Andinin-tSoratra Masina malaza indrindra nalaina tao amin'ny Ohabolana 4

Hizara

Tandremo izay eritreretin’ny fonao fa izany no iankinan’ny fiainanao.

Savao lalana ny tongotrao; aoka ho azo antoka avokoa ny famindranao.

Ambeno tsy hiteny lainga ny vavanao na hilaza fitaka ny molotrao.

Ny voalohan-tanjon’ny fahendrena dia izao: mahazoa fahendrena; koa izay rehetra anananao no ahazoy fahaiza-manavaka.

Ny fitondrantenan’ny olo-marina dia toy ny fahazavan’ny maraina izay mihamazava mandra-pahantoandro ny andro. Fa ny toetran’ny olon-dratsy fanahy kosa toy ny haizim-pito ka tsy fantany akory izay hanafintohina azy.

Aza mahafoy ny fahendrena, dia harovany ianao; tiavo izy, dia hiambina anao.

Tano mafy izay nanabeazana anao ka aza avela. Tehirizo izany fa foto-piainanao.

Aza mankany amin’ny falehan’ny olon-dratsy ary aza mizotra amin’ny lalan’ny mpanao ratsy.

Henoy, rey anaka, ny anatry ny ray ary milofosa hahalala ny fahaiza-manavaka.