Genesis 1
1
Sirjạukʼ reakʼ katha
1Etohopʼre Isor do ot ar sermae#1.1:Etohopʼre ot ar serma; se Etohopʼre Isor do ot ar maraṅ sermae sirjạukeda sirjạukeda. 2Unre dhạrti do nonkan muṭhạn bae ńamakatʼ tahẽkana, onare jiwiyanakʼ #1.2: Isorren Jiu; se Isorakʼ daṛe; se Isor khon mitʼṭen hoe. mente jãhãnakʼ cetʼge baṅ tahẽkana; ar ńut do athantar dakʼ cetanre tahẽkana. Ar Isorren Jiu do ona dakʼ cetanreye manḍrao baṛaekan tahẽkana.
3-5 #
2 Kor 4.6
Isore menkeda, “Marsal hoyokʼma.” Ado marsal hoyena. Uni do onae ńelkeda ar ạḍi mońjge hoyakana. Uni do ńut khon marsale begarketʼte ona reakʼ ńutum do siń ar ńut reakʼ ńutum do ńindại dohokeda.
Nonkate setakʼena ar ạyupʼena ar ona do pạhil din hoyena.
6Ona tayom Isore menkeda, “Dakʼ talare mitʼṭecʼ phaelao jaega sirjạukʼma, ar dakʼ do bar hạṭińokʼma.” 7#2 Pat 3.5Nonkate Isor do dakʼ talare mitʼṭecʼ phaelao jaegae sirjạukeda ar cetan ar latar reakʼ dakʼe begarkeda. Onate cetan ar latar reakʼ dakʼ do begarena. 8Isor okaṭakʼ phaelao jaegae sirjạuketʼ ona reakʼ ńutum do sermae dohokeda. Nonkate ạyupʼena ar setakʼena ar ona do dosar din hoyena.
9Noa tayom Isore menkeda, “Serma latar reakʼ sanam dakʼko mitʼ jaegare jarwakʼma ar rohoṛ jaega ńelokʼma.” Ar onkage hoyena. 10Isor do ona rohoṛ jaega reakʼ ńutum do ote dohokeda, ar jarwa akan dakʼ do jalapuriye metatʼa. Isore ńelkeda ona do ạḍi mońjge hoyakana.
11Ona tayom Isore menkeda, “Ot cetanre ghãsko janamokʼma; ar nonkan aṛakʼ sakam ar dareko hoyokʼma ar onako reakʼ itạko tahenma. Ot cetanre eṭakʼ eṭakʼ jo dareko janamokʼma ar onako hõ jo bahakʼma; ar onako reakʼ itạko tahenma.” Ar onkage hoyena. 12Ot reakʼ ghãsko, ar itạ menakʼ nonkan sanam lekan anaj ar aṛakʼ sakamko, baha dareko ar sanam lekan jo dareko janamokʼma; ar onako reakʼ itạko hõ tahenma. Isore ńelkeda ona do ạḍi mońjge hoyakana. 13Nonkage ạyupʼena ar setakʼena, ar ona do tesarakʼ din hoyena.
14Ona tayom Isore menkeda, “Sermare marsalakʼko hoyokʼma, ar onako do ńindạ khon sińe begarma. Onako do eṭakʼ eṭakʼ dinko, candoko ar bochorko reakʼ cinhạko#1.14:dhorom porobko; se okteko reakʼ cinhạko. tahenma. 15Ar onako do serma khon dhạrtite marsalokʼma.” Ar onkage hoyena. 16Isor do barea maraṅ marsale benaokeda. Onakin modre maraṅakʼ do siń cetanre ar huḍińakʼ do ńindạ cetanre rajokʼ lạgitʼe benaokeda. Ona chaḍa uni do ipilko hõe benaoketʼkoa. 17Uni do sermare onkoe dohoketʼkoa jemon dhạrti cetanre marsalko emokʼte, 18siń ar ńindạ cetanreko rajokʼ ar ńut khon marsalko begar. Isore ńelkeda ona hõ ạḍi mońjge hoyakana. 19Ado ạyupʼena ar setakʼena, ar ona do ponakʼ din hoyena.
