Andinin-tSoratra Masina malaza indrindra nalaina tao amin'ny Matio 24

Hizara

Ary dia hihanaka tokoa ny ratsy ka hihamangatsiaka ny fitiavana an’Andriamanitra ao am-pon’ny maro; Kanefa izay maharitra hatramin’ny farany no ho voavonjy.

Ary dia hatao antso avo eran’izao tontolo izao ity Vaovao Mahafaly momba ny Fanjakàn’Andriamanitra ity, mba ho vavolombelona amin’ny firenen-drehetra; izay vao ho tonga ny farany.

Handre ady sy filazana ady ianareo, koa fadio izay hatahotra; eny, tsy maintsy ho tonga izany, kanefa tsy mbola izany no farany.

Fa hisy firenena hitsangana hamely firenena, hisy koa fanjakana hitsangana hamely fanjakana; ary hisy mosary sy horohorontany amin’ny toerana samihafa. Izany rehetra izany no toy ny santatry ny fanaintainam-piterahana.

Ho levona ny tany amana habakabaka, fa ny teniko tsy mba ho levona.

Fa maro no ho avy hisandoka ny anarako ary hiteny hoe: «Izaho no ilay Mesia»; ary maro ny olona ho voafitany.

Amin’izany andro izany, dia hatolotry ny olona ianareo hampijalîna sy hovonoina; ary ho halan’ny firenen-drehetra ianareo, satria miandany amiko. Amin’izany andro izany koa, dia maro ny olona ho voatarika amin’ny ratsy ka hifampiampanga sy hifankahala. Betsaka ireo mpisandoka ho mpaminany no hijoro, ka hamitaka olona maro.

Fa novalian’i Jesoa hoe: –Tandremo fandrao hisy hamitaka anareo.

Noho izany, aoka ho vonona hatrany koa ianareo, fa ho avy amin’ny ora tsy ampoizinareo ny Zanak’olona.

Koa miambena àry, fa tsy fantatrareo izay andro hiavian’ny Tomponareo.

–Ny amin’izay andro sy ora hahatongavan’izany dia tsy misy mahalala na ny anjely any an-danitra na ny Zanaka, fa izy Ray irery ihany.

Olona misandoka ho Mesia sy ho mpaminany manko no hijoro, ka haneho famantarana lehibe sy zava-mahagaga hamitahany na dia ny olom-boafidin’Andriamanitra aza raha azony natao.

Eny, tahaka ny tamin’ny andron’i Noà, dia ho tahaka izany koa ny fiavian’ny Zanak’olona. Fa tamin’ireo andro nialoha ny safodrano dia nihinana sy nisotro ary nampaka-bady na nampakarina ny olona, mandra-pigadon’ny andro nidiran’i Noà tao amin’ny sambofiara, ary tsy nanampo na inona na inona ny olona mandra-pahatongan’ny safodrano izay nandringana azy rehetra. Dia ho tahaka izany koa ny fiavian’ny Zanak’olona.