Sam 4
4
Lisingising Ti Loklok Tooro Ukantinao
1O Moroa, nenu lentupe rak! Una vaase porang ia do ana sing u. Dola nia aga ekip tangarang mi levenmumuat, nenu ga lok tooro ia. Mo nga una lox asuusu lebelemumu ram tia la una ronga lising tarak.
2Lingisa ba nemi limixin kapmek miba xap ti paase aksaksa ria? Lingisa ba uba xap ti vavara solo ri levempanga xopmen turuturun teren, la ti mumu asu levempanga xaxarang?
3Ketla mina xasep do Leeme Silok ira soxolik ka vam limixin mokmokso kusu tin, la ing tonga ia do a toro rin.
4Mi guta ke gat lebelemamao na sat arup nimi at laxapmek, la mina ke xepe libilinga. Do minak midi at laraora atnimi, minak midi pilo la minam doma mumu avukat na levelinga. 5Minaplavang ti Leeme Silok mi levempanga naba lox epovo at lodoxoma ren, la minat kis nuunu saga ren. 6Buaang nedi di ngising keretna: “O Leeme Silok, una raba nema mi laxaloklok anarong solo. Una lox asuusu amisik lebelemulus tinama. 7Ketla mo lomomo rak tu, ne Moroa, i volo mo lomomo nedi dinaba ruuna i, ap mo laaleng levempipisik at leventaamang piao eburu mi laxadan vaen na umsu aleng.
8Dola a subu midi, a unga xeneng at lenmila. O Leeme Silok nenu xusuk, u xok nunuan ia.
Voafantina amin'izao fotoana izao:
Sam 4: mmx
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2011, Wycliffe Bible Translators, Inc. All rights reserved.