Malakỳ 1
1
1Hafatra nampitondrain’ny TOMPO an’i Malakỳ#1.1 ny anarana Malakỳ dia midika hoe ny irako (jereo 3.1). Heverina fa tany amin’ny taona 480-460 tany ho any no nitondran’io mpaminany* io ny hafany, izany hoe roapolo na telopolo taona talohan’ny nahatongavan’i Nehemià tany Jerosalema (jereo ny naoty tandrify ny Neh 1.1). ho an’ny Israelita.
I Israely no voafidin’ny Tompo
2Hoy ny TOMPO taminareo vahoakany:
–Tiako ianareo.
Nefa nanontanianareo Izy hoe:
–Aiza àry ny porofon’ny fitiavanao?
Dia novalian’ny TOMPO an-teny hentitra hoe:
–Tsy mpirahalahy va i Hesao sy i Jakôba#1.2 I Hesao no razamben’ny Edômita, izay hatramin’ny nisiany no fahavalon’ny Israelita, jereo Ezek 25.12-14; Jl 4.19; Hôb 10.15; Sal 137.7. I Jakôba no razamben’ny Israelita, jereo Hôs 12.4 sy nta.? Nefa i Jakôba no tiako, 3fa i Hesao kosa halako. Nataoko tonga lao ny faritra be tendrombohitra nitoeran’ny taranak’i Hesao#1.3 I Jakôba no tiako, fa i Hesao kosa halako: jereo ny ao amin’ny Rm 9.6-16 izay anaovana tonon-tsiahy io fehezanteny io sy ivoaboasana azy., ary ny taniny natolotro ho an’ny amboadia any an-taniefitra. 4Na dia hiteny aza ny Edômita taranak’i Hesao hoe: «Rava sy potika izahay, nefa hatsanganay indray ny tanàna rava», Izaho TOMPOn’izao rehetra izao dia hamaly hoe: Aoka izy hanangana, fa Izaho kosa handrava. Ary ny olona hametaka anarana azy hoe: «Tany anjakam-paharatsiana» sy «Vahoaka tezeran’ny TOMPO mandrakizay». 5Hahita maso izany ianareo, ry Israelita, ka hahateny hoe: «Lehibe ny TOMPO, na dia hatrany ivelan’ny tanin’i Israely aza!»
Fanompoam-pivavahana tsy mendrika ny Tompo
6Hoy ny TOMPOn’izao rehetra izao aminareo mpisorona: «Ny zanaka manome voninahitra ny rainy, ary ny mpanompo manaja ny tompony. Koa raha Ray aho, aiza izay voninahitro? Ary raha Tompo aho, aiza izay hajako? Fa manamavo ny anarako ianareo, nefa manontany hoe: «Amin’inona no anamavoanay ny anaranao?». 7Mitondra hanina tsy mendrika Ahy#1.7 Ireo hanina ireo dia tsy mendrika ny Tompo satria tsy voaatitra araka ny fitsipika, jereo and 8 sy Lev 22.17-30; Deot 15.21. eo amin’ny alitarako ianareo, nefa manontany hoe: «Amin’inona no anaovanay zavatra tsy mendrika Anao?» Ka hoy Aho hoe: Amin’ny fanimbazimbanareo ny alitarako! 8Raha biby jamba na mandringa na marary no entinareo hatao sorona amiko, moa heverinareo fa tsy ratsy ve izany? Biby tahaka izany ange aterina ho an’ny governora, dia ho hitanareo raha hahazo sitraka na fitia aminy ianareo, hoy Izaho TOMPOn’izao rehetra izao. 9Koa ankehitriny, ry mpisorona, mifonà amiko Andriamanitrareo ange ianareo, raha toa ka mba hiantra ny vahoakako Aho. Noho izay nataon’ny tananareo izay, moa heverinareo ve fa hihaino anareo Izaho TOMPOn’izao rehetra izao? Sanatria izany! 10Tokony hohidin’ny anankiray aminareo ny varavaran’ny tempoly mba tsy handrehetanareo afo tsy misy lanjany eo amin’ny alitarako. Tsy sitrako ny hahita anareo na ny handray izay fanatitra ataonareo, hoy Izaho TOMPOn’izao rehetra izao. 11Fa manomboka any atsinanana ka hatrany andrefana no hieken’ireo hafa firenena fa lehibe ny lazako. Ary hatraiza hatraiza no handoroana sorona sy hanaovana fanatitra mendrika ny anarako. Eny, hiaiky ireo hafa firenena fa lehibe ny lazako, hoy Izaho TOMPOn’izao rehetra izao. 12Fa ianareo kosa manevateva izany amin’ny filazànareo fa ny alitaran’ny TOMPO dia tsy mendri-kaja, ary ny sakafo aterina eo dia tsizarizary. 13Miteny aza ianareo hoe: «Asa mafy re izany!» Dia tsy mba miraharaha Ahy ianareo, hoy Izaho TOMPOn’izao rehetra izao. Biby nangalarina na mandringa na marary no atolotrareo amiko. Koa ataoko ahoana, hoy AHO, no fankasitraka izany avy amin’ny tananareo. 14Ho voaozona anie ny mpamitaka izay manana biby salama ao amin’ny andian’ondriny; saingy rehefa manao voady izy, dia biby manan-kilema no ataony sorona amiko. Eny, mpanjaka lehibe ny tenako, hoy Izaho TOMPOn’izao rehetra izao; ary mampihorohoro ny firenen-drehetra ny lazako.
Voafantina amin'izao fotoana izao:
Malakỳ 1: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.