Kisary famantarana ny YouVersion
Kisary fikarohana

กิดจะกาน 4

4
เปโตร​กับ​ยอน​เบิน​อัอด​ตอ​มัด​กวย​อัมปูด​นึง​ซะพา
1บัด​เปโตร​กับ​ยอน​นัง​อัอด​เวา​นึง​กวย​นาก็​อัอด​นึง​วิฮาน​ตี​กี ‍ พะดี​เบิน​จุม​ตากูอนจำ ‍ กับ​พูคุม​จุม​อะญา​นาก็​กรัว​วิฮาน ‍ กับ​จุม​ซะดูซี#4:1 จุม​ซะดูซี​อะไน ‍ เจือ​นึง​พูซาง​ยู ‍ ฮัก​อะไล​เจือ​ปาย ‍ ค็าน​กวย​กะเจด​เจอ​ก็​มม​ปัอะ​เลย ‍ ตัอ​เบิน​มอ์ยฮ​นัง ‍ ตัอ​เบิน​ซอฮ​ซะวัน​ตัอ​เบิน​แซง​นะรก​นัง ตัอะ​จอ์ะ​อะไล ‍  2กอ​กวย​จุม​ไน​ซี​ตัอะ ‍ ก็​พอะ​ปาย​อะไล​ฮึน​อะเลอ ‍ โฮม​ปาย​เปโตร​กับ​ยอน​กำลัง​อะเรียน​กวย​ปาย​พะเยซู​มอ์ยฮ​ตาฮ​กะเจด​เจอ ‍ ค็าน​พะเยซู​มอ์ยฮ ‍ ก็​ซะแดง​ปาย​กวย​ไฮ​ก็​นัง​ซี​เบิน​มอ์ยฮ​แอน​ลึ ‍  3อะไล​เลิด​กอ์บ​เปโตร​กับ​ยอน​เอด​อะปัอะ​ค็าง​อะดอะ​นึง​กุก ‍ ฮัก​อะไล​นัง​ตุน​ตัดซิน​อัมปิน​มือ​กี ‍ พอะ​ปาย​อัน​ก็​ซะเดา​เจอ ‍ 
4ฮัก​กวย​นาก็​เบิน​ตะมึง​อะไล​เวา​อะกี​ก็​เจือ​อับ​อะเลอ ‍ ค็าน​รวม​ญิ​ทัง​กวย​เตียะ​กวย​ตะไม ‍ พู​นาก็​เจือ​นึง​พะเยซู​ก็​เบิน​ตัง 5,000 คน​เตฮ​ออยะ ‍ อะไน​นับ​มัง​กวยกอ์น ‍ กวยกัน​กับ​ละแนน​นัง​ตุน​นับ​อัมปิน ‍ 
5เจอ​ป็าง​ตะรืบ​จุม​พูนำ ‍ จุม​กวย​อัมปูด​กวย​ปะแก ‍ กับ​จุม​นาก็​เก็ง​เรือง​กด​บันยัด​คอง​โมเซด​ก็​ตัอะ​ปะซุม​อัอด​มะนืย​นึง​กรุง​เยรูซาเล็ม ‍  6กวย​นาก็​อัมปรูอม​อัอด​ตี​กี​ก็​เบิน​ทัง​ตากูอนจำ​ปูด​นืยะ​นาก็​ละมึฮ​อันนาด ‍ เจอ​ก็​เบิน​ทัง​คายาพาด ‍ ยอน ‍ อะเล็กซานเดอ ‍ กับ​แซมอัอย​คอง​ตากูอนจำ​ปูด​อะกี​ญิ​กู​นาะ ‍ มัง​นาก็​ปัน​กวย​อัมปูด​กวย​ปะแก ‍ มัง​กวย​นาก็​เบิน​อำนาด ‍  7กวย​จุม​ไน​เลิด​ออ์น​เปโตร​กับ​ยอน​ตะยึง​อัอด​ตอ​มัด​อะไล ‍ เจอ​ก็​อะบลัฮ​ปาย ‍ "นาก็​อัมไป​บาล​นาะ​ตาะ​ออ์น​อะจวยฮ​อะไน​ปัน​ตะยาฮ​มะฮาอะไน ‍ อัมไป​เอด​อำนาด​อะตัอะ​ตี​ลาะ? ‍ อัมไป​ตัก​ละมึฮ​นีาว​ปัว​ออ์น​อัน​แบ็น?"
