Bokin’i Daniela 1
1
NY ZANAKY NY HEBRIO ANY AN-DAPAN’I NABOKODONOZORO
1Tamin’ny taona fahatelo#1,1 Taona fahatelo: Niala tany Babilôna i Nabokodonozora tamin’ny faramparan’ny taona fahatelo nanjakan’i Jôakima, ka tonga tany Jerosalema nanao fahirano azy tamin’ny voalohandohan’ny taona manaraka (Jer 25,1). nanjakan’i Jôakima, mpanjakan’i Jodà, tonga i Nabokodonozora mpanjakan’i Babilôna#1,1 Mpanjakan’i Babilôna: Tamin’io fotoana io dia tsy mbola tena nanjaka akory i Nabokodonozora, fa zanak’andriana mpandova fanjakana fotsiny, nefa niara-nanjaka tamin’i Nabopôlasora rainy ihany. hamely an’i Jerosalema, ka nanao fahirano azy. 2Natolotry ny Tompo#1,2 Natolotry ny Tompo, sns. I Babilôna no nasain’Andriamanitra nampijaly an’i Jerosalema mpivadika., ho an-tanany i Jôakima#1,2 i Jôakima: Araka ny voalaza ao amin’ny 2Tan 36,6, dia nogadrain’i Nabokodonozora izy ka nentiny tany Babilôna., mpanjakan’i Jodà, mbamin’ny fanaka sasany tao an-tranon’Andriamanitra, ka nentiny ireny, ho any amin’ny tany Senaara#1,2 Ny tany Senaara: Anaran’i Babilôna fony fahiny (Jen 10,10)., ao amin’ny tranon’ny andriamaniny, sady napetrany tao amin’ny firaketan’ny andriamaniny#1,2 Andriamaniny: Bela na Belosa, izay nanana tempoly tsara sy kanto indrindra tamin’ireo tempoly tao Babilôna. 14 taona ka hatramin’ny 15 taona eo ho eo; tsy olo-meloka anefa izy ireo na natao antoka; fa notendrena hanao raharaha ao amin’ny lapa fotsiny. ny fanaka.
3Nanome teny an’i Asfeneza#1,3 Asfeneza: Manamboninahitra ambony tao amin’ny rova., lehiben’ny eonòkany#1,3 Lehiben’ny eonòka: Anarana efa hatry ny fahagola izany (Jen 37,36), nomena ny manamboninahitra tandapa izay nanao ny raharahan’ny mpanjaka. Amin-dry zareo Tatsinanana koa dia natao hoe eonoka ny anaran’ny ankamaroan’ny manamboninahitra tao anaty rova, satria mazàna, dia tena eonòka tokoa izy ireo., ny mpanjaka, hitondra ny sasantsasany#1,3 Hitondra ny sasantsasany: Angamba ny lazaina amin’izany dia ny tovolahy eo amin’ny amin’ny zanak’i Israely izay isan’ny taranak’andriana, na izay avo razana, 4ny zatovo#1,4 Ny zatovo, sns. Izay rehetra lazaina momba an’i Daniela sy ireo namany amin’ity toko ity sy ny manaraka, dia manamarina fa izy ireo koa tamin’izay, dia mba anisan’ny tovolahy. Sady ny teny hebrio hoe tovolahy, zatovo, dia milaza olona 19 taona. tsy misy kilema, tsara tarehy, manana talenta isan-karazany, nandia fianarana sy manan-tsaina, ary matanjaka tsara, hitoetra ao an-dapan’ny mpanjaka, sady hampianarina taratasy aman-teny Kaldeanina#1,4 Hampianarina taratasy aman-teny Kaldeanina: Izany hoe, tsy ny fiteny sy ny fanoratra fanao tany Babilôna tamin’ny andron’i Nabokodonozora ihany; fa indrindra ny boky masin’ny Babilônianina izay lazaina eto hoe Kaldeanina, dia ny teny fisikidianana, ny fitsipika ahaizana mivaofy ny nofy, ny fandinihana momba ny astra sy ny atmôsfera (fanandroana). Ireo fianarana ireo, dia natao tamin’ny teny na hoe soratra izay fanao fahagola, ka hafa dia hafa noho ny teny fanaon’ny be sy ny maro andavanandro.. 5Natokan’ny mpanjaka izay anjara ho azy ireo isan’andro, amin’ny hanin’ny mpanjaka sy ny divay fisotrony, mba hitoerany eo anatrehan’ny mpanjaka, rehefa nobeazina telo taona izy ireo. 6Anisan’ireo i Daniela, i Ananiasa, i Misaely ary i Azariasa, avy amin’ny taranak’i Jodà. 7Nomen’ny lehiben’ny eonoka anarana#1,7 Nomeny...anarana: Izany hoe, anarana vaovao izay mifanandrify amin’ny toe-draharaha nomena hataony. Ny anarany aloha, dia teny Kaldeanina, ary ny hevitr’ireo anarana ireo, dia hevi-tenin’ny mpanompo sampy; ka araka ny filazan’ny sasany dia izao no hevitr’ireo anarana ireo: Baltasara, zanak’andriana ankasitrahin’i Bela; Sidràka, sariaka amin’ny lalana, namana faly; Misàka, vahinin’ny mpanjaka; Abdenegao, mpanompo, mpivavaka amin’i Nebô, andriamanitra Babilônianina. izy ireo: ka i Daniela nataony hoe Baltasara, i Ananiasa nataony hoe Sidràka, i Misaely nataony hoe Misàka, ary i Azariasa nataony hoe Abdenegao.
