Matiu 3
3
Iohane Toperiu mopahaweꞌ Ngkóráꞌna Pueꞌ
(Mrk. 1:1-8; Luk. 3:3-9,15-17; Ioh. 1:19-28)
1Bahanoumbái parena hangko i karapoánákana Iesu, hadua tauna to rahangaꞌ Iohane Toperiu lao i pádá loriꞌ i tampoꞌ Iudá, hai mantepuꞌu mopahaweꞌ ngkóráꞌna Pueꞌ i tauna to handaꞌ. 2Nahángáꞌáꞌáheꞌ, “Menosoꞌmokou#3:2 Menosoꞌmokou: Ntóáꞌna Ngkóráꞌ Marasa ia miꞌi penosoꞌ. Básá woꞌo Matiu 4:17. hangko i dósámi, láwiꞌ tiꞌara piꞌi marue, ina haweꞌ miꞌi popárentána Pueꞌ Ala i duniáꞌ.”#3:2 ina haweꞌ miꞌi popárentána Pueꞌ Ala i duniáꞌ - I lalu básá Iunani: ina haweꞌ miꞌi Kadatuá Surugáꞌ. ToIahudiꞌ paka mopakeꞌ laluita “surugáꞌ” molelingi laluita “Pueꞌ Ala”. Lempóna Kadatuá Surugáꞌ: Pueꞌ Ala mepárentá i duniáꞌ ba i lalu katueꞌraꞌ tauna, tiꞌara peá mokana katoroꞌá. 3Hangkoia, nabiꞌ Iesaia#3:3 Nabiꞌ Iesaia tueꞌ rekeꞌ-rekeꞌna pitu átuna iba puloꞌna parena hangko tiꞌara mani Iohane Toperiu rapoánáka. manguliꞌ node:
“Ara hadua tauna to molaluita napasimbuku i pádá loriꞌ, nauliꞌ:
‘Ina haweꞌ miꞌi Pueꞌ!
Nipatimama lalumi,
nodo tauna to mopakanoroꞌ rárá
to ina napoliui datu.’ ” (Iesaia 40:3)
Iohane iti miꞌi to natunggái nabiꞌ Iesaia.
4Waruꞌna Iohane rabábehi hangko i wulu untá. Pámpouna hangko i koliꞌ binataꞌ.#3:4 Waruꞌna Iohane iti nodo waruꞌna nabiꞌ Eliá hangkoia. (Básá 2 Datu-datu 1:8.) ToIahudiꞌ mampegiá Eliá mesuleꞌ mai i duniáꞌ bona mopatimamaheꞌ kaꞌina haweꞌna Datu Topehómpóꞌ (toMásehi). (Básá Maleaki 4:5-6; Matiu 11:14; 17:10-13.) Pandeꞌna katupeeꞌ hai tináháꞌ. 5Handaꞌ tauna to haweꞌ láwiꞌ mampoinaoheꞌ mampehádingi laluitana. Araheꞌ to hangko i humalele tampoꞌ Iudá, tepasuaꞌ kótá Ierusale. Araheꞌ woꞌo to hangko i wánuá-wánuá to i wiwi uwai Iarade. 6Laoheꞌ monóáká dósáraꞌ, haneꞌi nariuheꞌ Iohane i uwai Iarade.
7Handaꞌ woꞌo tadulako agama Iahudiꞌ to rauliꞌ toParisi#3:7 toParisi: Hira iti hangkolompoꞌ agama. Básá to teukiꞌ i Kahirámpuá Laluita. hai toSaduki#3:7 toSaduki: Hira iti hangkolompoꞌ agama. Básá to teukiꞌ i Kahirámpuá Laluita. laoheꞌ mampoperiu i Iohane. Kanaitáraꞌ haweꞌ, nahángáꞌáheꞌ, “Moapa riꞌi haneꞌi maikou i kódóꞌ membiáꞌkou rariu? Mampe to maroꞌa pekou! Bábehiámi kadake ntepuꞌu nodo lelótó to mobisa. Ba nipekiri peisákou tekábáhá hangko i pehukuna Pueꞌ Ala to ina morampekou i alo to ina haweꞌ? 8Ane toꞌu-toꞌu mpuꞌu menosoꞌmokou hangko i dósámi, hangaa-ngaa nibábehi bábehiá to maroꞌa. 9Ineeꞌ ripaꞌi nipekiri, ‘Kaiꞌ deꞌe, tauna to manótóangkaiꞌ láwiꞌ pemuleꞌánaꞌangkaiꞌ Burahima. {Tiꞌaraꞌangkaiꞌ ina nahuku Pueꞌ Ala.}’ Iti tiꞌara toꞌu! Bona niꞌisá: ane naundeꞌ Pueꞌ Ala, peisá Napopewaliꞌ watu deꞌe mewaliꞌ pemuleꞌána Burahima. 10Pehukuna Pueꞌ Ala bateꞌna ina mewaliꞌ! Hai pehuku iti nodo uwahe to timama miꞌi i tóáꞌ kau. Upu-upu kau to tiꞌara maroꞌa wuaꞌna#3:10 kau to tiꞌara maroꞌa wuaꞌna: I lalu Pototowiá to Sae, laluita iti mampopándiriꞌ tauna to kadake. Básá Iesaia 10:33-34; Danieli 4:23-27. ina ratiwi, duuꞌna haweꞌ i kálándána rawehángi hai ratibe i lalu api.”