8วินญาน​บอ์ริซุด​คอบครอง​มิด​คอง​เปโตร ‍ เจอ​อัน​เลิด​เวา​นึง​อะไล​กู​นาะ​ปาย ‍ "อัมไป​นาก็​ปัน​กวย​อัมปูด​กวย​ปะแก ‍ นาก็​ปัน​ฮัวนา​ปะซาซน​กู​นาะ​เอย ‍  9จังอะไน​อัมไป​อี​อะบลัฮ​เรือง​นาก็​มะเฮะ​จูอย​กวย​นาก็​ปัน​ลอย​ออ์น​อัน​ตะยาฮ​ปัน​อะกี​นอ? ‍ อัมไป​อี​ด็าง​นอ​ปาย​อัน​แบ็น​ดาย​วิลลาะ? ‍  10ค็าน​อัมไป​อี​ด็าง ‍ อังกอะ​ก็​ซี​เวา​ออ์น​อัมไป​ตะมึง ‍ ทัง​อัมไป​นาก็​อัอด​ปัอะ​ไน​กับ​กวย​อิซราเอล​ญิ​กู​นาะ ‍ อะจวยฮ​อะไน​แบ็น​ก็​ญูอน​ริด​ญูอน​อำนาด​ญูอน​ละมึฮ​คอง​พะเยซู​คริด​นาก็​ตัอะ​ตี​เมือง​นาซาเร็ด​อะกี​ออยะ ‍ อัมไป​เอด​พะเยซู​อะไน​อะปัอะ​ตรายฮ ‍ ตอก​อัน​อะดอะ​นึง​ไมกางเคน ‍ ฮัก​พูซาง​บัด​ออ์น​อัน​มอ์ยฮ​แอน ‍ ปัน​ญูอน​อำนาด​คอง​พะเยซู​อะไน​ออยะ ‍ นาก็​อะจวยฮ​อะไน​แบ็น​ก็าก ‍ เจอ​อัน​ก็​ตะยึง​อัอด​ตอ​มัด​อัมไป​จะนูอ ‍ 
11"ปัน​เรือง​คอง​พะเยซู​อะไน​ออยะ​นาก็​อะไล​เคียน​อะดอะ​นึง​คูอม​เวา​คอง​พูซาง​ปาย ‍ 'โงล​ตะเมา​ตู​นาก็​อัมไป​พู​ปัน​จีาง​ตาฮ​เจอ ‍ จะนูอ​บัด​ปัน​ตะเมา​นาก็​ซำคัน​อะเลอ ‍ ปัน​ตู​นาก็​พูซาง​ซี​ต็าง​อะดอะ​ญวง​มู'#ซะดุดี 118:22 ‍ อะไล​เคียน​อะดอะ​อังกิ​แตเกา ‍ ก็​ปัน​พะเยซู​อะไน​ออยะ​นาก็​อี​กือ​ตะเมา​นาก็​ซำคัน​กูอ​มู ‍ ฮัก​อัมไป​บัด​ปัน​กือ​จีาง​นาก็​ตาฮ​จิ​ตะเมา​ตู​กี ‍  12ตัอ​เบิน​ดัก​พู​กะนอฮ​นาก็​ซี​ปัน​จูอย​กวย​ออ์น​แว็ด​คูอม​โลยฮ​คูอม​บาบ ‍ ญิ​โลก​ญิ​มะลัง​อะไน​พูซาง​ออ์น​เบิน​มะนาะ​พะเยซู​อะไน​ออยะ ‍ นาก็​ปัน​จูอย​กวย​ออ์น​แว็ด​คูอม​บาบ​คูอม​โลยฮ" ‍ อังกิ​เปโตร​เวา​นึง​จุม​กวย​อัมปูด​กวย​ปะแก​อะกี ‍ 