8Tapa-kevitra tao am-pony i Daniela#1,8 Tapa-kevitra tao am-pony i Daniela: Fomba fanaon’ny mpanompo sampy, araka ny fomba fivavahany ny manolotra amin’ny andriamanitr’izy ireo, eo am-pisakafoana, ny sombin-kena kely sy mandraraka divay amin’ny akalana na latabatra fihinanany (ampitahao amin’ny 1Kôr 10,20). Sady ireo mpanompo sampy ireo koa, dia tsy mifidy hena hovangoana, ka nisy tamin’ireny hena ireny fady tamin’ny Jody (Lev 11; Deter 14). Tsy izany ihany koa fa izay rehetra haniny, dia nanokanany ho an’ny andriamanitr’izy ireo koa. fa tsy handoto tena amin’ny hanim-pihinan’ny mpanjaka sy ny divay fisotrony: ka nangataka tamin’ny lehiben’ny eonoka izy mba tsy hanery azy handoto tena. 9Ary nataon’Andriamanitra nahita fitia tamin’ny lehiben’ny eonoka i Daniela. 10Hoy ny lehiben’ny eonoka tamin’i Daniela: «Matahotra ny mpanjaka tompoko, aho, fa tenany no nandraikitra izay hohaninareo sy hosotroinareo; fa ahoana moa izy no hahita ny tarehinareo mahia noho ny an’ireo zatovo mitovy taona aminareo? Hanao izay hanapahan’ny mpanjaka ny lohako ianareo izany.» 11Dia hoy i Daniela tamin’ny mpikarakara sakafo notendren’ny lehiben’ny eonoka hikarakara an’i Daniela, i Ananiasa, i Misaely, sy i Azariasa: 12«Masìna ianao, manaova fanandramana hafoloana, aminay mpanomponao: hanin-kotrana hohanina sy rano hosotroina ihany omena anay. 13Ka rehefa afaka izany, samy hojerenao ny tarehinay sy ny an’ireo zatovo mihinana amin’ny hanin’ny mpanjaka, dia araka izay ho hitanao no hataonao aminay mpanomponao.» 14Nekeny ny hatak’izy ireo, ka nizaha toetra azy izy hafoloana. 15Nony tapitra ny hafoloana, dia hita fa tsara tarehy sady matavy izy noho ireo zatovo rehetra nihinana tamin’ny hanin’ny mpanjaka. 16Ka dia nentin’ilay mpikarakara sakafo ny hanina aman-divay tsy maintsy sotroina, fa hanin-kotrana no nomeny azy.
17Ireo zatovo ireo, dia izy efa-dahy, samy nomen’Andriamanitra fahalalana amam-pahaizana momba ny taratasy amam-pahendrena rehetra; ary i Daniela nahafantatra ny nofy amam-pahitana rehetra. 18Nony tonga ny fotoana voatendrin’ny mpanjaka hampidirana azy rehetra, dia nentin’ny lehiben’ny eonòka ho eo anatrehan’i Nabokodonozora izy ireo. 19Niresaka tamin’izy rehetra ny mpanjaka, ary izy rehetra dia tsy nisy tahaka an’i Daniela, i Ananiasa, i Misaely ary i Azariasa; ka dia noraisina hanao ny fanompoana ny mpanjaka izy ireo. 20Tamin’ny zavatra rehetra ilàm-pahalalana, nanontanian’ny mpanjaka azy ireo, dia hitany fa nanan-tombo impolo heny noho ny an’ny mpahay taratasy ama-mpisikidy rehetra, teo amin’ny fanjakany manontolo, ny fahambonian’izy ireo. 21Toy izany i Daniela hatramin’ny taona voalohany nanjakan’i Sirosy.
Voafantina amin'izao fotoana izao:
Bokin’i Daniela 1: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.