Mateus 4
4
Satan i seslaini Jesu.
1Boen Meluan ad Jehova i dulieni Jesu le marboga. Satan i me beg seslaini i. 2Gan ad Jesu bui, i gin bandri mahangul, malabo i mundrul. 3Satan i la born ndro Jesu, i vong, i boi: Be uo ndur Jehova, hian uo vong gle bad ogo, i gbelueni gle suslong adem. 4Jesu i bode: I da le Buk Helian nongen ogoro: Hom ndramed i de horuan ge gle gan bui, gle nongen ad Jehova hendre e hendre bohon ad Jehova gin bai: 5Boen Satan i dulieni Jesu le gor Jerusalem, sor gina le balndo um ad Jehova. 6I vong le ndro Jesu, i boi: Be uo Ndur Jehova, gohis gle boan, nongen i da Buk Helian ogoro: I beg rendegien su Angelo aden, su ha huri uo le nemesu, su gobgulue uo, degem i de bud de la bad bui. 7Jesu i bode: Nongen i da Buk Helian lie, i vong, a bai: Mbue seslaini Jehova, i Ndorlaben adem. 8Malabo Satan i dulieni Jesu, sor gobad ndre bahali manden. I bosilieni gor masi e memrad masi ber boan. 9I vong le ndro i, i boi Longu ogo masigane gle ndro uo, be uo godurhu ngondernegem, be uo lodu me ndro io. 10Jesu i bode: Alndi Satan, nongen helian i da le Buk ogoro: Gob lodu le ndro Jehova ge, i Ndorlaben adem, gob mburer aden ge. 11Malabo Satan i bieni Jesu i gineao. Su Angelo ber lang su meher, su sobani Jesu.
Jesu i da le gor Kapernaum.
12Be Jesu gin hirong, su gin daui Johanes le kalabus, i bieni gor asu Judea, i irgai le gor Galilea. 13I gina le gor Nasaret hanu, boen i dogi le gor Kapernaum. Aga gor aden, Kapernaum i da baghege le leng, le gor asu Navtali e Sebulon, 14dege nongen ad Proved Jesaia i boi: 15Gor Sebulon ma gor Navtali i da baghege le leng, i da le horo le ndran Jordan, aga Galilea asu Haiden. 16Su masi su da lug im ndrogum, su gin ilndri sul manden, su da lug im gor asu, su da gin mad, mandri ad Jehova i gobad le ndro su. 17Jesu i boharni nongen ber lang le ndro su, i vong i boi: Garbelueni bern ademu, gor lundielang i mehere, i da baghege malabo.
Jesu i Ioh su lao aden.
18Bersi Jesu irgai le leng ber ndran Galilea. I ilndri sor marmou, Simon, ngarn Petrus lie, ma bison Andreas. Sor gin bieni gahu le ndran, beg hur ni. Sor marmou, sor ndremda ni. 19Jesu i boi le ndro sor: Mor gam ndro io, mo dondrbo. Io lengi, mor hur ndramed le gor lundielang. 20Sor bienii gahu asor, sor la ndro Jesu, sor dondrbon. 21Heb eluen bui muren, i ilndri sor marmou lie, Jakobus, ndur Sebedeus, ma bison Johanes sor do da sasngeni gahu le lundienlol, ma damsor lie. Jesu i loh sor. 22Sor bieni gahu, ma ndol, e damsor, sor dondrbon Jesu.
Jesu i sobani su ndramed.
23Jesu irgai le gor masi ber Galilea. I la numohernou asu, i henunuen su le nongen hian ber lang, i regurdueni su masi, su da med, mandrsu momen, su horuan lie. 24Ngarnongen ogo i hilou le gor masi ber Sirien, su hur su ndramed, su sik, su ndramed masi, ngongong i da ndrnesu, su ndramed degesu bui, i regurdueni su masigane. 25Su ndramed mabosanged su dondrbon Jesu, su ber Galilea, su ber gor masongul, su ber Jerusalem, su ber Judea su ber gor i da le horo le ndran Jordan.
Voafantina amin'izao fotoana izao:
Mateus 4: LLENT
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Published by the British and Foreign Bible Society 1956