13บัด​จุม​กวย​ปะแก​อะกี​โฮม​ปาย​เปโตร​กับ​ยอน​เบิน​มิด​ฮาน​อะเลอ ‍ เวา​ปัน​อะเลอ ‍ ทัง ๆ ที​อะไล​ก็​ตัอ​เบิน​คูอม​รู​ตัอ​เกย​เรียน​ปัอง​ไง ‍ จุม​กวย​ปะแก​อะกี​ก็​งึด​ตัอ​มีน​พะดาม ‍ อะไล​ก็​ซีญือ​ปาย​บาล​นาะ​อะไน​แตเกา​อะไล​เกย​ปัอะ​มะนืย​กับ​พะเยซู ‍  14จุม​กวย​ปะแก​อะกี​ก็​โฮม​อะจวยฮ​นาก็​เกย​ปัน​ลอย​ฮัก​แบ็น​ก็าก ‍ ตะยึง​อัอด​ตอ​มัด​อะไล ‍ อะไล​เลิด​ตัอ​เบิน​เนว​เวา​ไง ‍ 
15อะไล​เลิด​อะตัอง​เปโตร​กับ​ยอน ‍ ทัง​อะจวยฮ​นาก็​เกย​ปัน​ลอย​อะกี ‍ ออ์น​อะไล​ลอฮ​อัอด​ปัอะ​นูอะ​วาย ‍ เจอ​ฮาไน​อะไล​ก็​ปึกซา​มะนืย​ปาย​ซี​ตาะ​วิลลาะ​กับ​บาล​นาะ​อะไน ‍ 
16บัด​อัอด​มัง​อะไล ‍ จุม​กวย​ปะแก​อะกี​ก็​เวา​ปาย ‍ "ไฮ​ซี​ตาะ​วิลลาะ​กับ​บาล​นาะ​อะไน? ‍ กวย​ตัว​กรุง​เยรูซาเล็ม​ก็​ด็าง​เจอ​ปาย​อะไล​ตาะ​เนว​ปัน​ตา​งึด​นาก็​ก็าก​ตัอ​มีน​พะดาม ‍ ค็าน​ไฮ​ซี​เวา​ปาย​ตัอ​มีน​ก็​ตัอ​ปัน​ดัก ‍  17ฮัก​ค็าน​อะไล​ปัอะ​เวา​เรือง​คอง​พะเยซู​ปัอะ​เลือย ๆ ‍ กวย​ก็​ซี​ปัอะ​ตะปูน​อะไล​ทึด ๆ ‍ เจอ​ก็​ซี​แปะ​จิ​ตะมึง​ไฮ ‍ ออ์น​ไฮ​คู​อะไล ‍ ฮาม​ตัอ​ออ์น​อะไล​อะตัอง​เรือง​คอง​พะเยซู​นัง​ทัอะ ‍ เพือ​ตัอ​ออ์น​เรือง​ไน​แพ​ปัอะ​นัง" ‍ 
18อะไล​เลิด​อะโร​เปโตร​กับ​ยอน​อะมูด​แอน ‍ เจอ​ก็​ฮาม​ตัอ​ออ์น​อะไล​เวา​ตัอ​ออ์น​อะไล​อะตัอง​กวย​พาตี​นาะ​นัง ‍ เรือง​คอง​พะเยซู​อะไน ‍ 
19-20ฮัก​เปโตร​กับ​ยอน​ก็​ตอบ​อะไล​ปาย ‍ "พูซาง​อะตัอง​ออ์น​มะเฮะ​เวา​ออ์น​กวย​ด็าง​เรือง​นาก็​มะเฮะ​โฮม​กับ​มัด​เบิม ‍ ซัง​กับ​กะโตล​เบิม​อะไน ‍ ฮัก​อัมไป​บัด​อะตัอง​ตัอ​ออ์น​มะเฮะ​เวา ‍ ละวาง​อัมไป​กับ​พูซาง ‍ อัมไป​กึด​ปาย​มะเฮะ​ควน​ซี​ตะมึง​นีาว? ‍ มะเฮะ​ซี​ตัอ​แปะ​ดัก​เวา​เรือง​ไน​ออ์น​กวย​ด็าง" ‍ 
