1Tantara 24
24
Sokajin’ny mpisorona
(Jereo Fanis 3,2-4)
1Ny amin’ny taranak’i Aarôna, dia izao no antokony, zanaka lahin’i Aarôna: i Nadaba, i Abiò, i Eleazara sy i Itamara. 2I Nadaba sy i Abiò, maty talohan-drainy, tsy nitera-dahy, ary i Eleazara sy i Itamara nanao ny raharahan’ny fisoronana.
3I Davida, i Sadôka taranak’i Eleazara, sy i Akimeleka taranak’i Itamara, dia nizarazara ny taranak’i Aarôna ho antokotokony arakaraka ny fanompoany. 4Nisy lohany maromaro kokoa noho ny taranak’i Itamara, ny taranak’i Eleazara, ka dia toy izao no nizarana azy: loham-pianakaviana 16 ny tamin’ny taranak’i Eleazara, ary loham-pianakaviana 8 ny tamin’ny taranak’i Itamara. 5Samy natao tamin’ny filokàna ny fizarazarana azy ireo avy, satria na ny tamin’ny taranak’i Eleazara na ny tamin’ny taranak’i Itamara, dia samy nisy filohany momba ny fitoerana masina#24,5 Filohany momba ny toerana masina, izany hoe lehiben’ny raharaha masina tao an-tempoly., sy filohany amin’ny momba an’Andriamanitra#24,5 Filohany amin’ny momba an’Andriamanitra. Maro ny hevitra azo andraisana izany: na hoe filoha ambony dia ambony (Jen 23,6), na hoe filoha amin’izay rehetra mikasika an’Andriamanitra sy ny fivavahana, na hoe filohan’ny mpitsara, satria ny teny hebrio Elohim, Andriamanitra, azo adika hoe mpitsara (jereo 2Tan 19).. 6I Semeiàsa zanak’i Natanaely mpanoratra, anankiray tamin’ny Levita, no nandatsaka an-tsoratra azy ireo, teo anatrehan’ny mpanjaka sy ny filohany, teo anatrehan’i Sadôka mpisorona, sy i Akimeleka zanak’i Abiatara, ary teo anatrehan’ny loham-pianakavian’ny mpisorona sy ny Levita; amin’ny filokana maka fianakaviana iray avy amin’i Eleazara, dia iray avy amin’i Itamara.
7Azon’i Joiariba ny loka voalohany, an’i Jedeià ny faharoa, 8an’i Harima ny fahatelo, an’i Seôrima ny fahefatra, 9an’i Melkià ny fahadimy, an’i Maimàna ny fahenina, 10an’i Akôsa ny fahafito, an’i Abià ny fahavalo, 11an’i Jesoà ny fahasivy, an’i Sekeniaò ny fahafolo, 12an’i Eliasiba ny faha-11, an’i Jakima ny faha-12, 13an’i Hopfà ny faha-13, an’i Isbaaba ny faha-14, 14an’i Belgà ny faha-15, an’i Emera ny faha-16 15an’i Hezira ny faha-17, an’i Afresa ny faha-18, 16an’i Feteià ny faha-19, an’i Hezekiela ny faha-20, 17an’i Jakina ny faha-21, an’i Gamola ny faha-22, 18an’i Dalajao ny faha-23, an’i Maziao ny faha-24.
19Toy izany no antokony nizarazarana azy ireo, araka ny fanompoany, mba ho tonga ao an-tranon’i Iaveh, araka ny fandaharana nomena azy#24,19 Araka ny fandaharana nomena azy. Samy niasa herinandro avy ireo antokony 24 ireo. Ny Sabata no nanombohana niasa., tamin’ny alalan’i Aarôna, rainy, araka ny didy nomen’i Iaveh Andriamanitr’i Israely azy.
20Izao kosa ny amin’ny filohan’ny Levita sisa#24,20 Filohan’ny Levita sisa, izany hoe ireo tsy mba anisan’ny fianakavian’i Aarôna izay hany tokana nanankinana ny rahalahin’ny mpisorona.: tamin’ny taranak’i Amrama i Sobaela, tamin’ny taranak’i Sobaela i Jehedeià; 21tamin’ny taranak’i Rohobià i Jesiasa filohany; 22tamin’ny Isaarita i Salemôta, tamin’ny taranak’i Salemôta i Jahata. 23Zanaka lahin’i Hebrôna: i Jerià no voalohany, i Amariasa faharoa, i Jahaziela fahatelo, i Jekmaàna fahefatra. 24Zanaka lahin’i Oziela: i Mikà, tamin’ny taranak’i Mikà i Samira. 25Rahalahin’i Mikà: i Jesià, zanak’i Jesià i Zakariasa. 26Zanaka lahin’i Merarỳ: i Moholỳ sy i Mosỳ; zanaka lahin’i Merarỳ tamin’i Oziao zanany: i Saama, i Zakora ary i Hebrỳ. 27Avy amin’i Moholỳ, i Eleazara izay tsy nitera-dahy; 28avy amin’i Kisa, ny zanaka lahin’i Kisa: i Jerameela. 29Zanaka lahin’i Mosỳ: i Moholỳ, i Edera ary i Jerimota.
30Ireo no taranak’i Levỳ, araka ny fianakaviany avy. Izy ireo koa toraka ireo taranak’i Aarôna rahalahiny, dia nanao ny filokàna#24,30 Nanao ny filokàna. Nanao tahaka an’ireo mpisorona rahalahiny fianakavian’i Aarôna ireo Levita ireo dia ny filokàna no nanondroana ny fotoana sy ny laharana hanaovany ny raharahany avy. Tsy nisy fiavahana ny toetoetra na ny taona na ny fianakaviana, fa izay laharana sy kilasy notondroin’ny loka no nanaovany ny raharaha masina. teo anatrehan’i Davida mpanjaka sy i Sadôka, sy i Akimeleka, mbamin’ireo loham-pianakavian’ny mpisorona sy ny Levita, dia natao mitovy amin’ny zokiny ela indrindra, ny zandriny vao haingana indrindra.
Voafantina amin'izao fotoana izao:
1Tantara 24: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.