John 3
3
Jesu nia Nicodemus
1Phorisi tang jaktung na Nicodemus ta miqwa ashey angta, bara Jehudi tang solwa angta. 2Piq rangpal o Jesu relnáng ka eq piq ma batta, “Rabbi, í aa sam eq i, nang raa Shkewa ching wang tatalteywa ang eq kataphu, chammatakoi nang aa bari patja jaksom raa takhi u, esha Shkewa ba jamna ang moq ang ajo jin takhi mu.”
3Jesu aa piq ma thawel batta, “Nga asing sing batphang, wey chang moq ang ajo Shkewa Mungtan jin khi moq.”
4Nicodemus aa piq ma batta, “Miq tikang sey ang ajo chamal eq wey chang na? Piq unu wokmong náng wang eq jukni wey chang angna i?”
5Jesu aa piq ma thawel batta, “Nga nang ma asing sing bat phang, miq eq jung etho Tsija wang chang moq ang ajo Shkewa Mungtan náng jin nop moq. 6Chammatakoi utang hanngam o chang aa piq hanngam na; etho utang Tsija na chang aa, piq Tsija na. 7Nga nang ma nak patja u ta batta phang, ‘Nangma wey chang ang ching ràa aa.’ 8Rangpong bari konáng katma nuk aa eshi konáng ka aa etho nang aa tharaaq tat u, etharin nang aa sam mu bari kowang thuta pha etho bari konáng ka aa. Utang Tsija kowang chang aa, piq ma irimal hun.”
9Nicodemus aa thawel batta, “Iri chammal eq jin angna?”
10Jesu aa piq ma batta, “Nang Israel tang tatalteywa ang eq tho iri raaq tang raa jin sam mu i? 11Nga nangma asing sing batphang, íaa chamlang sam i sha bat i, etho íaa bara khiti tang ethima miikkhi kot i, etho nim aa ímikkhi han min. 12Nga nangma mingkang tung aa raaq batta phang sha nang aa han mu ang ujo, nga nangma mungtan tung aa raaq batphang jo chamal eq han nu? 13Miqna Sa mungtan wang kata pha, piq tha dakchak eq mungtan náng utang tho wang moq angta.”
14 “Chamal Moses aa jatna pu tha kantha o aluk náng tun ta, eshimal hun Miqna Sa sha tho aluk náng tun na; 15Irimal ang ajo utang eq piq ma han aa piq aa pattuk rollung kapna.”
16Shkewa mingkang ma tinma eq usa ashey dang tha kotchak ta, irimal ang eq utang eq tho piq o han aa eshi miq sha timoq angna, etharin pattuk rollung kap na. 17Shkewa usa tha mingkang raa khaphung ma takat phamoq angta pha, etharin piq aa mingkang raa thalun rangma takat tapha.
18Utang eq piq ma han aa, piq ma khaphung ahung, etharin utang eq piq ma han moq piq sha khaphung chol sey; chammatakoi ning aa Shkewa Miqwasa ashey dang o han moq angta. 19Khaphung raa irimal: alit mingkang náng katapha, etharin miqtang alit phey náng eq anak shima nukta, chammatakoi ning jaksom tha rapney jashit angta. 20Utang eq jashit som aa, ning aa alik sha miiksuk aa, etho ning alit relnáng kapha moq, eshimal ang ajo ning jashit jaksom tang tha takhina. 21Etharin utang asing o qhing aa ning alit relnáng kapha, irimal ang ajo ning jaksom tang sha Shkewa jakho na somta ta takhina.
Jesu tung aa raaq John miikkhi
22Ethi jio Jesu nia ujiphantey tang Judea haq náng thuta, etho piq aa eshina ning jamoq tong eq jungthalam ta. 23John aa Salim relna Aenon haq na jungthalam chey ta, chammatakoi eshina jung daqhan angta, etho miqtang thu eq junglam ta. 24John eshi tok tho chuk náng sak wey moq angta.
25John jiphantey tang wang chamtey Jehudi tang jamoq tasang raaq rangma thadan chey ta. 26Ning aa John relnáng ka eq piq ma batta, “Tatalteywa, Jordan adak kona ba jamna miq angta, barima nang aa miikkhi kotu; siin u, piq aa jungthalam kot aa, etho thaji piq relnáng ka aa.”
27John aa thawel batta, “Miqna ma mungtan wang kot moq ang ajo, piq aa ashey tho jin kap moq. 28Nga irimal bat taphang ta nim raa i miikkhi kotey tang ta ang aa, ‘Nga Khristo ang mong, etharin piq jakho o takat taphang.’ 29Thariktey nu sha thariktey wa ráng. Etharin bara thariktey wa nokwa eq thariktey wa raaq tat ma, piq relna lang chey aa. Thariktey wa raaq tat eq piq rapney sungrang aa. Thanga irimal hun i sungrang raaq tahom angta. 30Piq uchat ang ching, nga ukum ang ching.”
Mungtan wang kattey
31Bara aluk wang kapha esha thaji phey náng eq ajong. Bara mingkang wang kapha esha mingkang rang, etho mingkang tung aa raaq bat aa. Bara mungtan wang, esha thaji phey náng eq aluk. 32Chamlang piq aa khita etho tatta, eshima miikkhi kot aa; etho utang eq tho piq miikkhi sha thang moq. 33Etharin utang eq piq raaq han aa, Shkewa raa asing ta piq aa takhi ko aa. 34Chammatakoi bara Shkewa takat tapha, piq aa Shkewa raaq bat aa; chammatakoi Shkewa piq ma Utsija sha thap hunga kot aa. 35Uwa aa Usa ma tinmat aa, etho piq aa thaji tangwang tha piq jaknáng kotchak aa. 36Utang eq Usa ma han shing aa, piq ma pattuk rollung; etharin utang eq Usa raaq tat moq, piq aa rollung khi moq, etho Shkewa tinkhat sha piq khom o angna.
Pašlaik izvēlēts:
John 3: Mmmm
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
CC BY-NC-ND 4.0