21-22เจอ​ฮาไน​จุม​กวย​อัมปูด​กวย​ปะแก​นาก็​อัอด​นึง​ซะพา​อะกี​ก็​เวา​คู​เปโตร​กับ​ยอน​แอน ‍ ฮัก​กวย​นาก็​โฮม​เนว​นาก็​อะไล​ตาะ​อะกี ‍ มัง​ก็​ซันเซิน​พูซาง​ญิ​กู​นาะ ‍ ปาย​ก็าก​อะเลอ​นาก็​อะจวยฮ​อะกี​แบ็น ‍ อะไล​ด็าง​ก็าก​ปาย​มะนาะ​พูซาง​ซี​ปัน​จูอย​เปโตร​กับ​ยอน​ปัว​อะจวยฮ​อะกี​ออ์น​แบ็น ‍ พอะ​ปาย​อัน​ก็​เทา​เจอ ‍ อาญุ​อัน​ก็​ตัง 40 กูอ​ปี​เจอ ‍ เจอ​นาก็​อัน​ปัน​ลอย​อะกี​ก็​ปัน​กดตี​กัอด ‍ จุม​ซะพา​อะกี​ก็​ด็าง​ปาย​อะไล​ซี​ตัอ​ปัน​เอด​โตด​กวย​บาล​นาะ​อะกี ‍ ค็าน​เอด​โตด​อะไล ‍ กวย​นาก็​โฮม​ก็​ซี​รีาย​อะเลอ ‍ อะไล​เลิด​ปะตาฮ​บาล​นาะ​อะกี​ออ์น​ปัน​อิดซะลาะ​จิ ‍ 
กวย​นาก็​เจือ​นึง​พะเยซู ‍ แซก​ออ์น​เบิน​มิด​ฮาน​ตอ​ปัอะ
23บัด​อะไล​ปะตาฮ​เปโตร​กับ​ยอน​เจอ ‍ อะไล​ก็​ลับ​ปัอะ​จอ์ะ​มู​คอง​อะไล ‍ เจอ​ก็​อะตัอง​ออ์น​มู​อะไล​ด็าง​ญิ​กู​คูอม ‍ นาก็​จุม​ฮัวนา​ตากูอนจำ​จุม​กวย​อัมปูด​กวย​ปะแก​เวา​นึง​อะไล​อะกี ‍ 
24ซัง​อังกิ​เจอ ‍ กวย​อับ​นาก็​อะรอ์ม​อัอด​มะนืย​อะกี ‍ อะไล​ก็​อัมปรูอม​อะทิดทาน​เวา​ปาย ‍ "พูซาง​พู​ยิงไย​พู​นาก็​เบิน​อำนาด​อะเฮะ​กรัว​ญิ​กู​อัน​กู​เนว​เอย ‍ ไม​ปัน​พู​นาก็​ซาง​โลก​ซาง​มะลัง​ซาง​ดัอะ​ทะเล​กับ​ญิ​กู​อัน​กู​เนว​นาก็​อัอด​ตัว​ญิ​กู​บอน ‍  25ไม​เกย​ออ์น​กะซัด​ดาวิด​นาก็​ปัน​อะจวยฮ​คอง​มะเฮะ​แตเกา ‍ เคียน​อะดอะ​คูอม​เวา​นาก็​วินญาน​บอ์ริซุด​คอง​ไม​อะตัอง​ออ์น​อัน​เวา ‍ กะซัด​ดาวิด​นาก็​ปัน​กวยไซ​คอง​ไม​อัน​เคียน​อะดอะ​อังกิ ‍ 'ตะนาะ​กวย​นาก็​ปัน​กวย​ซนซาด​กะนอฮ​จัง​อี​รีาย​ตัอ​มีน​พะดาม ‍ ตะนาะ​อะไล​จัง​อันจูอยะ​มัง​โอกาด​นาก็​ซี​ซู​กับ​พูซาง? ‍ อะไล​ซี​ตัอ​เป​พูซาง​ดัก ‍  26จุม​กะซัด​คอง​โลก​ไฮ​อะไน​อะไล​เตรียม​อี​ซู​กับ​พูซาง ‍ จุม​พูนำ​อะไล​ปะซุม​มะนืย​เพือ​ซี​อัมปรูอม​นังนึ​ละซู​กับ​พูซาง ‍ ละซู​กับ​พู​นาก็​พูซาง​เรือฮ​อะดอะ​อะกี ‍ อะไล​ตาะ​ซำ​ปาย​อะไล​เก็ง​อะเลอ ‍ ฮัก​ตัอ​เบิน​มะเลอ​นาก็​ซี​เป​พูซาง'#ซะดุดี 2:1,2 ‍ อังกิ​นาก็​ไม​ออ์น​กะซัด​ดาวิด​เคียน​อะดอะ​แตเกา ‍ 
