Salamo 147
147
SALAMO 147 (Volgata 146-147)
Antsa ho an’ilay mahefa
Aleloia!
1Miderà an’i Iaveh,
fa tsara ny mankalaza ny Andriamanitsika,
2Manangana an’i Jerosalema#147,2 Manangana an’i Jerosalema: nofoanan’ny Tompo ilay teniny mandrara ny hananganan’ny Jody an’i Jerosalema, ka dia nasainy naorina indray. indray i Iaveh,
angoniny ireo tafaely#147,2 Tafaely: izany hoe, rehefa rava i Jerosalema dia niely patrana i Israely, ny sasany niery, ny sasany lasa babo. avy tamin’i Israely.
3sitraniny ireo torotoro fo,
ary feheziny ny ferin’izy ireo#147,3 Jereo Iz 61,1..
4Manisa ny isan’ny kintana Izy,
ary tononiny samy amin’ny anarany avy izy rehetra#147,4 Jereo Iz 40,26..
5Lehibe ny Tompontsika ary tsy misy fetra ny heriny;
sady tsy manam-petra ny fahalalany.
6Manati-bonjy ho an’ny manetry tena i Iaveh,
fa manetry ny ratsy fanahy amin’ny tany kosa.
7Manaova hira fisaorana ho an’i Iaveh;
mankalazà ny Andriamanitsika amin’ny harpa!
8Fa saronany rahona ny lanitra,
ary ny tany amonònany ranonorana;
mampaniry ahitra ny tendrombohitra Izy.
9Manome hanina ny biby fiompy
sy ny zana-goaika mitaraina aminy Izy#147,9 Jereo Jôb 38,41..
10Tsy ny herin’ny soavaly no ankasitrahiny,
na ny tongotr’olombelona no mahafinaritra Azy,
11fa ny fankasitrahan’i Iaveh dia ireo matahotra Azy,
ireo manantena ny hatsaram-pony.
12Ry Jerosalema ô, mankalazà an’i Iaveh,
ry Siôna ô, miderà ny Andriamanitrao#147,12 Amin’ity andininy ity no miantomboka ny Sal 147 amin’ny Volgata..
13Fa nohamafisiny ny hidim-bavahadinao,
hasoaviny ny zanakao eo afovoanao.
14Ataony mandry feizay ny vava taninao,
vokisany vary tsara indrindra ianao#147,14 Jereo Iz 60,17; Sal 81,17..
15Mandefa ny teniny ho amin’ny tany Izy,
faingana dia faingana ny fandehan’ny teniny.
16Mandatsaka oram-panala, tahaka ny volon’ondry izy,
ary mandraraka fanala tahaka ny lavenona.
17Atsipiny am-bakivàkiny ny vongan-dranomandriny,
ka zovy no mahatoha ny hatsîakany?
18Mandefa ny teniny Izy, dia mampiempo an’ireny,
mampifofofofo ny rivony Izy, dia mandriaka ny rano.
19Izy no nanambara ny teniny tamin’i Jakôba,
sy ny didiny amam-pitsipiny tamin’i Israely#147,19-20 Jereo Deter 4,1,8..
20Tsy mba nanao toy izany tamin’ny firenena hafa rehetra Izy,
ka tsy mahalala ny fitsipiny ireny.
Aeloia!
Voafantina amin'izao fotoana izao:
Salamo 147: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.