11Nauliꞌ wopiꞌi Iohane, “Kódóꞌ deꞌe moriukou hai uwai, tandaꞌ kamampenosoꞌimi miꞌi dósámi. Agáiáná ina haweꞌ Hadua tauna#3:11 ina haweꞌ Hadua tauna: Ina raisá tauna to mohádi laluitana Iohane iti, to natunggái ia miꞌi Datu Topehómpóꞌ. to melumbuꞌ kuasaꞌNa hangko i kódóꞌ. Mogalo riꞌi mokekehi petakaꞌ sandaleNa, tiꞌaraꞌaꞌ hintotoꞌ. Ia to ina moriukou hai Inao to Magasaꞌ#3:11 Ia to ina moriukou hai Inao to Magasaꞌ: Iti miꞌi ngkóráꞌ pándiriꞌ to molempónga Pueꞌ Ala ina mowátiꞌheꞌ tauna to menosoꞌ hangko i dósáraꞌ. Básá to teukiꞌ i Kahirámpuá Laluita. hai api.#3:11 Ia to ina moriukou hai… api: Deꞌe rompákáꞌ lempóna. 1) Pueꞌ Ala ina mohuku tauna to tiꞌaraheꞌ menosoꞌ hangko i dósáraꞌ. (Básá Iesaia 26:11; 66:15-16.) 2) Pueꞌ Ala ina mopamagasaꞌheꞌ taunáNa moliu kapári. (Básá Iesaia 1:25; 4:4; Sakaria 13:9; Maleaki 3:2-5.) 12Ia peisá rapándiriꞌ nodo hadua tauna to mantápiꞌi bailoꞌ bona ina tepataniꞌ bailoꞌ to moꞌóntóꞌ hangko i bailoꞌ to langkoꞌ. Bailoꞌ to moꞌóntóꞌ ina Napusaꞌ i lalu buhoꞌ, hai bailoꞌ to langkoꞌ ina Natibe i lalu api to tiꞌara ina mate.” {Noꞌonoꞌ woꞌo Ia ina mopataniꞌ tauna to manótó hai tauna to kadake.}
Iesu nariu Iohane
(Mrk. 1:9-11; Luk. 3:21-22; Ioh. 1:32-34)
13I tempó iti, Iesu haweꞌ hangko i tampoꞌ Galilea lao i uwai Iarade mampoperiu i Iohane. 14Agáiáná Iohane tiꞌara pebáiꞌ moriu, mewaliꞌ nahángáꞌá, “Katoꞌuána, kódóꞌ riꞌi to hintotoꞌ Nuriu. Moapa riꞌi haneꞌi Nupembiáꞌ bona kuriuKoꞌ?”
15Agáiáná nahániki Iesu, “Hintotoꞌ miꞌi nubábehi deꞌe, bona tabukeki upu-upu peundeꞌána Pueꞌ Ala.” Napokana mpuꞌu miꞌi Iohane apa to napembiáꞌ Iesu, haneꞌi nariu.
16Karoona Iesu rariu, mesore miꞌi hangko i lalu uwai. Hangkaꞌ-hangkaꞌ peá langiꞌ tebungkáhi, hai Naita Inaona Pueꞌ Ala mendáulu i Hia nodo tádáhi manggebodoꞌ. 17Roo onoꞌ, rahádi miꞌi wambaꞌna Pueꞌ Ala hangko i langiꞌ to manguliꞌ, “Ia miꞌi deꞌe ÁnáꞌKuꞌ to Kupokaꞌahiꞌ hai Kupokagóeꞌ.”#3:17 Ia miꞌi deꞌe ÁnáꞌKuꞌ to Kupokaꞌahiꞌ hai Kupokagóeꞌ: Moliu laluita iti, Pueꞌ Ala mopakanótó kaꞌIesuna miꞌi Datu Topehómpóꞌ (toMásehi). Básá Pewaliꞌána 22:2; Sura Petóiá 2:7; Iesaia 42:1.
Voafantina amin'izao fotoana izao:
Matiu 3: NTBEP
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Bahasa Behoa Shorter Bible © Indonesian Bible Society, 2015.