20Ona tayom Isore menkeda, “Dakʼko do sanam lekan jiwiyankote perejokʼma, ar ot cetanre ar serma latarre cẽṛẽkoko uḍạu baṛaema.” 21Nonkate Isor do jalapuriren maraṅ maraṅ jiwiyanko ar dakʼre jhake jhak aema lekan jiwiyankoe sirjạuketʼkoa. Ona chaḍa aema lekan cẽṛẽko hõe sirjạuketʼkoa. Ar apan ạpin jạtrenko lekate bạḍokʼ reakʼ daṛe hõe danatʼkoa. Isore ńelkeda ona do ạḍi mońjge hoyakana. 22Isor do onko sanamko bhoratʼkoteye menkeda, “Saṅgekʼ reakʼ daṛete perejokʼpe ar apeakʼ lekhako ḍhertape, ar jalapuri reakʼ dakʼko perejpe. Ar coṭren cẽṛẽko hõ apan ạpin jạtrenko leka lekha ḍherokʼ takoma” 23Ado ạyupʼena ar setakʼena, ar ona do mõṛẽakʼ din hoyena.
24Ona tayom Isore menkeda, “Ot khon nonkan jiwiyankoko janamokʼma ar jemon onko do apan ạpin jạtrenko leka saṅgekʼ reakʼ daṛe tahentakoma. Onko modre ạsul janwarko, bir janwarko ar sanam lekan leńokʼ ṭundạṅkan jiwiyanko hõko tahenma.” Ar onkage hoyena. 25Isor do dhạrtiren sanam lekan bir janwarko, ạsul janwarko ar sanam lekan leńokʼ ṭunḍạṅkan jiwiyankoe benaoketʼkoa. Noko sanamkoge apan ạpin jạtrenko lekate saṅgekʼ reakʼ daṛeye ematʼkoa. Isore ńelkeda ona do ạḍi mońjge hoyakana.
Sirjạuren pạhil manwa
26 #
1 Kor 11.7
Ona tayom Isore menkeda, “Ńitokʼ do abo leka ar abo sãote jurikʼ leka manwa bon benaokoma. Onko do jalapuriren hakoko, coṭren cẽṛẽko, otren janwarko,#1.26: Mare torjomare do jiwiyanko, ạsul janwarko ar bir janwarko menakʼa; Hebrewte do goṭa dhạrti ar ạsul janwarko. leńokʼ ṭunḍạṅkan sanam lekan lạṭu ar kạṭicʼ ạsul ar bir janwarko ar dhạrti reakʼ sanamakʼko cetanre mạlik lekate ektiạriko calaoma.” 27#Gen 5.1,2 #Mat 19.4; Mrk 10.6 Tayomte Isor do acʼleka mitʼṭen manwae benaokedea. Hẽ acʼakʼ muṭhạn lekageye benaokedea, uni do herel ar maejiukategeye sirjạuketʼkinạ. 28Isor do unkin bhoratʼkinteye metatʼkinạ, “Saṅgekʼ reakʼ daṛete perejokʼpe, ar apnarakʼ lekha ḍhertape ar dhạrti perejpe ar dhạrti do apeakʼ ḍanṭaore dohoype. Ona chaḍa ape do jalapuriren hakoko, coṭren cẽṛẽko ar otren sanam lekan jiwiyanko cetanre mạlik lekate ektiạripe calaoa.”
29Ona tayom Isore menkeda, “Ńelben, Ot cetan reakʼ sanam aṛakʼ sakamko ar sanam lekan dareko ar jo bahako reakʼ itạko hõń emena. Noakoge abenakʼ jomakʼ do hoyokʼa. 30Ot cetanren sanam janwarko, coṭren cẽṛẽko ar sanam lekan leńokʼ ṭunḍạṅokʼ jiwiyanko, metakʼme sanam lekan jiwiyankoakʼ jomakʼ lạgitʼ aṛakʼ sakamko hõń emena.” Ar onkage hoyena.
31Isor do acʼakʼ sirjạuakʼ reakʼ sanamakʼe ńelkeda. Ar sạrige onako do ạḍi mońjge hoyakana. Ado ạyupʼena ar setakʼena, ar ona do turuiyakʼ din hoyena.
Voafantina amin'izao fotoana izao:
Genesis 1: SBT
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Santali Bible © Bangladesh Bible Society, 2021.