GENESIS 11
11
Babel in sâng
1Khawvêl pum puiah ṭawng khat an hmang a, an awphawi pawh a inang vek a. 2Khawchhak lam aṭangin#11:2 ‘khawchhak lam panin an insawn a’ tih theih a ni. mi an lo pêm a, Sinar phai#11:2 ‘Sumer phai’ tih a ni bawk, Babulon ram chhûnga mi. 3“Hawh u, leirawhchan siam ila, chang takin i rawh ang u,” an ti a. Lung aiah leirawhchan chu an hmang a, hlum banin an châr a. 4“Hawh u, khawpui i din ang, in sâng tak, vân tawng sa ila, hmingṭha i chher ang u; chutilo chu, khawvêlah kan awm darh zo dah ang e,” an ti a.
5Lei miten khawpui an siam leh in sâng an sa chu en tûrin Lalpa chu a lo chhuk a. 6“Ṭawng khat hmang, hnam pumkhat thiltih duh dân heti hi a nih si chuan an tum ang ang tih theih loh an nei lo mai ang a! 7An thu sawi inhre tawn lo tûrin hawh u, an ṭawng i zu tihhransak ang u,” a ti a. 8Lalpa chuan chuta ṭang chuan khawvêl pum puiah a hnawt darh a, khua chu an sa thei ta lo va. 9Chuvâng chuan, chu hmun chu ‘Babel’#11:9 ‘Babulon’ tih a ni bawk, chu chu Hebrai ṭawngin ‘chawhpawlh’ tihna a ni. tih a ni ta a; khawvêl pum pui mite ṭawng chu inhre tawn thei lovin Lalpa chuan a tihrang ta a; chuta ṭang chuan ram tinah a hnawt darh ta a.
Sema thlahte
10Hei hi Sema thlah chhâwng zêlte chanchin chu a ni: Tuilêt zawh kum hnih hnua a fapa Arpaksada a pian khân Sema chu kum za a ni tawh a. 11Arpaksada pian hnuin Sema chu kum zanga chhûng a dam a, fanu fapa dangte a nei a.
12Kum sawmthum leh panga a nihin Arpaksada chuan fapa Sela a nei a, 13Sela a pian hnu chuan Arpaksada chu kum zali leh pathum chhûng a la dam a, fanu fapa dangte a nei a.
14Kum sawmthum a nihin Sela chuan fapa Ebera a nei a, 15Ebera pian hnu chuan Sela chu kum zali leh pathum chhûng a dam a, fanu fapa dangte a nei a.
16Kum sawmthum leh pali a nihin Ebera chuan fapa Pelega a nei a. 17Pelega pian hnu chuan Ebera chu kum zali leh sawmthum chhûng a dam a, fanu fapa dangte a nei a.
18Kum sawmthum a nihin Pelega chuan fapa Reua a nei a. 19Reua pian hnu chuan Pelega chu kum zahnih leh pakaw chhûng a dam a, fanu fapa dangte a nei a.
20Kum sawmthum leh pahnih a nihin Reua chuan fapa Seruga a nei a, 21Seruga a pian hnu chuan Reua chu kum zahnih leh pasarih a dam a, fanu fapa dangte a nei a.
22Kum sawmthum a nihin Seruga chuan fapa Nahora a nei a, 23Nahora pian hnu chuan Seruga chu kum zahnih chhûng a dam a, fanu fapa dangte a nei a.
24Kum sawmhnih leh pakua a nihin Nahora chuan fapa Tera a nei a. 25Tera pian hnu chuan Nahora chu kum za leh sâwm pakaw chhûng a dam a, fanu fapa dangte a nei a.
26Abrama te, Nahora te, Harana te an pian chuan Tera chu kum sawmsarih a tling tawh a.
Tera thlahte
27Tera thlah zêlte chanchin chu hetiang hi a ni: Tera chuan fapa Abrama te, Nahora te, Harana te a nei a, Harana chuan fapa Lota a nei a. 28Harana chu Kaldai ram Ur khuaah, a pianna ramah chuan, a pa Tera a la dam laiin a thi a. 29Abrama leh Nahora chuan nupui an nei a: Abrama nupui hming chu Saraii a ni a, Nahora nupui hming chu Milkaii a ni. Milkaii leh Iskaii chu Harana fanu an ni. 30Saraii chu a ching a, fa a nei lo.
31Tera chuan a fapa Abrama te, a tupa Lota, Harana fapa te, a monu Saraii, a fapa Abrama nupuite chu a hruai a, Kaldai ram Ur khua chu an chhuahsan a. Kanan rama kal tûrin an chhuak a; mahse, Haran khua an thlen chuan awmhmun an khuar ta a. 32Tera chu kum zahnih leh panga chhûng a dam a, Haran-ah chuan Tera chu a thi ta a.
Voafantina amin'izao fotoana izao:
GENESIS 11: MIZCLBSI
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.