Саалтыр 20
20
1Хуор салайааччытыгар. Давид псалома.
2 Айыы Тойон, Эйигиттэн күүс ылан, ыраахтааҕы үөрэр,
Эн көмөлөһөҥҥүн, кини үөрүүтэ муҥура суох.
3Сүрэҕэ баҕарбытын Эн киниэхэ биэрдиҥ,
кини көрдөспүтүн ылынныҥ. Села
4Үтүө алгыһынан Эн кинини көрүстүҥ,
ыраас кыһыл көмүс хоруонаны төбөтүгэр кэтэртиҥ.
5Эйигиттэн олоҕу көрдөөбүтэ –
Эн киниэхэ үйэлэри уҥуордуур олоҕу биэрдиҥ.
6Өрүһүйэн ылаҥҥын, сүдү килбиэҥҥэ тиксэрдиҥ,
үрдүк чиэскэ, улуу аакка тириэртиҥ.
7Үллэр үйэлэргэ Эн кинини алҕаатыҥ,
Бэйэҥ иннигэр туруоран, сүрэҕин үөртүҥ.
8Ыраахтааҕы Айыы Тойоҥҥо эрэнэр,
Үрдүктэн Үрдүк үтүөтүнэн кини тулхадыйбат.
9Эн илииҥ өстөөххүн барытын булуоҕа,
Эн уҥа илииҥ Эйигин абааһы көрөөччүлэри булуоҕа.
10Абаран-сатаран көстүөҥ эрэ кэрэх,
күлүбүрүү умайар оһох курдук буолуохтара;
Айыы Тойон, уордайан, кинилэри суох оҥортуоҕа –
кинилэри уот мэҥиэстиэҕэ.
11Имири эһиэҕиҥ Эн кинилэр оҕолорун сир сирэйиттэн,
удьуордарын – киһи аймахтан.
12Эйигин утары куомуннастахтарына,
хара дьайдаах суолга сананнахтарына,
соруктарын ситиэхтэрэ суоҕа.
13Эн кинилэри үрүө-тараа ыһаттыаҥ,
ох сааҥ охторунан сирэйгэ ытыалыаҥ.
14Үрдээ, Айыы Тойон, сүдү күүскүнэн!
Эн улуу кыаххын биһиги уруйдаан ыллыахпыт.
Voafantina amin'izao fotoana izao:
Саалтыр 20: СБК
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© Институт перевода Библии, 2008-2022