Andinin-tSoratra Masina malaza indrindra nalaina tao amin'ny Mə́líʼkus 1

Hizara

A koany kaáyɛnɛ kóog, Yə́sus yɛɛ́dɛ́ɛ́mɛn na pɛbáŋɛn pɛ́ koany agosan. Yɛɛ́lón pálɛ́ɛg agɛɛn a kɛnɔ kɛ́ kifələ́ə́n, əə́ləndin a nsí ɔgɔɔ́sɔ́gɔlɔn.

«Táá kɛnɛŋ kɛ́ píísə́ə́ áa kɛ́ɛnɛ kiə́ʼkiigií ó! Nɛlaamɛʼ nɛ́ Táán áa nɛ́ɛnɛ nɛándɛɛ́ a ɛbá yááŋan o! Ə́súʼkíən óo! Ə́líʼtíníən Tɔsɔm Tólaŋ!»

Ná Sɛ́aŋ ayɛ́mosɔ́gɛn, a nɛlon anɛ́ɛ́n nɛ́ɛn nɛ́ ayɛ́ɛ əə́ndəgiim álon a kɛdɛ́ɛ́, aáság kodála mbálámɔɛn yəə́gəə́buən, Uŋun wó Ufúlúʼtú wááság kiim úsuu wɔnɔ́ kiɛm, ómámoláʼtɛ́mɛn a nkó. Nɛŋo níyíím nísuu tɛn kɔ́gɔ́ɔg a mɔɛn, nɛɔ́nɔ́ na nyɔ́lɛ́: «Wɛ, olɛ mɛ Mɔɔ́n wo ɔʼtɛ́m, tɔnyɔ́g tóam tuim tólɛ na wɛ»

Na məní má məní aa ndɛɛ́ agoboósɔgɛn. Kɔmɔɛ́d lɛ́ nyɔ́lɛ́ alɛ́ɛ́ koboósɔgɛn na Uŋun wó Ufúlúʼtú.»

Náa ɔnɔ́ na pɔ́lɛ́: «Mɛ́naan puínjə́ən, ndaboyɛ́ɛlɛ púbə́ə́ agá kiim póɛnnɔ́bɛnɛ pɔɔd.» Əgín ná yiísə́ə́ náan, pa Simɔ́ɔŋ pɔ́lɛ́ na móŋŋí pááság kudi pámáyáyɛ́dɛ́ɛ́ əmbúnjə́ yɔ́ɔ́bɔn əguyə́ən Yə́sus.

Wɔnɔ́ ná nɛásɛnaʼ niə́ŋ nɛ́ pɛbán nɛ́dɛʼkɛ́lɛɛ́ wɔnɔ́ nɛ́ palɛŋ pɛcɛm, pɔɔd pɛ́ɛ́lɔ́b unuʼ ongás lɛ́ ayɛ́ɛ agosɔyɔ əgín a nɛ́ mɔɔd nyɔ́ alɛɛ́ na Nɛlaamɛʼ.