Mombamomba ny Fandaharana

Fa nahoana ny Paska?Santionany

ANDRO FAHA-5 AMIN'NY 5 ANDRO

Inona no tokony hataontsika?

Ny Testamenta Vaovao dia milaza mazava fa tsy maintsy manao zavatra isika ho fanekena ny fanomezana izay atolotr'Andriamanitra. Asan'ny finoana izany. Nanoratra i Jaona fa ‘toy izao no nitiavan'Andriamanitra izao tontolo izao: nomeny ny Zanani-lahy Tokana, mba tsy ho very izay rehetra mino Azy, fa hanana fiainana mandrakizay’ (Jaona 3:16).

Ny finoana dia mitaky fanehoam-pinoana, mifototra amin'izay rehetra fantatsika momba an'i Jesoa. Tsy finoana jamba izany. Fametrahantsika fitokiana amin’ny Olona iray izany. Amin’ny fomba hafa, dia toy ny dingam-pinoana ataon’ny ampakarina na ny mpampakatra rehefa miteny hoe: ‘Manaiky aho’, amin’ny andro fampakarana.

Miovaova be ny fandraisan'ny olona an'io dingam-pinoana io, saingy te hanoritsoritra fomba iray izay ahafahanao hanao an'io dingam-pinoana io aho izao ankehitriny izao. Azo fintinina amin'ny teny telo tena tsotra:

‘Miala tsiny’

Tsy maintsy mangataka amin'Andriamanitra ianao mba hamelany anao amin'ny zavatra tsy manjary izay nataonao rehetra ary hiala amin'izay rehetra fantatrao fa ratsy eo amin'ny fiainanao. Izany no tian’ny Baiboly holazaina amin’ny hoe ‘fibebahana.’

'Misaotra'

Isika dia mino fa maty ho antsika teo amin'ny hazo fijaliana Jesoa. Mila misaotra Azy noho ny fahafatesany sy ny fanolorany ny fanomezana maimaim-poana ho anao ianao, dia ny famelan-keloka sy ny fahafahana ary ny Fanahiny.

‘Mifona’

Tsy mba manao hitsin-dàlana eo amin'ny fiainantsika izany Andriamanitra. Mila mandray ny fanomezany ianao ary manasa Azy ho avy sy hiaina ao anatinao amin’ny alalan’ny Fanahiny.

Raha te hanana fifandraisana amin'Andriamanitra ianao ka vonona hilaza ireo zavatra telo ireo, dia indro misy vavaka, tena tsotra, azonao atao izay ho fiandohan'izany fifandraisana izany:

Jesoa Kristy Tompo ô,

Mifona amin'ireo zavatra tsy nety nataoko teo amin'ny fiainako aho (maka fotoana kely hangatahana famelan-keloka Aminy amin'izay zavatra manokana ao amin'ny feon'ny fieritreretanao). Mamelà ahy. Indro izaho miala amin'izay rehetra fantatro fa tsy mendrika.

Misaotra fa maty teo amin'ny hazo fijaliana ho ahy ianao mba hahazoako famelan-keloka sy ho fanafahana ho ahy.

Misaotra noho ny fanoloranao famelan-keloka ho ahy sy ny fanomezana ny Fanahinao. Voaraiko izao izany fanomezana izany.

Miangavy anao hiditra amin'ny fiainako amin'ny alalan'ny Fanahinao Masina mba hiaraka amiko mandrakizay.

Misaotra, JesoaTompo ô. Amena.

Soratra Masina

Jôhany 3:16

Andro 4

Mombamomba ity Planina ity

Inona no tena maha-zava-dehibe ny fankalazana ny Paska? Inona no tena mahaliana ny amin'ilay fiainan'ilay olona iray teraka 2000 taona lasa izay? Inona no tena mahavariana ny olona ny amin'i Jesoa? Nahoana Izy no maty? Nahoana no mila mahafantatra ny valin'izany? Ato anatin'ity planina mandritry ny 5 andro ity dia hiezaka hitondra valiny an'ireo fanontaniana ireo i Nicky Gumbel.

Te-haneho fisaorana an'i Alpha sy Nicky Gumbel izahay tamin'ny nanomezany ity planina ity. Raha mila fanazavana fanampiny, tsidiho ny https://alpha.org/

Mikasika ny Mpanonta