Andinin-tSoratra Masina malaza indrindra nalaina tao amin'ny Kèʼlo 17

Hizara

Abram meé kiyá nshòv bvə̀ʼə̀ e mbvə̀ʼə̀ (99), NYùY TàR wìy fo wun wùn, e sùúy sho jii, «M dzə̀ Nyùy woo Ŋgaà Vitaàví Vidzə̀m. Á yunín mo, a yiì vinyo vee tìítiy vi, a dzə là nsem

Yír yée yòʼ kfə̀n dzəə́ yiì a dzə ji Abram. Yí sí yiì a dzə ji Abraham, bìʼ fo m lèmèn ne wò ji tàr à vitum vineénín.

M wíy a yùŋrì mensaŋ mem wòsò, e kfə̀n a yùŋrì vèr à rám yé ye yí dzəə́ wìy a wìy fo bàm, é ŋgwàʼ sí ŋgwàʼ si, é wáa dzə mensaŋ me mè gòʼòn ne ŋkuuŋkùŋ. A dzə̀ jii, m wíy a dzə Nyùy wò, e kfə̀n a dzə wo ràm yé.

«Leéy ri yèn, kee mǒ mbìv, m gwàr ne mensaŋ wòsò, aà wíy a dzə tàr à rám sé vitum vineénín.

Nyùy bìnèr jii, «Àáy, Sara woo wiiy wò wíy dzəə́, é vèn wun koóy wán lumèn, aá wíy shù yír rə́ ji Aysi. M wíy yùŋrì mensaŋ mem a dzə̀ vèr wun, wùn à rám rəə́, ye yí dzəə́ wìy a dzə, é wáa dzə mensaŋ me mè gòʼòn ne ghán sidzə̀m.

M wíy fo woŋ wo à dzəə̀n kiŋgwìy sho və̀n e wò. Wóŋ Kanan e dzə̀me sì wó vèn à rám yée ŋkuuŋkùŋ, à rám yé yee mo yí wíy a dzə fo bàmé. A m wíy a dzə Nyùy wov.»

Abraham nèn tsə̀m ndzəə́, e làʼ kitú e nsay, e shèʼ, e ghày jii, «A dzə̀ wír, a wù sì kiyá wií, wù wàa ker wán a? A dzə̀ Sara wo wù siìn kiyá mbvə̀ʼə̀ dzə̀ə́ a?»

Nyùy nèn kfə̀n sùúy e Abraham jii, «Fo ké Saray woo wiiy wò ki, à yòʼ dzəə́ yiì a yòŋ yír rə́ ji Saray. Kèʼ fo lèn, yír rəə́ sì Sara.

Kèʼ fo lèn və̀n, wan woo lumèn mee vishiíy waamé, á sàŋ mbèʼ sə́. Kìn dzə̀ wan wò, kìn dzə̀ wo kwàn wo wú‑uù kuyin e wò lav, kìn wo kwàn wo à yunen e mbàm si fo viŋgwìy vi, a bó á yoʼ kùm kfə́ə yén, á sàŋ mbèʼ sə́, é wáa dzə kisəəm ké mensàŋ me m gwàrìn wòsò.

Yii bèy, m wíy yùŋrì mensaŋ mem a dzə̀ vèr Aysi wo Sara wíy dzəə́ e ghan fen, e kiya ke kí wiyì.»

Kèʼ fo lèn və̀n, wan woo lumèn mee vishiíy waamé, á sàŋ mbèʼ sə́. Kìn dzə̀ wan wò, kìn dzə̀ wo kwàn wo wú‑uù kuyin e wò lav, kìn wo kwàn wo à yunen e mbàm si fo viŋgwìy vi, a bó á yoʼ kùm kfə́ə yén, á sàŋ mbèʼ sə́, é wáa dzə kisəəm ké mensàŋ me m gwàrìn wòsò. Á kù wíy a saŋ mbèʼ se won vén vee vilum adzə̀m, aàkwàné shó, kìn veé laʼ, kìn ve à yunen e mbàm si. Á kisəəm ke vèn kù wíy a ker e věn wùn, é kí wáa dìn ji mensaŋ me m gwàrìn wòsò mè dzə̀ me mè kù wíy a tiy fo ghán sidzə̀m.