Salamo 110
110
SALAMO 110 (Volgata 109)
Ny Mesia Mpisorona
1 Salamon’i Davida.
I Iaveh nilaza tamin’ny Tompoko#110,1 Tompoko. Tsy mba olombelona no nolazain’i Davida hoe: Tompoko, satria tamin’izany fotoana izany, dia tsy nisy noheveriny ho ambony noho izy. Koa noho izany dia ny Mesia, dia ilay sady Andriamanitra no olombelona no iharan’izany teny izany. - I Jesoa Kristy dia nanaporofo izany tamin’ny Jody; ary I Masindahy Paoly koa dia milaza fa ny Mpamonjy no lazain’ity andininy voalohany ity. Jereo Mt 22,42-45; 1Kôr 15,25; Heb 1,15; 10,13. hoe:
Mipetraha eo ankavanako#110,1 Mipetraka eo ankavanako. Ny Mpamonjy amin’ny maha-Andriamanitra Azy, dia eo ankavanan’ny Ray mandrakariva, ary amin’ny maha-Olombelona Azy, dia taorian’ny niakarany any an-danitra no nipetrahany eo ankavanan’ny Ray. I Jesoa Kristy amin’ny maha-Olombelona Azy, dia nilazan’Andriamanitra hipetraka eo ankavanany. Araka ny fomban-tanin-dry zareo Tatsinanana, izay olona antenaina hitondra fanjakana, dia apetraky ny mpanjaka eo ankavanany. ianao,
mandra-panaoko#110,1 Mandra-panaoko, sns. Jereo Mt 1,25, fa ao no ahitana ny tena hevitr’izany teny izany. ny fahavalonao ho fitoeran-tongotrao.
2Hanitatra ny tehina#110,2 Tehina: Araka ny filazan’ny Rain’ny Eglizy maro, ny tehina fanapahan’i Jesoa Kristy dia ny Hazofijaliana. Ny sasany kosa milaza fa izany dia manambara ny tenin’i Jesoa Kristy ao amin’ny Evanjely izay hieken’ny firenena rehetra ny finoana. Ny sasany kosa indray, milaza fa izany dia manambara ny hamafin’ny fitsaràny, izay hanorotoro ny ratsy fanahy amin’ny tsora-kazo vy (Sal 2,9). fanapahanao, avy ao Siôna#110,2 I Siôna: Fomba filazana mandrakariva an’i Jerosalema izany, izay voafaritry ny tendrombohitra na havoana telo, dia i Siôna sy Akrà ary Morià. i Iaveh:
manjakà amim-pahefan’ny Tompo#110,2 Ny fanjakan’ny Mpamonjy: nanomboka tao Siôna na hoe Jerosalema (Iz 2,3; Mik 4,2; Lk 24,47). eo amin’ny fahavalonao ianao!
3Midodododo aminao ny vahoakanao amin’ny andro hamorianao ny tafikao#110,3 Amin’ny andro hamorianao ny tafikao. Araka ny filazan’i Masindahy Jean Chrysostome, i Théodoret sy i Masindahy Augustin ary i Masindahy Athanase, ny lazaina amin’io teny io dia ilay andron’ny fitsarana farany; amin’izay i Jesoa Kristy dia hiseho ao afovoan’ny anjely sy ny olo-masiny mba hitsara ny olona rehetra.,
mitondra ny fanamiana masina:
avy ao ampofoan’ny mazava atsinanana,
dia mankao aminao ny ranonandon’ny mpiadinao tanora.
4Efa nianianan’ny Tompo ka tsy hanenenany izao:
Mpisorona mandrakizay Ianao,
araka ny fomban’i Melkisedeka#110,4 I Melkisedeka: dia sady mpisorona no mpanjaka (Jen 14,18-20)..
5Eo ankavananao ny Tompo,
handripaka ny mpanjaka Izy amin’ny andron’ny fahatezerany.
6Manao ny fitsaràny any amin’ny firenena Izy,
feno faty hatraiza hatraiza;
manorotoro ny loha eo amin’ny tany tontolo Izy.
7Misotro amin’ny renirano izy#110,7 Misotro amin’ny renirano izy. Izany mampahatsiaro ny fanaon’ny miaramila miady. Raha mangetaheta izy dia amin’izay rano sendra azy no isotroany kely, dia asiany indray ny fahavalo mandra-paharingany. eny an-dalana,
ka izany no itrakan’ny lohany.
Voafantina amin'izao fotoana izao:
Salamo 110: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.