27"เจอ​ฮาไน​กวย​ก็​เพะ​อี​ซู​กับ​ไม​กือ​นาก็​กะซัด​ดาวิด​เวา​อะดอะ​อะกี​ลึ​อะเลอ ‍ ซู​กับ​ไม​อัอด​กะตอ์​นึง​กรุง​เยรูซาเล็ม​อะไน​ออยะ ‍ พะเยซู​ปัน​พู​นาก็​ไม​เรือฮ​อะดอะ​ออ์น​ปัน​กวยไซ​บอ์ริซุด​คอง​ไม ‍ ฮัก​เฮโรด​นาก็​ปัน​กะซัด ‍ กับ​ปอนทิอัด​ปีลาด ‍ ทัง​กวย​อิซราเอล ‍ กับ​กวย​นาก็​ตัอ​มีน​กวย​อิซราเอล​อะกี ‍ อะไล​อัมปรูอม​นังนึ​อี​ตรายฮ​พะเยซู ‍  28ไม​บัด​ปัน​พู​นาก็​เบิน​อำนาด​อับ​กูอ​ญิ​กู​นาะ​กู​เนว ‍ เนว​นาก็​อะไล​ตาะ​อะไน​เลิด​ปัน​ปัอะ​ตาม​แพนกาน​นาก็​ไม​กึด​อะดอะ​ญวง​เจอ ‍ กู​อัน​กู​เนว​นาก็​กัอด​อะซอฮ​อะกี ‍ ก็​ปัน​กือ​นาก็​ไม​เวา​อะดอะ​กดตี​ตีแม็ด​อะกี​ออยะ ‍ 
29"กวย​นาก็​อี​ซู​กับ​ไม ‍ อะไล​ซี​ตาะ​ปัน​ซำ​นาก็​ไม​อะนุญาด​ออ์น​อะไล​ตาะ​ซัง ‍ จะนูอ​ก็​คือ​กัน ‍ อะไล​ตาะ​กับ​มะเฮะ ‍ ฮัก​อะไล​ตาะ​ปัน​ซำ​นาก็​ไม​อะนุญาด​ออ์น​อะไล​ตาะ​ซัง ‍ พูซาง​พู​ปัน​นีาย​เอย ‍ ไม​ปัน​พู​นาก็​อะเฮะ​กรัว​มะเฮะ ‍ มะเฮะ​แซก​ออ์น​ไม​ตะมึง​นำ​นึง ‍ นาก็​อะไล​เวา​คู​มะเฮะ​จะนูอ ‍ แซก​ออ์น​ไม​จูอย​มะเฮะ​นาก็​ปัน​กวยไซ​คอง​ไม ‍ ออ์น​เบิน​มิด​ฮาน​นาก็​ซี​เวา​คูอม​เวา​คอง​ไม ‍  30แซก​ออ์น​ไม​ซะแดง​อำนาด​คอง​ไม​ออ์น​กวย​โฮม​นึง ‍ เพือ​ออ์น​กวย​เจือ​นึง​ไม ‍ ออ์น​กวย​นาก็​ติ​นาก็​อะเอ​อะกี​วีาย ‍ ออ์น​อะไล​แบ็น ‍ แซก​ออ์น​ไม​ตาะ​เนว​ซำคัน​เนว​ปัน​ตา​งึด​นึง​อำนาด​คอง​พะเยซู​พู​นาก็​ปัน​กวยไซ​บอ์ริซุด​คอง​ไม​นึง" ‍ อะไล​แซก​อังกิ​นึง​พูซาง ‍ 
