Andinin-tSoratra Masina malaza indrindra nalaina tao amin'ny Genesis 15

Hizara

Kat iting mga ipiyagꞌaat, piyamayaꞌ nga banar ni Abram. Aypaꞌ ipiyabetang kanya it AMPUꞌANG DIYUS nga taw nga mataldeng kat panleteg ya sabap it pamayaꞌ ya ngayti.

Garing sikayti ega naꞌlay, nagpakikita i AMPUꞌANG DIYUS it ki Abram nga bilang pagtagaynepen ya. Nagnegan ni Abram i inaat it Ampuꞌang Diyus, nga magꞌaat, “Ayaw kat iꞌlam, Abram. Talagang tatarimaen ku ikaw nga akuy bilang kalasag mu kat kaꞌiꞌilang. Baw aku ngaytu i magkapisiꞌan mut ega basta-bastang kamanggadan nga ipagtumbas kut imu.”

Bawnga inaat it AMPUꞌANG DIYUS si Abram nga manliꞌwan duꞌut balay. Bawnga maat ya siꞌ, “Tingaraꞌen muy langit ka bilangen muy mga bituꞌun, in mabilang mu naga. Subung it kadakel it mga bituꞌun ngayan i kadakel it mga tungtung-inapuꞌ mu.”

Temed maat i tubag it AMPUꞌANG DIYUS it kanya, “Egaytu itung taw i sumubli it kusas mu, in daꞌga talagang garing kat sadili mu nga bilug i sumubli.”

Bawnga piyakisugidan siꞌ kanya it AMPUꞌANG DIYUS. Maat i inaat ya, “Ituy kamatuudan, mga tungtung-inapuꞌ mu, manumpang sira duꞌut banwat beken. Ega lamang desang manumpang, magsirbi gasiꞌ sira ka uripnen duꞌun. Talagang ipabetang sira it makuriꞌ, seledat epat nga gatus nga taꞌun.

Katubag si Abram, maat ya, “In iyan, magpasalamat aku, Agalen, temed subuk egay kapulusan it begayan mu aku, ka aku, egay aꞌanak. Siyu i sumubli? Daꞌga yanay sumubli, si Eliezer ngaytu nga taga Damasco?

Sikayti ipiyamatuud it AMPUꞌANG DIYUS nga talagang tumanen yay pakiꞌupakat ya ngaytit ki Abram. Maat ya, “Talagang ibgay kut mga tungtung-inapuꞌ mu i itung banwa, garing duꞌut matanug nga danum it banwa nga Egipto mabut duꞌut kadanuman it Eufrates.

Kat ikaꞌpat nga tungtung-inapuꞌ it kaꞌanakan mu, maꞌuliꞌ na niray itung banwa baw masadili na nira. Sabap kat iting timpu, nga dimnakulaꞌ nang banar i karaꞌe-raꞌetan nga pagsariyen it buwat it mga Amorreo ngaytung datiyan nga taga situ, talagang rigaen ku sira.”