Izaia 7
7
Fampitandremana voalohany an’i Akaza
1Tamin’ny andron’i Akaza, zanak’i Joatama, zanak’i Oziasa, mpanjakan’i Jodà, dia niakatra hanafika an’i Jerosalema, i Rasima mpanjakan’i Siria, niaraka tamin’i Fasea, zana-dRomelia, mpanjakan’i Israely; nefa tsy nahafaka azy izy. 2Nambara tamin’ny taranak’i Davida izany vaovao izany, fa hoe: «Mitoby any amin’i Efraima i Siria.» Tamin’izany nipararetra hoatra ny fanetsiky ny rivotra ny hazo an’ala, ny fon’ny mpanjaka sy ny fon’ny vahoaka. 3Dia hoy i Iaveh tamin’i Izaia: «Mivoaha ianao sy i Seara-Jasoba#7,3 I Seara-Jasoba: izany hoe: Hisy ambiny sisa hiverina na hibebaka. Izany anarana izany milaza ny foto-kevitra voalahatra amin’ny bokin’i Izaia manontolo; fa rehefa rava ny firenena Jody ho sazin’ny fahotany, dia mbola hisy ambiny kely sisa ho afaka amin’ny loza, ka io no ho fototry ny hitsanganan’ny firenena indray. zanakao, hitsena an’i Akaza eo amin’ny faran’ny lakan-dranon’ny kamory ambony. amin’ny lalan’ny sahan’ny mpamotsy lamba; 4ka ianao hilaza aminy hoe:
Mitandrema, mandria amim-piadanana#7,4 Mitandrema, mandria amim-piadanana: Efa hotafihin’ny Sirianina sy ny Israelita amin’ny fanjakana avaratra, i Jerosalema; ka nitebiteby mafy ny fon’i Akaza, mpanjakan’i Jodà; ka mba nanan-kevitra izy ny hangataka vonjy amin’ny Asirianina. Anarin’i Izaia izy mba tsy hanao izany, fa i Iaveh ihany no tokony hitokiana., aza matahotra,
ary aza rera-po foana ianao
eo anatrehan’ireo tapa-porohana roa midonaka ireo,
amin’ny fisafoakan’i Rasìna sy i Siria, ary ny zana-dRomelia.
5Noho i Siria nihevitra hampidi-doza anao
mbamin’i Efraima sy ny zana-dRomelia nanao hoe:
6Andeha isika hananika an’i Jodà,
ka hampaharaiki-tahotra azy sy hananika azy
ary hanangana ny zanak’i Tabeela ho mpanjaka ao;
7noho izany dia izao no lazain’ny Tompo Iaveh:
Tsy ho vanona izany; tsy hisy izany!
8Satria fa i Damasa no lohan’i Siria,
ary i Rasìna no lohan’i Damasy#7,8-9 I Rasìna no lohan’i Damasy, sns. Izany Rasìna izany dia manana ny fanjakana any Siria; ka i Damasy no renivohiny; toy izany koa i Fasea zana-dRomelia manana ny fanjakany, ka i Samaria no renivohiny. Aoka samy hipetraka amin’ny fanjakany avy izy, fa izany no sitrapon’Andriamanitra.;
ka 65 taona#7,8 Ka 65 taona: Faminaniana milaza ny fandravan’ny Asirianina ny fanjakan’ny Israelita Avaratra; izay tanteraka tokoa tamin’ny andron’i Asaradona mpanjakan’i Asiria (jereo 2Mpa 17,24). sisa,
dia hitsahatra tsy ho vahoaka intsony i Efraima.
9Ary i Samaria no lohan’i Efraima,
ny zana-dRomelia no lohan’i Samaria.
Raha tsy mino ianareo, dia tsy haharitra.»
Fampitandremana faharoa
Ilay Emanoela famantarana
10Mbola niteny tamin’i Akaza koa i Iaveh nanao hoe: 11«Mangataha famantarana amin’i Iaveh Andriamanitrao; mangataha izany, na any amin’ny faravodin’ny seoly, na any amin’ny havoan’ny lanitra.» 12Fa hoy i Akaza: «Tsy hangataka aho; tsy haka fanahy an’i Iaveh#7,12 Tsy haka fanahy an’i Iaveh: Fihatsarambelatsihy no tsy nangatahin’i Akaza famantarana. Mody mazoto amin’ny fitandremana ny lalàna, Deter 6,16, izay mandrara tsy haka fanahy an’Andriamanitra; nefa raha asain’Andriamanitra hangataka famantarana izy, dia fantatra fa tsy misy izay fakam-panahy an’Andriamanitra na kely akory aza izany. Ny tsy fahitsiam-pony sy ny tsy fitokiany an’Andriamanitra no tsy nangatahany famantarana. aho.»
13Ka hoy i Izaia:
«Mihainoa, ry taranak’i Davida:
Mbola tsy ampy anareo va ny mahasasatra ny olombelona,
no dia mbola mahasasatra an’Andriamanitra koa ianareo?
14Noho izany dia ny tenan’ny Tompo no hanome famantarana anareo:
Indro nanana anaka ny Virjiny#7,14 Indro nanana anaka ny Virjiny: Ny Virjiny lazaina eto dia i Masina Maria (jereo Mt 1,22-23), ary i Emanoela dia ny Zanak’Andriamanitra tonga olombelona, izay tena Emanoela tokoa izany hoe Andriamanitra etỳ amintsika. Iray hevitra avokoa ny Ray ao amin’ny Fiangonana sy ny Mpampianatry ny Fiangonana amin’ny fivoasana ireo teny ireo hoe manondro an’i Jesoa Kristy sy i Masina Maria., ka miteraka zaza lahy,
ary ny anarany hataony hoe Emanoela.
15Hihinana hero-dronono sy tantely#7,15 Hihinana hero-dronono sy tantely: Tsy mba amin’ny androm-piadanana fa amin’ny andron’ny fahaporetana kosa no hihinanana hero-dronono sy tantely, izay vokatry ny tany tonga ho azy, tsy ilàna asan-tanana na fikarakarana hanamboarana azy. izy,
mandra-pahaizany mandà ny ratsy sy mifidy ny tsara.
16Fa alohan’ny hahaizan’io zaza io mandà ny ratsy sy mifidy ny tsara,
dia ho rava ny tanin’ireo mpanjaka roa maharaiki-tahotra anao ireo.
17I Iaveh hahatonga aminao sy ny vahoakanao
ary amin’ny fianakavian-drainao,
andro tsy mbola nisy tonga toa azy,
hatramin’ny andro nisarahan’i Efraima tamin’i Jodà,
- dia ny mpanjakan’i Asiria.
18Amin’izany andro izany, i Iaveh hisiaka#7,18 I Iaveh hisiaka: Hantsoiny amin’ny siaka. Be lalitra indrindra i Ejipta, ary be renitantely indrindra i Asiria. Ka ny lalitra sy ny renitantely dia atao solon’ny Ejiptianina sy ny Asirianina.
ny lanitra any amin’ny fara lafin’ny onin’i Ejipta,
sy ny renitantely, any amin’ny tanin’i Asiria.
19Dia ho avy ireny, ka hipetraka avokoa
eny amin’ny lohasaha mideza,
sy eny an-tsefatsefa-karambato,
any amin’ny hazo madinika milobolobo,
mbamin’ny tany fiandrasana biby rehetra.
20Amin’izany andro izany ny Tompo hanaratra,
amin’ny hareza nahofany tany an-dafin’ny ony,
- dia amin’ny mpanjakan’i Asiria, -
ny loha sy ny volon-tongotra
ary hoesoriny koa ny volombava.
21Amin’izany andro izany, ny olona iray hiompy
ombivavy iray sy ondrivavy roa;
22ka noho ny habetsahan’ny ronono avy amin’ireny
dia tsy hihinana afa-tsy hero-dronono ny olona;
fa hero-dronono sy tantely
no fihinan’ny olona rehetra tafajanona eo amin’ny tany.
23Amin’izany andro izany ny tany rehetra
misy foto-boaloboka arivo izay lafo lela volafotsy arivo,
dia ho rakotra hery sy tsilo.
24Zana-tsipìka aman-tsipìka, no hoenti-miditra ao,
fa tsy hisy afa-tsy hery sy tsilo, amin’ny tany rehetra.
25Ary ny tendrombohitra rehetra izay fiasa tamin’ny antsetra fiavàna
tsy hankanesanao intsony noho ny fahatahorana ny hery sy ny tsilo;
fa dia ho tany fiandrasana omby, ary ho tany hitsakitsahin’ny ondry.»
Voafantina amin'izao fotoana izao:
Izaia 7: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.