31บัด​อะไล​อะทิดทาน​อังกิ​เจอ ‍ บอน​นาก็​อะไล​ปะซุม​อัอด​มะนืย​อะกี​ก็​ละยิล ‍ เจอ​วินญาน​บอ์ริซุด​ก็​คอบครอง​มิด​คอง​กวย​กู​นาะ​นาก็​อัอด​ตี​กี ‍ ตาะ​ออ์น​อะไล​เบิน​มิด​ฮาน​นาก็​ซี​เวา​คูอม​เวา​คอง​พูซาง ‍ 
อะไล​เอด​โกรกรูอะ​ปราะแยง​คอง​อะไล​อะตัอะ​อะรอ์ม​อะดอะ​มะนืย
32-33เจอ​จุม​นาก็​ปัน​ตัวแทน​คอง​พะเยซู​อะกี ‍ อะไล​ก็​เบิน​มิด​ฮาน ‍ เวา​แบบ​เบิน​อำนาด​อะเลอ ‍ ออ์น​กวย​ด็าง​เรือง​นาก็​พะเยซู​คริด​มอ์ยฮ​ตาฮ​กะเจด​อะกี ‍ 
เจอ​กวย​นาก็​เจือ​นึง​พะเยซู​อะกี ‍ อะไล​ก็​ปัน​มู​มิด​ญิ​กู​นาะ ‍ โกรกรูอะ​ปราะแยง​คอง​อะไล ‍ อะไล​ตุน​ทือ​ปาย​ปัน​คอง​อะลาะ​คอง​อะกี​นัง ‍ มะเลอ​เบิน​อันเตริว​อะไล​ก็​อัมปรูอม​ตัก​อัมปรูอม​จีา​ญิ ‍ เจอ​พูซาง​ก็​จูอย​อะไล ‍ อวยพอน​ออ์น​อะไล ‍ อะไล​เลิด​เบิน​รับ​บุนคุน​ตัอะ​ตี​พูซาง​อับ​อะเลอ ‍ 
34-35เจอ​กวย​นาก็​เบิน​ดง​เบิน​กะแตะ​ก็​ซี​ตายะ​จิ ‍ ปราะ​นาก็​อะไล​ตายะ​อะกี ‍ อะไล​ก็​ซี​อะเดิง​อะปัอะ​ออ์น​จุม​นาก็​ปัน​ตัวแทน​คอง​พะเยซู​อะกี ‍ ออ์น​จุม​ตัวแทน​อะไน​ปัน​พู​อัมแปะ​ออ์น​กวย​นาก็​ตัอ​เบิน ‍ เจอ​กวย​นึง​จุม​คอง​อะไล​นาก็​ตุฮ​นะนุฮ​เลิด​ตัอ​เบิน​นัง ‍ 
36-37เจอ​เบิน​กวย​มะนาะ​นาก็​ตายะ​กะแตะ​คอง​อัน ‍ ละมึฮ​อัน​โยเซบ ‍ อัน​ตัอะ​ตี​กอะ​ไซปรัด ‍ ปัน​กวย​เพา​เลวี ‍ จุม​นาก็​ปัน​ตัวแทน​คอง​พะเยซู​อะกี ‍ อะไล​อะโร​ละมึฮ​อะจวยฮ​อะไน​ปาย ‍ บารนาบัด ‍ บารนาบัด​เบิน​คูอม​มาย​ปาย ‍ กวย​นาก็​ออ์น​กำลังไจ​มู ‍ บารนาบัด​อะไน​อัน​ก็​ตายะ​กะแตะ​ซวน​นาก็​ปัน​ซิด​คอง​อัน ‍ เจอ​เอด​ปราะ​อะกี​อะตัอะ​ออ์น​จุม​นาก็​ปัน​ตัวแทน​คอง​พะเยซู​จน​ญิ ‍ 

Voafantina amin'izao fotoana izao:

กิดจะกาน 4: Bru Bible

Asongadina

Hizara

Dika mitovy

None

Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra