyasia mfiri ulya ulya Herode na Pilato wakaiṙikyiana iwaṙa umbuya, cha kyipfa ipfo mawookyionyi wawesuanyi.


Na Pilato kasanzia handu hamwi na wang'anyi wa makohanyi, wasongoru wa wandu, na wandu, kawawia, “Mndu-chu momuende na koko mochigamba kye naiṙetsa wandu; na inyi ngaaṙanyia mbonyi tsakye mbele yanyu, indi ngawona ṙeko lyoose kokye ko shindo shilya shamuenenga imshitakyi-pfo. Maa Herode, cha kyipfa nammbiyiṟa na koṙu. Kyasia kuwoṙe kyindo kyoose awutie kyemwenenga ianduyo ipfa-pfo. Koikyo ngyigamba nakapo, numa ya iho ngyimlekyie nayende.” [ Kyipfa kyilemkooya iwapfunguya mpfungo umwi kyiyeri kya mfiri ung'anyi.] Wakakalagatsa woose, wechigamba, “Mmbaage ichu, ulupfunguye Baraba.” Na oe nyi mndu alewiko kyipfungonyi kyipfa kya wuṟiingyi wulecha mṟinyi, na wuwaagi. Kyasia Pilato naleṙeṙa nawo lya kawi, kyipfa kya chandu awekundi ipfunguo Yesu. Kyaindi wakakalagatsa, wechigamba, “Mkapie msalabenyi! Mkapie msalabenyi!” Kawawia lya kaṟaaṟu, “Kyipfa kya kyikyi? Ichu nawuta wuwicho wuha? Ngawona nawoṙe kyindo kyechimwenenga ipfa-pfo. Kyasia ngamumkapa ngyemlekyia.” Kyaindi wakaṙeṙa na pfinya wakundi nawoogo. Maṟui gawo gakawinga. Pilato kaanduo kye kyilya wakundi kyiṟundikye. Kapfunguo ulya awempfungye kyipfa kya wuṟiingyi na wuwaagi, ulya wawemkundi, kawuta Yesu wammbutie chandu wawekundi.


Na kyiyeri wawemṙuo walekarisana mndu umwi ekyelago Simion Mkyirene, alekoawuka ṙemenyi, wakamṙika msalaba, nauṙuo numa ya Yesu.
Wuingyi wung'anyi wo wandu wukomwosha, na waka wawekapa-kapa shipoota na ikapa ṟanyi kyipfa kyakye. Yesu kawaindukyia, echigamba, “Nyoe waka wa Yerusalemu, maa mulangyilyilyie inyi, indi lyilyienyi mrima yanyu na wana wanyu. Cha kyipfa mfiri iicha, wechigamba, ‘Nanga walawoṙe wana na waumba, na mawee galekyeonza.’ Nyi lyo-ndu wewooka iwia mafumvu, ‘Luolokyienyi’, na shifumvu ‘Lushikyienyi.’ Cha kyipfa kokooya wawutia ikyiṙi lyiwishi shindo-shi, kyechiwa kuṙa ikyiṙinyi lyiumu?”
Wakaṙoo na wandu wengyi wawi, wandu wanyamaṟie, wawoogo hamwi na oe. Na lyilya waleshika handu hekyelago, “Ipoṟong'u,” nyi ho-ndu walemkapia msalabenyi, oe na walya wengyi wawi, umwi ura lo kulyoe, na umwi ura lo kumoso. Yesu kagamba, “Awu, uwahooṟie, kyipfa waichi kyindo waiwuta-pfo.” Wakagawana nguwo tsakye, wechikapa kuṟu kuha. Wandu wakagoṟoka wechiambuya. Wasongoru walya nawo wawemtaluo, wegamba, “Nalekyiṟa wengyi; nakukyiṟe amonyi, kokooya oe nyi Kristo o Ruwa, msambuṟe okye.” Asikari walya wakawemtaluo, wechiyenda kokye na imwendie kyindo kyekyetarang'ia, wechigamba, “Kokooya iyoe nyi mangyi o Wayuda, kukyiṟe kumonyi.” Na wuye yakye hawewoṙe kyiṟeio: “ICHU NYI OE MANGYI O WAYUDA.”
Na umwi o wanyamaṟi walya wawewamanyikye msalabenyi nalemlahia, echigamba, “Ngyesa iyoe chi Kristo-pfoe? Kyiṟa mrima opfo na soe.” Kyaindi ulya o kawi kamgaluo, kamṙeṙia, echigamba, “Iyoe uowuye maa Ruwa, na iyoe nukyeri kyiiṙi kya ianduyo-lyo ilyo? Nakyo nyi sungusinyi koṙu soe, cha kyipfa luambilyia wori wuwaṟi mawuto gaṙu; indi ichu alewuta kyindo kyoose kyiwicho-pfo.” Numa kagamba, “Hoi Yesu, ungyikumbuo ilyi ochiiṙa na Wumangyinyi wopfo.” Yesu kammbia, “Ny'kyaloi, ngakuwia, inu kuṙi nochikaa hamwi na inyi paradiso heonyonya mlungana.”


Kuwekyeri cha saa tsiṟandaaṟu, kukowaṙa meema urukyenyi koose mṟasa saa kyenda. Ngyeela ya mnengyeṟi ikatitia; isulyia lyeshingyia hekalunyi lyikaranduka makyiṙi-gawi. Yesu kakuilenga na ṟui lying'anyi, kagamba, “Hoi Awu, mawokonyi gapfo ngawika mrima oko.” Amgambe kuṙo nalelekyia moo. Kyiyeri mchilyi ulya alewona shindo shilewutika, naleana Ruwa, echigamba, “Loi mndu-chu nawekyeri msumganyi.” Na wandu wa kyisanzionyi kyoose walekowakuumbia iambuya shindo-sho, wammbone kyindo kyilewutika, wakayenda kowo wechikapa-kapa shipoota. Na woose wawemwichi, na waka walya waleoshana na oe iwuka Galyilaya, wakagoṟoka kuleshi weambuya shindo-sho.


Kukocha mndu umwi, ekyelago Yosefu, awekyeri nyi mndu o mengye ya Wayuda, mndu mcha, awoṙe wusumganyi. (Maa aleiṙikyiana na kyilya walewuta-pfo), na oe nyi mndu o Arimataya, mṟi umwi o Wayuda, lyingyi-se naweiweṙelyia Wumangyi wo Ruwa. Mndu-cho naleyenda ko Pilato, kakunda naenengo mmbiu o Yesu. Kasotsa mmbiu-cho iwuka msalabenyi, kauaṟahia sanda, kauwika kyilomenyi kyiwekyipache iṟaṟenyi, nakyo kyilawendeṟiko mndu-pfo. Na mfiri ulya uwekyeri mfiri o ikuṟeyeṟa, na mfiri o onyonya ukowooka iafukyia. Na waka walya walecha na oe iwuka Galyilaya waleosha, wakawona kyilome, na chandu mmbiu okye uwemmbikyie. Wakawuya wakaṟeyeṟa mafuṙa gekyepfaama necha. Na mfiri o onyonya walechihiyo chandu kyiwekyigambe.

Слушни за Luka 23