Mi cilima 9
9
U Tienu ñoanianu Nowe po
1U Tienu den seligi Nowe leni o bijaba ki yedi ba: «Yin yaa maa ki pugidi, ki go gbieni ki tinga.#Cil 1.28. 2Ki tinga yandi, tanpoli bonyugiditi, yaala n fo ki balini ki tinga nni leni mi ñincianma nni jami kuli, baa yaa pia yi po li fangili leni i jeje. N taa bikuli ki tieni yi nuu nni. 3Yaala n fo ki pia miali kuli, n puni la lan tua yi po jiema, nani min puni yi yaala n pudi ki tinga nni kuli maama yeni. 4Ama yin da ŋmani yanga leni ki miali, lani n tie ki soama.#Lev 19.26; Tia 12.16,23; 15.23. 5Yi soama n tie yi miana. Lanwani, yaa nilo bi yaa yanga n bolini laa miali, U Tienu baa faa ki buali o li. 6Yua n wuli o lielo soama, o nisaalilielo n baa wuli omoko yaa soama,#Cil 1.26; Ñam 20.13. 7kelima U Tienu den tagi o nisaalo o yaa nannanli nne. Yinba, yin yaa maa a bila ki pugidi, yin go yadi mani ki tinga nni, ki yaa pili.»#Cil 1.28.
8U Tienu go den maadi leni Nowe leni o bijaba ki yedi ba: 9«Diidi, n kuani o ŋantaado leni yinba leni yi bila yaaba n ŋua yi puoli. 10N go kuani o ŋantaado leni yaa bonla n fo ki ye leni yikuli, lani n tie i nuani, ti denyandi, yaala n ñani ku ñinbiagu nni leni ki tinga nni yandi kuli. 11N niani yi ke tabolinkaaga ñincianma kan go cua ki bolini ki tinga. 12U Tienu den yedi, line n tie yaa maalima n doagidi ke n kuani o ŋantaado mini leni yinba. N go kuani o ŋantaado leni yaa bonfuoda n ye leni a kuli nifiima n tuu nifiima. 13N bili n taniano ku tawaligu nni. O baa yaa tie o ŋantaado maalima mini leni ki tinga siiga. 14N yaa taani ti tawadi ki tinga tanpoli, o taniano baa doagidi ku tawaligu nni, 15ki tiadi n nianli mini leni yinba, a bonfuoda leni mialifo kuli siiga. Mi ñima kan go tua yaa ñincianma n baa bolini mialifo kuli. 16O taniano baa yaa ye ti tawadi nni. N baa yaa diidi o, ki tiadi min bili yaa ñoanianu leni ki tinga bonfuoda kuli. 17Lani n tie min bili yaa ñoanianu maalima mini leni ki tinga bonfuoda kuli siiga.»
Nowe bijataadiba
18Nowe bijaba yaaba n den ñani ku ñinbiagu nni den tie Sem, Kam leni Jafeti. Kam den tie Kanana yaa baa. 19Nowe bijataadiba yeni n den mali ki gbieni ki tinga kuli.
20Nowe den cili ki ko ki tinga ki ŋuu i duventiidi. 21Dayenli o den ñuni duven ki gaadi ki landi o tiadi kuli o gbandieli nni. 22Kanana baa Kam, den laa o baa mubima, ki waani o naataani ke bi ye niinpo. 23Lanwani, Sem leni Jafeti den taa bu kpalibu ki bugi bu bi boacaba po, ki cuoni sinsinpoli ki cua ki pini bi baa mubima. Baa den laa bi baa mubima, kelima bi den buli bi nunmu. 24Nowe n den fundi ke mi daama kagidi o po, o den gbadi ku waajuogu n tieni o yaala. 25O den yedi:
«Kanana n tua ti solindi yua,
Wan tua o kpeliba yonbi kuli yaa yonbo.»
26O go den yedi:
«Li Miali Diedo, Sem n ŋua yaa Tienu n baa ti pagidi,
Kanana n tua o yonbo.
27U Tienu n tandi ki pugini Jafeti piama,
Wan yaa ye Sem yaa gbandiena nni,
Kanana n tua bi yonbo.»
28Ki tabolinkaaga n den pendi, Nowe go den tieni bina kobitaa n piimuu. 29Nowe miali bina kuli den tie bina kobiyia n piimuu, li yaa puoli, o den kpe.
Voafantina amin'izao fotoana izao:
Mi cilima 9: BGP
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Gulmancema Protestant Bible © Bible Society of Burkina Faso, 2013.