Andinin-tSoratra Masina malaza indrindra nalaina tao amin'ny 1Tantara 16

Hizara

Katsaho i Iaveh sy ny heriny, tadiavo lalandava ny tavany.

Miderà an’i Iaveh fa tsara Izy, fa maharitra mandrakizay ny famindram-pony.

«Miderà an’i Iaveh, miantsoa ny Anarany, ampahafantaro ny firenena ny zava-dehibe nataony.

Ataovy rehareha ny Anarany masina, aoka ho faly ny fon’izay mitady an’i Iaveh.

Tsarovy ny zava-mahatalanjona nataony, ny fahagagany sy ny fitsaràn’ny vavany

Manaova hira fanajana Azy, mihirà Salamo fanajana Azy. Torio ny fahagagana rehetra nataony.

Fa lehibe i Iaveh ka mendrika hoderaina indrindra, ary mahatahotra mihoatra ireo andriamanitra rehetra Izy

omeo an’i Iaveh ny voninahitra ho an’ny Anarany. Mitondrà fanatitra ka mankanesa eo anatrehany; mitsaoha an’i Iaveh amin’ny fanamiana masina.

fiandrianana amam-pamirapiratana no eo anatrehan’ny Tavany, ary hery aman-kafaliana no eo amin’ny fonenany.

Mihirà ho an’i Iaveh, ry mponina amin’ny tany rehetra, torio isan’andro ny famonjeny.

Ambarao amin’ny firenena ny voninahiny ary amin’ny vahoaka rehetra ny fahagagany.

aza mitendry ireo voahosotra, aza manisy ratsy ny mpaminaniko.

fa ny andriamanitry ny firenena rehetra dia sampy. Ary i Iaveh no nanao ny lanitra

Tsahivo mandrakariva ny fanekeny, ny teny nataony ho an’ny taranaka arivo mandimby.

Aoka hifaly ny lanitra, ary aoka hiravo ny tany! Aoka holazaina eram-pirenena ny hoe: ‹Mpanjaka i Iaveh!›

Hisaorana anie i Iaveh Andriamanitr’i Israely, Hatramin’ny mandrakizay, ka ho mandrakizay.» Ary ny vahoaka rehetra nanao hoe: «Amen!» sy hoe: «Miderà an’i Iaveh!»

Omeo an’i Iaveh, ry fianakaviam-pirenena, omeo an’i Iaveh ny voninahitra sy ny fahefana