Andinin-tSoratra Masina malaza indrindra nalaina tao amin'ny Asan’ny Apostoly 16

Hizara

Dia hoy izy roa lahy: Minoa an’i Jesosy Tompo, dia hovonjena hianao sy ny ankohonanao.

Ary nony namatonalina, dia nivavaka sy nihira fiderana an’Andriamanitra Paoly sy Silasy; ary nihaino azy ny mpifatotra. Ary nisy horohorontany mafy dia mafy avy tampoka, ka nihozongozona ny fanorenen’ny trano-maizina; dia nivoha niaraka tamin’izay ny varavarana rehetra, ary nivaha avokoa ny fatoran’izy rehetra.

Ary rehefa nentiny nivoaka izy roa lahy, dia hoy izy: Tompoko, inona no mety hataoko, mba hovonjena aho?

Dia nahatsiaro ny mpiandry trano-maizina ka nahita ny varavaran’ny trano-maizina nivoha, dia nanatsoaka ny sabany izy ka saiky hamono tena, satria nataony fa efa nandositra ny mpifatotra. Fa Paoly niantso tamin’ny feo mahery ka nanao hoe: Aza mamono tena, fa ato ihany izahay rehetra.